ملتان: لاہور ہائیکورٹ ملتان بنچ میں قندیل بلوچ قتل کیس میں بری ہونے والے ملزمان کی بریت کے خلاف اپیل دائر کر دی گئی ہے۔
سرکاری پراسیکیوشن ٹیم نے مفتی عبدالقوی سمیت 5 ملزمان کی بریت کے خلاف اپیل دائر کی ہے۔
عمر قید کی سزا پانے والے ملزم وسیم کی سزا کو بڑھانے کے حوالے سے بھی اپیل دائر کی گئی ہے ۔
قندیل بلوچ قتل کیس میں ماڈل کورٹ نے 27 ستمبر کو مفتی عبدالقوی سمیت 5 ملزمان کو بری کر دیا تھا۔
معروف ماڈل قندیل بلوچ قتل کیس میں مرکزی ملزم وسیم کو عمر قید کی سزا سنائی گئی تھی۔
ملزمان کے خلاف ماڈل قندیل بلوچ کا گلہ دبا کر غیرت کے نام پر قتل کرنے کا الزام ہے۔
پراسیکیوشن ڈیپارٹمنٹ نے اپنی اپیل میں مؤقف اختیار کیاہے کہ ملتان کی ماڈل کورٹ نے تمام شواہد کو مد نظر رکھے بغیر ملزمان کو بری کر دیا۔
درخواست میں مؤقف اختیار کیا گیاہے کہ ملزم وسیم کو سیکشن 302 کے تحت سزا نہیں سنائی گئی۔ملزم وسیم کی سزا کو بڑھایا جائے۔
اپیل ملزمان مفتی عبدالقوی، ظفر، عبدالباسط، حقنواز اور اسلم شاہین کے خلاف دائر کی گئی ہے۔
یہ بھی پڑھیے
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد
ڈیرہ اسماعیل خان میں پولیس نفری لیجانےوالی گاڑی کے قریب دھماکہ،5افراد شہید،21زخمی
ڈیرہ غازی خان کی خبریں