ضلع ڈیرہ غازی خان سے نامہ نگاروں اور نمائندگان کےمراسلے

ڈیرہ غازی خان :

مرحبا یاسیدی،مرحبایا رسول اللہ اورلبیک یا رسول اللہ کے نعروں سے شہر گونج اٹھا، مرکزی میلاد کمیٹی کی جانب سے منعقدہ جلوس صدر مرکزی میلاد کمیٹی صاحبزادہ انور حسن قریشی،مولانا محمد خان لغاری،بابانسیم اللہ جان،مشیر صحت وزیراعلیٰ پنجاب حنیف خان پتافی کی قیادت میں شہر بھر میں اپنے مقررہ راستوں سے گزرتاہوااور آخری نبیؐ پر درودو سلام اور نعتیں پیش کرتاہواپاکستانی چوک پر اختتام پذیر،

ڈپٹی کمشنر وقاص رشید کی جلوس میں اور اختتامی تقریب میں شرکت،سیکیورٹی و دیگرانتظامات کاجائزہ لیا، جلوس میں شہر اور ملحقہ علاقوں سے ہزاروں افراد کی جوق درجوق شرکت، مختلف درگاہوں کے متعدد سجادہ نشینوں نے اپنے ہزاروں مریدین کے ساتھ مرکزی جلوس میں شرکت کی سینکڑوں کاروں،ٹرالیوں،جیپوں،موٹرسائیکلوں پر مشتمل جلوس کے راستے میں جگہ جگہ شہریوں نے جلوس کے شرکاء کی شربت، جوس، پلاؤ، پھلوں اور مٹھائیوں سے تواضع کی، جلوس کے موقع پر سیکورٹی کے بہترین انتظامات کئے گئے،

پولیس،فائر بریگیڈاورریسکیو1122کی ایمرجنسی گاڑیاں جلوس کے ہمراہ موجود رہیں مزید تفصیل کے مطابق ملک کے دیگر شہروں کی طرح ڈیرہ غازیخان میں بھی 12ربیع الاول کا جلوس مرکزی میلاد کمیٹی کی جانب سے بڑے تزک و احتشام کے ساتھ نکالاگیا،جلوس کاآغاز صبح 9بجے مرکزی جامع مسجد بلاک نمبر3سے ہوا ،

جس کے بعد بلاک نمبر4میں دربار اویسیہ پر پرچم کشائی کی گئی مرکزی جلوس کی قیادت صاحبزادہ انور حسن قریشی نے کی ان کے ہمراہ مولانا محمد خان لغاری، بابا نسیم اللہ جان،علامہ مولانا فخر جہانیاں قریشی، مشیر صحت وزیر اعلیٰ پنجاب حنیف خان پتافی،سجادہ نشین دربار پیر امیراں سید غلام عباس شاہ،مفتی غلام رسول فیضی، چیمبر آف کامرس کے صدر سردار ذوالفقار علی خان نصوحہ،نائب صدر مرزا ظفر اقبال،سابق سینئر نائب صدر طارق اسماعیل قریشی،سابق نائب صدر لطیف خان پتافی، سیکرٹری جنرل چیمبر آف کامرس ملک محمد مجاہد، ڈپٹی کنٹرولر امتحانات تعلیمی بورڈ شیخ امجد حسین،سنی تحریک کے ضلعی صدر طفیل صدیقی،اسلم چانڈیہ ایڈووکیٹ، مفتی محمدقاسم فیضی، علامہ زبیر احمد، مولاناعلامہ ارشاد فرید، علامہ فیاض ساجد، علامہ محمدشاہد سعیدی،الحاج محمد اشرف، علامہ عابد حسین فیضی، سید ابرار حسین شاہ، مولانا خلیل احمدسلیمانی، علامہ خدابخش المانی، محمدطارق رحیم، علامہ حضور بخش کریمی، علامہ شاہد عباس علوی، علامہ قاری کلیم اللہ صادقی، حافظ زین العابدین اویسی، حاجی نوید قادری، حسنین اویسی، سید اکرم شاہ، محمداکبردرانی، علامہ عبدالخالق خالد اور شیخ طاہر معراج،زاہد نظام،نعمان طارق،ارسلان زاہد موجود تھے،

جلوس میں سجادہ نشین جھکڑ امام شریف سید پناہ علی شاہ نے اپنے ساتھیوں سجادہ نشین نورنگ شاہ سید خیر محمدکاظمی، دربار پیرملاقائد شاہ کے سید ساجد صدیق شاہ اور جامعہ رضاء علوم کے مہتمم سید عقیل شاہ کے ہمراہ شرکت کی جبکہ دارالعلوم جامعہ سیفیہ نسیمیہ بنین والبنات کے بابا نسیم اللہ جان نے بھی اپنے سینکڑوں ساتھیوں کے ہمراہ جلوس میں شرکت اور قیادت کی جلوس شہر بھر میں اپنے مقررہ راستوں سے گزرتاہوا

پاکستانی چوک پر اختتام پذیر ہوا جہاں مرکزی میلاد کمیٹی کے صدر صاحبزادہ انور حسن قریشی نے جلوس کے شرکاء کا شکریہ اداکیااور جلسہ کے مختصر پروگرام کے بعد حاضرین میں لنگر تقسیم کیاگیادریں اثناء ڈپٹی کمشنر ڈیرہ غازیخان وقاص رشید نے عید میلاد النبی صلی اللہ علیہ وآلہ وسلم کی مرکزی ریلی کی سیکورٹی اور انتظامات کا جائزہ لیا ،

انہوں نے پاکستانی چوک پر جلسہ میں بھی شرکت کی،ایڈیشنل ڈپٹی کمشنر جنرل حسنین خالد سنپال،اے سی صدر محمد اسد چانڈیہ بھی ہمراہ تھے اس موقع پر ڈپٹی کمشنر وقاص رشید نے کہا کہ ڈیرہ غازی خان میں بھی 12 ربیع الاول عید میلادالنبی کا دن انتہائی عقیدت و احترام سے منایا گیااور ضلعی انتظامیہ کی جانب سے سیکورٹی کے بھی فل پروف انتظامات کیے گئے ہیں، پولیس ریسکیو، بم ڈسپوزل سکواڈ کے نوجوان شامل ہیں، تمام راستوں کو جلسوں اور ریلیوں کے لیے کھلا رکھا گیا جبکہ کوٹ چھٹہ میں ریلی کی قیادت اسسٹنٹ کمشنر ملک محمد شاہد نے کی۔

ڈیرہ غازی خان:

وزیر اعلی پنجاب سردار عثمان احمد خان بزدار کی ہدایت پر اسسٹنٹ کمشنر ملک محمد شاہد کی زیر نگرانی تحصیل کوٹ چھٹہ میں ذخیرہ اندوزوں کے خلاف کریک ڈاؤن کیا گیا ۔

چوٹی زیریں میں چینی،گھی،آٹا کے تھیلے برآمد کرکے راہب حسین کو 20 ہزار روپے جرمانہ عائد کردیا گیا۔

اسسٹنٹ کمشنر ملک محمد شاہد نے کہا کہ ذخیرہ اندوزوں کے خلاف بلا امتیاز کارروائی کی جائے گی۔ذخیرہ اندوزی کرکے مصنوعی مہنگائی کرنے والوں کو آہنی ہاتھوں سے نمٹا جائیگا۔

ڈیرہ غازی خان :

حکومت پنجاب کی ہدایت پر اسسٹنٹ کمشنر کوٹ چھٹہ ملک محمد شاہد نے کہا کہ تحصیل میں انسداد ڈینگی مہم جاری رکھی جائے گی۔

سروییلنس ٹیمیں سروے کرتے ہوئے روزانہ کی بنیاد پر رپورٹ مرتب کریں۔ اپنے آفس میں اجلاس کی صدارت کرتے ہوئے اسسٹنٹ کمشنر ملک محمد شاہد نے کہا کہ ڈینگی سے بچاؤ کے لئے ضروری ہے

کہ لاروا کی پرورش گاہوں کو تلف کیا جائے۔ صفائی کی عادت اپناتے ہوئے ڈینگی مچھر کے حملہ سے بچا جاسکتا ہے۔

پانی کے ذخیرہ کو ڈھانپنے کے ساتھ جوہڑ،کباڑ سے چھٹکارہ حاصل کیا جائے۔انٹامالوجسٹ نے کارکردگی رپورٹ پیش کی۔

ڈیرہ غازی خان :

وزیر اعلی پنجاب سردار عثمان احمد خان بزدار کی ہدایت پر گورنمنٹ بوائز ہائیر سیکنڈری سکول کوٹ چھٹہ میں یوم اقبال کے حوالے سے تقریب کا انعقاد کیا گیا۔

اسسٹنٹ کمشنر کوٹ چھٹہ ملک محمد شاہد نے بطور مہمان خصوصی تقریب سے خطاب کرتے ہوئے کہا کہ

ڈاکٹر محمد اقبال نے برصغیر کے مسلمانوں کو دو قومی نظریہ کی بنیاد پر الگ وطن حاصل کرنے کا خواب دیا اور شعری میں جزبہ آزادی بیدار کیا۔

شاعر مشرق نے امت مسلمہ کو ایک پلیٹ فارم پر جمع کیا۔تقریب سے پرنسپل ادارہ اور دیگر نے بھی خطاب کرتے ہوئے علامہ محمد اقبال کی جدو جہد کو خراج عقیدت پیش کیا۔

ڈیرہ غازی خان :

سٹی ٹریفک پولیس ڈیرہ غازیخان کی طرف سے ڈرائیونگ سکول میں ڈرائیونگ کورس پاس کرنے والوں میں سرٹیفکیٹ تقسیم کیے گئے ۔

ڈی پی او اسد سرفراز نے سرکاری ڈرائیونگ سکول میں ڈرائیونگ کورس پاس کرنے والے سٹوڈنٹس میں سرٹیفکیٹ تقسیم کئے ،

اس موقع پر ڈی پی او اسد سرفراز نے کہا کہ سرکاری ڈرائیونگ سکول میں تجربہ کار اساتذہ کی زیر نگرانی داخلہ لینے والے سٹوڈنٹس کو مکمل ڈرائیونگ سیکھائی جاتی ہے،

دوران ڈرائیونگ گاڑیوں میں ہونے والی معمولی فنی خرابیوں کو جانچنے اور ان کی مرمت بارے بھی انہیں بتایاجاتا ہے،

ڈی پی او اسد سرفراز نے مزید بتایا کہ ایل ٹی وی ڈرائیونگ کورس کا دورانیہ 30 یوم جبکہ موسائیکل اور کار جیب ڈرائیونگ کورس کا دورانیہ 15 یوم ہے ،

خواہشمند مرد و خواتین کو ٹریفک قوانین کے مطابق مکمل ڈرائیونگ سیکھائی جاتی ہے،

ڈرائیونگ کورس مکمل کرنے والے سٹوڈنٹس سے ڈی ایس پی ٹریفک مہر اسحاق سیال نے گاڑی چلانے اور اشارے کا ٹیسٹ بھی لیا۔

ڈیرہ غازی خان:

ڈی پی او اسد سرفراز کی ہدایت پر تھانہ صدرتونسہ پولیس کا جوئے کے اڈے پر چھاپہ،

جواء کھیلتے ہوئے 12ملزمان رنگے ہاتھوں گرفتار، داؤ پر لگی رقم مبلغ31ہزار روپے اورموبائل فون برآمد، مقدمہ درج

ترجمان پولیس کے مطابق ایس ایچ او شاہد رضوان نے مخبر کی اطلاع پر کاروائی کر تے ہو ئے قصبہ بغلانی ہوٹل میں جواریوں کو جواء کھیلتے ہوئے رنگے ہاتھوں گرفتار کرکے داؤ پر لگی رقم مبلغ31ہزار روپے،موبائل فون برآمد کرکے12ملزمان کے خلاف مقدمہ درج کر دیا۔

ڈیرہ غازی خان:

سابق چیئرمین پاکستان فلور ملز ایسوسی ایشن پنجاب حبیب الرحمن لغاری کے بڑے بیٹے عتیق الرحمن لغاری اچانک حرکت قلب بند ہونے کے باعث انتقال کر گئے ۔

مرحوم کی نماز جنازہ ادا کر دی گئی  ،نماز جنازہ میں جنرل سیکرٹری پنجاب مسلم لیگ ن سردار اویس احمد خان لغاری، سابق ایم پی اے سردار محمود قادرخان لغاری،مشیر صحت پنجاب حنیف خان پتافی،صدر ڈسٹرکٹ بار یاسر کھوسہ،جنرل سیکرٹری ڈسٹرکٹ بار طیب کلیم بخاری، صدر چیمبر آف کامرس سردار ذوالفقار علی خان نصوحہ،سابق صدر بیرسٹر عباس علی خان نصوحہ،ممبر ایگزیکٹو شہباز علی خان نصوحہ،سیکرٹری جنرل چیمبر ملک محمد مجاہد،ملک مصطفی کھنڈوا،خلیل احمد علیانی،میاں سلطان محمود ڈاہا،ملک اقبال ثاقب،ملک محبوب ثاقب،ظفر عباس نقوی،سید دلاور شاہ،خورشید اقبال رند، سمیت ،

علماء کرام،وکلاء،صحافی،سیاسی و سماجی شخصیات اور شہریوں نے بڑی تعداد میں شرکت کی مرحوم کی روح کے ایصال ثواب کے لیے قرآن خوانی بروز منگل لغاری فلور ملز میں ادا کی جائے گی۔

ڈیرہ غازی خان :

فو جی فرٹیلائزر کمپنی لمٹیڈ کی زیراہتمام گندم کی فصل کی منافع بخش پیداوارکے حوالے سے کاشتکاروں کی رہنمائی کیلے مقامی ہوٹل میں سمینار تقریب کاانعقاد کیاگیا۔

تقریب کے مہمان خصوصی ڈائریکٹر زراعت توسیع ڈیرہ غازی خان عبدالغفور غفاری تھے۔تقریب سے خطاب کرتے ہوئے ایف ایف سی ملتان کے زونل منیجر محمدعلی جنجوعہ نے کہاکہ ملکی معیشت میں زراعت ریڑھ کی ہڈی کی حیثیت رکھتی ہے ،

جبکہ ایف ایف سی زرعی پیداوار بڑھانے،کسان اور کاشتکاروں کی خوشحالی کیلے کوشاں ہے۔کھادوں کا متوازن اور بروقت استعمال زرعی پیداواری صلاحیتوں میں اضافے کو یقینی بناتاہے ۔

۔ڈپٹی ڈائریکٹر زراعت مہر عابد حسین نے خطاب کرتے ہوئے کہا کہ گندم کی فی ایکڑ پیداوار اضافے کیلے معیاری بیج اور کھادوں کے بروقت استعمال کا کلیدی رول ہے۔

ملک کی 70فیصد آبادی زراعت سے منسلک ہے ملک وقوم کی ترقی کیلے ضروری ہے کہ شعبہ زراعت کو مضبوط بنایاجائے۔انہوں نے کہاکہ کاشتکاروں کو گندم کی اعلیٰ پیداوار کیلے معیاری بیج اور متوازن کھادوں کا استعمال یقینی بناناہوگا۔

ایف ایف سی کے ریجنل منیجر محمدمامون الرشید،طارق جاوید، احمد حسن،عقبی خان جدون، نعمان علی طاہر، ڈاکٹرم حمدعنصر جاوید ودیگر مقررین نے خطاب کرتے ہوئے زمینداروں پر زور دیا کہ وہ زرعی ماہرین کے مفید مشوروں پر عمل پیرا ہو کر اپنی گندم کی پیداوار کو بڑھا کر قومی زر مبادلہ میں خطیر اضافہ کر سکتے ہیں،

