لاہور ہائیکورٹ سے نواز شریف کی ضمانت منظور ہونے کے بعد مسلم لیگ نون کے صدر شہباز شریف اور نواز شریف کی صاحبزادی مریم نواز شریف سروسز اسپتال پہنچے۔
ذرائع کا کہناہے کہ نواز شریف کو ہائیکورٹ سے ضمانت ملنے کے بعد میاں شہباز شریف سروسز اسپتال پہنچے اور نواز شریف کو مبارکباد دی۔ شہباز شریف بستر پر جھک کر نواز شریف سے بغلگیر ہوئے۔
نواز شریف کی والدہ بیگم شمیم اختر نے شہباز شریف کو سر پر ہاتھ پھیر کر پیار دیا۔ اس سے پہلے مریم نواز شریف کو بھی سروسز اسپتال پہنچایا گیا تھا۔
مریم نواز شریف کو محکمہ داخلہ کی گاڑی پر جیل سے اسپتال منتقل کیا گیا۔ شہباز شریف نے مریم نواز کو بھی ملاقات کے دوران پیار دیا اور کہا کہ اللہ بہت جلد بہتر کرے گا۔
مسلم لیگی رہنما بلال یاسین ، طلال چوہدری عظمی بخاری ، غزالی بٹ ، سمیع اللہ چوہدری ، یاسین سوہل ، وحید عالم خان ، سائرہ افضل تاڑرسمیت دیگر رہنما بھی اسپتال پہنچ رہے ہیں۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد