پاکستان ویمن کرکٹ ٹیم کی بلے باز سدرہ امین نے اپنی زندگی کا اہم اعزاز حاصل کرلیا ۔ سدرہ امین کو آئی سی سی ویمنز پلیئر آف دی منتھ قرار دیا گیا ہے ۔
قومی بلے باز سدرہ امین کو انٹرنیشنل کرکٹ کونسل نے ویمنز پلیئر آف دی منتھ قرار دے دیا۔ کرکٹ کونسل نے
سدرہ امین کو نومبر میں شان دار کارکردگی دکھانے پر آئی سی سی پلیئر آف دی منتھ کے اعزاز سے نوازا۔
پاکستانی اوپنر سدرہ نے آئرلینڈ کے خلاف سیریز میں دو سو ستتر رنز اسکور کیے تھے، انھوں نے سیریز میں ایک سو چھئتر رنز کی ناقابل شکست اننگز بھی کھیلی۔
سدرہ امین نے اس سیریز میں ایک سو پچاس سے زائد رنز کی اننگز کھیلنے والی پہلی پاکستانی خاتون کھلاڑی ہونے کا بھی اعزاز اپنے نام کیا۔
اسکے علاوہ ،،،آئرلینڈ کے خلاف سیریز میں سدرہ نے منیبہ کے ساتھ دو سو اکیس رنز کی ریکارڈ اوپننگ شراکت بھی بنائی تھی۔
سیریز کے پہلے دو میچز میں اپنی کارکردگی کی بدولت پلیئر آف دی سیریز کا اعزاز بھی حاصل کیا تھا۔
سدرہ امین آئی سی سی خواتین کی ون ڈے بیٹنگ رینکنگ میں بھی بائیسویں نمبر پر آگئی ہیں، اور اس فہرست میں وہ سب سے
زیادہ رینک والی پاکستانی بلے باز ہیں۔ پی سی بی نے اعزاز پر ،، سدرہ امین کو مبارکباد دی ہے۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد