ذلفی
۔۔۔۔۔۔۔۔۔۔۔۔۔۔.
کیا عمران دی سیاست واقعی ختم ھے؟
بالکل کائینا۔۔!
کیا عمران کوں لوک چھوڑ ویسن؟
بالکل کائینا؟
کیا عمران ول فوج نال ڈیل کر گھنسی؟
اپݨی کوشش پوری کریسی تے فوج وی پی ٹی آئی اچ پلانٹڈ اپݨے بندیں کوں تکھیں ضائع نہ تھیوݨ ڈیسی کوئی وی انویسٹر اپنے بزنس کوں برباد نئیں کریندا۔
کیا عمران کوں الیکٹیبل چھوڑ ڈیسن؟
سیاست اچ کوئی چیز حتمی نئیں ہوندی، عمران دی مقبولیت دی وجہ کولو زیادہ لوک چھوڑیسن کائینا۔
کیا تحریک انصاف کڈاہیں پارلیمانی پارٹی تے جمہوریت تیں یقین رکھݨ آلی پارٹی بݨسی؟
سیاست دا ہیک اصول ھے جو آہستہ آہستہ او اپݨی سیاسی رٹ قائم کریندی ھے تھی سگدے کڈاہیں تحریک انصاف وی میثاق جمہوریت کر کے جینوئین سیاسی پارٹی بݨ ونجے۔
کیا عمران دی مقبولیت اگلے الیکشن تک برقرار راہسی؟
عمران دا ووٹر امیچور تے غیر سیاسی مائنڈ سیٹ دا طبقہ ھے، او اپݨی جہالت کوں ڈوجھیں دی کم علمی سمجھدن جیندی وجہ کولو عمران دی مقبولیت سال ڈو سال زیادہ گھٹسی کائینا۔
کیا عمران دا حالیہ لانگ مارچ کامیاب تھیسی؟
عمران اتنا بندے کڈھ آسی جیندی وجہ کولو ایندا بھرم باقی راہسی۔
کیا عمران کوں مقدمے بازی دے ذریعے شل کر ڈتا ویسی؟
عمران خان جیل برداشت نئیں کر سگدا پر اگر عمران کوں ڈھک ڈتا گیا تاں ایندی مقبولیت اچ اضافہ تھیسی کیوں جو برصغیر اچ ” مظلوم” کوں آدر ڈتا ویندے۔
کیا عمران خان کوں بیانئے دے ذریعے شکست ڈتی ونج سگیندی ھے؟
بالکل کیتی ونج سگیندی ھے اگر پی پی پی اپݨے خالص سیاسی انٹیلیجینشیا کوں انگیج کرے تے ہر فورم تیں اپنی گالھ رکھن اور گراس روٹ لیول تیں تنظیمی ڈھانچے کوں مضبوط کرن۔
کیا فوج واقعی نیوٹرل تھی گئی ھے؟
فوج وقتی طور تیں سیاسی ضروریات دے پیش نظر کہیں حد تک اپنا سیاسی رول گھٹ کر سگدی ھے پر او پاکستان دی سب کولو وڈی سٹیک ہولڈر تے مفاد چاوݨ آلی طاقت ہووݨ پاروں کڈاہیں غیر سیاسی نئیں تھی سگدی جہے تک تمام سیاسی پارٹیں دی لیڈرشپ نواں میثاق جمہوریت نہ کرن تے اوندے اُتیں کاربند نہ راہون۔
کیا عمران دی کھیڈ مُک سُتی ھے؟
سیاست اچ ہزار دروازے ہوندن تے عمران واسطے اجاں بہوں سارے دروازے کُھلے ہن؟
کیا کوئی سیاسی جماعت عمران کوں موجودہ ٹرم آئل اچوں کڈھ سگدی ھے؟
پیپلز پارٹی دا کردار ہمیشہ سیاسی رہ گئے او اگر ن لیگ کوں کڈھ آئی ھے تاں پی ٹی آئی کوں وی کڈھ سگدی ھے۔۔
اے وی پڑھو:
ذلفی دیاں بیاں لکھتاں پڑھو
یہ بھی پڑھیے
””میاں عثمان عباسی کنوں نکھیڑے دِی ݙَنج“ (وسیب یاترا :9)||سعید خاور
”شیر دل رانی، مائی چھاگلی (وسیب یاترا :8)||سعید خاور
”چِڑیاں اُٹھو کوئی دھاں کرو“ (وسیب یاترا :7)||سعید خاور