کاشتکاروں کو بدلتے موسموں کے ساتھ اپنی زرعی عادات میں تبدیلی لانے کی ضرورت ہے۔ ایف ایف سی اپنی زرعی خدمات کے شعبے کے ذریعے زمینداروں کو زرعی تحقیقاتی اداروں کی جدید ریسرچ اور فصلوں کے متعلق دیگر معلومات باہم پہنچا رہی ہے ،

اور اب یہ کاشتکاروں کی ذمہ داری ہے کہ وہ زرعی ماہرین سے زیادہ سے زیادہ رابطہ رکھیں اور ان کی سفارشات پر عمل پیرا ہو ں۔تقریب میں کسانوں،کاشتکاروں کی بڑ ی تعداد نے شرکت کی اور سمینار کے انعقاد کوسراہا۔

ڈیرہ غازی خان:

ماہ ربیع الاول کے مبارک ماہ میں ہم نے اپنے اظہار محبت کو ایسے اجاگر کرنا ہے کہ آنے والا سال ہمارے اس عشق کا شاہد ہو کہ نبی کریمؐ کا حقیقی عاشق ایسا ہوتا ہے۔

ہماری گفتار ہمارا لین دین ہمارا دوسرے مسلمان بھائیوں کے ساتھ برتاؤ سب عین سنت نبوی ؐ کے مطابق ہو۔اور ہمارا کوئی بھی عمل جو کہ آپ کی اتباع میں اٹھے اس میں نیت خالص ہوکہ سب اللہ کی رضاکے لیے ہے۔

ان خیالات کا اظہار شیخ سلسلہ نقشبندیہ اویسیہ و سربراہ تنظیم الاخوان پاکستان حضرت امیر عبدالقدیر اعوان مد ظلہ العالی نے ہزاروں خواتین و حضرات سے ڈیرہ نور ربانی کھر کھر غربی میں ایک بہت بڑے جلسے سے خطاب کرتے ہوئے ،

کیا۔انہوں نے کہا کہ ہمیں رسم ورواجات کو چھوڑ کر اُس عمل پر اپنے آپ کو لانا ہو گا کہ کوئی قدم بھی دین اسلام سے باہر نہ ہو۔اور ہمیں نجی زندگی کے اندر سے بھی ان تمام باتوں کونکال باہر کرنا ہو گا جو کہ آپؐ کی سنت کے خلاف ہیں۔

اصل میں عشق مصطفےٰ ؐ کا تقاضا ہی یہ ہے۔عشق مصطفی کی تجدید ماہ مبارک ربیع الاول میں ہوتی ہے۔ کیونکہ عشق مصطفی کو ہم ماہ وسال میں مقید نہیں کر سکتے بلکہ جو زندگی اور جو لمحے اس کارگاہ حیات میں نصیب ہوئے ہیں ان کو اگر آپؐ کے قدموں میں نچھاور کر دیں تب بھی عشق مصطفیؐ کا حق ہم ادا نہیں کر سکتے ،

اور اصل میں اگر اس دنیا میں دیکھنا ہو کہ آپؐ کی ذات سے صحیح معنوں میں اظہار محبت،عشق اور اتباع کس نے کیا ہے تو وہ ہستیاں صحابہ کرام ؓ کی ہیں جنہوں نے زمانہ کو دکھا دیا کہ آپؐ کے ہر اشارے کی پیروی کیسے کرنی ہے۔

آج بھی اگر دیکھنا ہو تو اپنے ہر عمل ہر قدم کو دیکھنا ہو گا کہ وہ آپؐ کی اتباع میں ہے یا نہیں۔آج وہ مسلمان قوم جو ظلم کو روکنے والی تھی اور مظلوموں کی مدد کرتی تھی خود مظلومیت کا شکار ہو گئی ہے۔

اس پستی کا حل یہ ہے کہ ہم اپنی اصل کی طرف لوٹ آئیں۔اور اپنے ایمان کو مضبوط کریں۔جس میں ملک بلال احمد کھر ایم پی اے،ملک طاہر میلادی کھر سابقہ ایم پی اے،ملک یحی کھر،ملک محمد یار کھر،ملک حماد کھر،حاجی امین خلیفہ،اختر خاں ترین،رائے منظو ر حسین،عمر وڑائچ صاحب نے بھی شرکت کی۔

