کراچی سے لاپتہ چھ افراد کی بازیابی کے کیس میں لاپتہ افراد کی ٹریو ل ہسٹری
اور حراستی مراکزمیں موجود افراد سے متعلق رپورٹس طلب کرلی گئیں۔
سندھ ہائی کورٹ میں درخواستوں کی سماعت کے دوران عدالت نے پولیس رپورٹس پر عدم اطمینان کا اظہار کیا۔
عدالت نے لاپتا افرادکی ٹریول ہسٹری اور ملک بھر میں قائم حراستی مراکز میں شہریوں کی موجودگی سے متعلق رپورٹس طلب کرلیں۔
عدالت نے کہا کچھ شہری دس سال سے لاپتا ہیں۔ بے شمار جے آئی ٹیز اور صوبائی ٹاسک فورس سے کچھ نتیجہ نہیں نکلا۔
جسٹس نعمت اللہ پھلپھوٹو نے ریمارکس دیئے پولیس لاپتا شہریوں کا سراغ لگانے میں کیوں ناکام ہے۔
تفتیشی افسر نے کہا متعلقہ تھانوں میں مقدمات درج کرلیے گئے ہیں۔
پولیس نے بتایا حراستی مراکز سے تفصیلات مانگی ہیں مگر جواب نہیں آیا۔ عدالت نے دس فروری کو پیش رفت رپورٹ طلب کرلی
اور حکم دیا کہ لاپتا افراد کو ہر صورت بازیاب کرایا جائے۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد