دیرہ اسماعیل خان(شمائل حبیب موہانا) گومل یونیورسٹی (دیر اسماعیل) اچ سرائیکستان پریمئر لیگ دا مُنڈھ ٻدھدا ڳئے.
2-12-2019 کوں گومل یونیورسٹی سٹی کیمپس (دیرا اسماعیل) اچ سرائیکستان سوڈنٹس موومینٹ دے ولوں گومل یونیورسٹی دے سٹی کیمپس اچ پہلے سرائیکستان پریمئر لیگ دے ناں کرکٹ دے ٹورناینٹ دا ٻہوں سوہݨا مُنڈھ ٻدھدا ڳئے.
ایں ارتھ اچ گومل یونیورسٹی دے وائس چانسلر ڈاکٹر محمد سرور، گومل یونیورسٹی دے رجسٹرار دلنواز خان، گومل یونیورسٹی سٹی کیمپس دے کوآڈینیٹر ڈاکٹر صلاح الدین خان تے ڈین آف فواس شیکب اللہ خان تے تقریباََ یکے ڈیمارٹمینٹس دے استاداں شرکت کیتی.
ایں ارتھ اچ سرائیکستان سٹوڈنٹس موومنٹ دے مین کیمپس صدر خافظ محمد گجر وی شریک ہَن.
ایں ٹورنامنٹ اچ اٹھ (8) ٹولیاں حصہ گھدا. انٹری فیس ہک ہزار روپیہ (1000) رکھی ڳئی ، دا فائنل کھٹن آلی ٹولی کوں چھیں ہزار(6000) تے فائنل ہر ونڄݨ آلی ٹولی کوں ترائے ہزار (3000) نغد انعام ݙتا ویسی.
ایں ارتھ اتھ اچ سرائیکستان سوڈنٹس موومنٹ سٹی کیمپس دے صدر الطاف کھر آوݨ آلے مہماناں کوں ست بسم اللہ آکھا تے وی سی گومل یونیورسٹی ڈاکٹر محمد سرور دا ایں ارتھ اچ تعاون کرݨ تے شکریہ ادا کیتا.
الطاف کھر دا آکھݨ ہا ڄو گومل یونیورسٹی اچ کھیݙاں کوں پروموٹ کرݨ سانگھے اے ٹورنامنٹ سیترا ڳئے. ایں کرکٹ ٹورنامنٹ توں علاوہ فٹ بال تے ٻیاں کھیݙاں دے ٹورنامنٹ وی ٹھہائے ویسن.
صدر سٹی کیمپس الطاف کھر چیرمین سٹی کیمپس ملک باسط ݙکھݨہ، جنرل سیکٹری فراز گرماݨی تے سپورٹس سیکٹری نعیم حسن تے آپݨی یکی کابینہ شکریہ ادا کیتا.
یہ بھی پڑھیے
”کوئی خواب میکوں اُدھارا نہ ݙیویں“ (وسیب یاترا :12)||سعید خاور
”بدن دی بھوئیں تے مُونجھ دا متام“ (وسیب یاترا :11)||سعید خاور
””سندھو سکرات وِچ اے“ (وسیب یاترا :10)||سعید خاور