اس کے علاوہ علاقہ بھر سے سیاسی و سماجی شخصیات کے علاوہ ملحقہ علاقوں سے ایک کثیر تعداد میں خواتین و حضرات شرکت کرتے ہیں۔پرگرام کے آخر میں حضرت امیر عبدالقدیر اعوان مد ظلہ العالی نے ذکر قلبی کا طریقہ بتایا اور مجمع سے کثیر تعداد نے آپ کے ہاتھ پر ظاہر ی بیعت کی سعادت حاصل کی

اور آپ نے نسبت اویسیہ عطا کی۔آخر میں آپ نے ملکی سلامتی اور ہندوستا ن میں موجود مسلمانوں پر ظلم جو ہو رہا ہے ان کے لیے صبر اور کشمیر کے مسلمانوں کے لیے خصوصی دعا فرمائی۔صاحب مزاج اور محمد اکبر صدیقی نے بھی خطاب کیا۔

ڈیرہ غازی خان :

سالانہ ڈاکٹر نذیر احمد شہید کر کٹ ٹورنا منٹ کا میچ بمقام جامع ہائی سکول کرکٹ گراؤنڈمیں تیسرا کوارٹر فائنل میچ نیو آئیڈیل کر کٹ کلب بمقابلہ اے آر وائی کر کٹ کلب کے درمیان کھیلا گیا۔

نیو آئیڈیل کر کٹ کلب نے ٹاس جیت کر پہلے بیٹنگ کر تے ہوئے مقررہ چھ اوورز میں محمد وقاص 65اورعرفان حیدرن کے 24رنزکی اننگز کی بدولت 131رنز بنائے۔ اے آر وائی کٹ کلب کی طرف سے نما یاں باؤلنگ کر تے ہوئے عاشق حسین نے اپنے مقررہ اوورز میں 12 رنز کے عوض 03کھلاڑیوں کو آؤٹ کیا۔

بعد میں بیٹنگ کر تے ہوئے اے آر وائی کر کٹ کلب نے مہر علی 40رنزاورمحمد ارشد نے 45رنز کی اننگز بھی اپنی ٹیم کو سیمی فائنل میں نہ پہنچا سکے

اور یو ں اے آر وائی کرکٹ کلب کی ٹیم سنسی خیز مقابلے کے بعد 115رنز بنا سکی۔ نیو آئیڈیل کر کٹ کلب کی طرف سے نپی تلی باؤلنگ کر تے ہوئے

محمد فشان نے مقررہ اوورز میں 20رنز کے عوض 03کھلاڑیوں کو پویلین کا راستہ دکھایا۔ نیوآئیڈیل کر کٹ کی ٹیم نے یہ 16رنز سے جیت کر سیمی فائنل تک رسائی حاصل کر لی۔

ڈیرہ غازی خان :

اینٹی کرپشن عدالت نے درخواست ضمانت سے متعلق محفوظ فیصلہ سنادیا مسلم لیگ ن پنجاب کے سیکرٹری جنرل سابق وفاقی وزیربرائے توانائی سردار اویس احمد خان لغاری کی مبینہ کرپشن کے مقدمہ میں ضمانت منظور،

اویس لغاری کو دس لاکھ روپے کے مچلکے جمع کرانے کا حکم، جبکہ مقدمہ میں نامزد دوسرے ملزم سابق سی ای او ساؤتھ پنجاب فاریسٹ کمپنی طاہررشید کی ضمانت کی درخواست خارج کردی

ساؤتھ پنجاب فاریسٹ کمپنی کرپشن کیس کی سماعت اینٹی کرپشن عدالت کے جج میاں عبدالرحمن بودلہ نے کی عدالت نے سردار اویس لغاری کی درخواست ضمانت پر محفوظ فیصلہ سناتے ہوئے درخواست ضمانت منظور کرلی اوردس لاکھ روپے کے مچلکے جمع کرانے کا بھی حکم دیا ،

جبکہ مقدمہ میں نامزد دوسرے ملزم سابق چیف ایگزیکٹو آفیسر ساؤتھ پنجاب فاریسٹ کمپنی طاہررشید کی ضمانت کی درخواست خارج کردی واضح رہے کہ محکمہ اینٹی کرپشن نے سردار اویس احمد خان لغاری کیخلاف بطور چیئرمین ساؤتھ پنجاب فاریسٹ کمپنی میں کروڑوں روپے کی مبینہ کرپشن

اور محکمہ جنگلات کی ہزاروں ایکڑ قیمیتی اراضی قواعدکے خلاف مبینہ طور پر اپنے قریبی عزیزوں اور من پسند افراد کو الاٹ کرنے کے الزامات کے تحت مقدمہ درج کرکھاہے۔

ڈیرہ غازی خان

حکومت پنجاب نے ڈاکٹر محمد آصف قریشی کو ریگولر طور پر پرنسپل ڈی جی خان میڈیکل کالج تعینات کر نے کے احکامات جاری کر دیئے ۔

ان کی تعیناتی پر ایم ایس ڈسٹرکٹ ٹیچنگ ہسپتال

ڈاکٹر شاہد مگسی،چیف ایگزیکٹو آفیسر ہیلتھ ڈاکٹر خلیل احمد،ڈپٹی ایم ایس ڈاکٹر خالد تحسین،ڈاکٹر مجید اللہ بزدار،

ڈاکٹر ہارون بلال،ڈاکٹر عبد الرحمن عامر قیصرانی،ڈاکٹر حبیب اللہ شاہ،ڈاکٹر رضوان انور،ڈاکٹر عاصم بھٹی،ڈاکٹر حامد حیات،ڈاکٹرتحسین اقبال،ڈاکٹر عظیم و دیگر ڈاکٹر ز نے مبارکباد دیتے ہو ئے ان کی تقرری کو خوش آئندہ قرار دیا۔

ڈیرہ غازی خان :

بارڈر ملٹری پولیس تھانہ راکھی گاج کی حدود میں ٹریکٹر ٹرالی الٹ گئی ۔ حادثہ کے نتیجہ میں ایک ہی خاندان کی دوخواتین اور بچوں سمیت پانچ زخمی ،

تفصیلات کے مطابق بارڈر ملٹری پولیس تھانہ راکھی گاج کی حدود مٹھاون چیک پوسٹ کے نزدتیز رفتاری کے باعث ٹریکٹر ٹرالی الٹ گئی حادثہ کے نتیجہ میں لورالائی سے تعلق رکھنے والے کوثر زوجہ سادو خان،بختو مائی زوجہ فیروزخان،سادیہ فیروز،زمان خان اور اکبرخان زخمی ہو گئے ۔

حادثہ کی اطلاع ملتے ہی بارڈر ملٹری پولیس تھانہ راکھی گاج کے ایس ایچ او لیاقت عباس لغاری اور ریسکیو 1122کے امدادی اہلکاروں نے موقع پر پہنچ امدادی کاروائیاں فراہم کیں۔

جبکہ زخمیوں کو 1122 کے ذریعے ٹیچنگ ہسپتال ڈیرہ غازی خان کے ٹراما سنٹر منتقل کر دیا گیا جہاں زخمیوں کی حالت خطرے سے باہر بتائی جا رہی ہے۔

ڈیرہ غازی خان :

حضرت محمدؐ کی ہستی تمام دنیا کے لیے رحمت کا باعث ہے اسی لئے حضرت محمدؐکو رحمت اللعالمین کہا گیا ہے،

آپ صلی اللہ علیہ وسلم نے احترام انسانیت اور انصاف کا درس دیا، حضرت محمد صلی وسلم کی ذات ہمارے لئے مشعل راہ ہے ۔

ان خیالات کا اظہار گونگے بہرے ایسوسی ایشن کی 27 ویں سالانہ جشن عیدمیلادالنبی کی تقریب سے صدر شاہد کفایت نے خطاب کرتے ہوئے کیا،

تقریب کے مہمان خصوصی حیدر کفایت عباسی ایڈوکیٹ،شاہد مسعود قیصرانی ایڈووکیٹ، محمد اختر خان،فیاض نقوی،باقر نقوی، محمد وجاہت حیدر و دیگر نے بھی خطاب کیا،

جبکہ تقریب میں صوبہ بھر سے گونگے بہرے ایسویشی ایشن کے عہدیدارا راہنما جن میں رانا محمد یونس، خورشید احمد غلام عباس محمد خالد عبدالرحمن اسلم کھوسہ محمد اقبال، شریک ہوئے،

مقررین نے حضرت محمد صلی اللہ علیہ وسلم کی ذات پر اپنے مخصوص انداز اور سیرت نبی صلی اللہ علیہ وسلم پر روشنی ڈالی کہ ہدیہ نعت اور درود و سلام پیش کیا گیا۔

ڈیرہ غازی خان :

عید میلادالنبی صلی اللہ علیہ وسلم کے روز تھانہ کوٹ مبارک کی حدود میں ڈیرہ غازی خان میں پولیس موبائل پر حملہ ، ایک ایلیٹ فورس کا اہلکارشہید ،

ایک اہلکار زخمی سمیت 2 مبینہ ڈاکو بھی مارے گئے ،شہید اہلکار کی نماز جنازہ پولیس لائن میں ادا کر دیگئ

اس سلسلہ میں مزید تفصیل کے مطابق گزشتہ روز ڈیرہ غازیخان کے تھانہ کوٹ مبارک کے علاقے میں بدنام زمانہ قتل و ڈکیتی کی وارداتوں میں ملوث لادی گینگ اور پولیس کے مابین مقابلہ کے دوران ایلیٹ فورس کا اہلکار سلیمان شہید

جبکہ جوابی فائرنگ کے دوران دو ڈاکو ہلاک ایک مقامی شخص محمد حسین بھی جاں بحق ہوا ریجنل پولیس افسر عمران احمر نے میڈیا سے گفتگو میں بتایا کہ آج علاقہ لادی گینگ کے مسلح افراد کی مقامی جیانی قبیلہ کے افراد پر حملے کی اطلاع ملنے پر پولیس نے ملزمان کا تعاقب کیا

تو ملزمان نے اندھا دھند فائرنگ شروع کردی جس سے ایلیٹ فورس کا اہلکار محمد سیلمان جروار موقع پر شہید جبکہ ملزمان کی فائرنگ سے کانسٹیبل محمد عمران اور ایک مقامی شخص محمد حسین جان بحق ہوگیا

تاہم پولیس فورس کی جانب سے جوابی فائرنگ کے نتیجہ میں دو ملزمان غلام حیدر اور عبداللہ ہلاک ہوگئے ہیں

اطلاع ملنے پر ڈی پی او اسد سرفراز خان بھاری نفری سمیت موقع پر پہنچ گئے اور کئی گھنٹے پولیس مقابلہ اور سرچ آپریشن جاری رہا جبکہ شہید اور زخمی ہونے والے اہلکار عمران کو ٹیچنگ ہسپتال منتقل کردیا گیا

دریں اثناءآر پی او عمران احمر بھی زخمی اہلکار عمران کی عیادت کرنے کےلئے ہسپتال پہنچے اور زخمیوں کو طبی امداد کی فراہمی اور ریسکیو آپریشن کی نگرانی کرتے رہے

بعد ازاں شہید ایلیٹ فورس اہلکار سلیمان کی پولیس لائن میں نماز جنازہ ادا کی گئی جس میں مشیر وزیر اعلی حنیف خان پتافی، آر پی او عمران احمر، ایس پی جلیل عمران غلزئی، ڈی پی او اسد سرفراز خان، رینجرز کے کرنل محمد شاہد اورسینکڑوں افراد نے شرکت کی

واقعہ پر تھانہ کوٹ مبارک پولیس نے 8 نامزد ملزمان کے خلاف انسداد دہشت گردی قتل سمیت مختلف دفعات کے تحت مقدمہ نمبر 260/19 درج کرکے کارروائی شروع کردی ہے۔

About The Author

dailyswail

See author's posts