وزیراعلیٰ پنجاب چودھری پرویز الٰہی نے لاہور ایلی ویٹڈ ایکسپریس وے پراجیکٹ کی اصولی منظوری دے دی۔
پچاسی ارب روپے لاگت سے بننے والے منصوبے سے بیس کلو میٹر کا سفر اور تیس منٹ وقت کی بچت ہو گی
وزیراعلیٰ پنجاب چودھری پرویز الٰہی کی زیر صدارت اعلی سطح کا اجلاس میں سابق وفاقی وزیر مونس الٰہی نے بھی شرکت کی۔
اجلاس میں گلبرگ تا بابو صابو ایلی ویٹڈ ایکسپریس وے پراجیکٹ کے جلد آغا ز کا اصولی فیصلہ کیا گیا۔
وزیراعلیٰ چودھری پرویزالٰہی نے اجلاس میں کہا کہ ایلی ویٹڈ ایکسپریس وے بننے سے چند ماہ میں لاہور کا نقشہ تبدیل ہوجائے گا۔
وزیراعلیٰ کو بریفنگ میں بتایاگیا کہ لاہور میں مشرق سے مغربی اطراف میں پہلی ایکسپریس وے بنائی جائے گی۔ گلبرگ سے موٹر وے تک کا فاصلہ آٹھ منٹ میں طے ہو گا۔
ایکسپریس وے بننے سے بیس کلو میٹر کا سفر اور تیس منٹ وقت بچے گا۔ ایلی ویٹڈ ایکسپریس وے مال روڈ اور ملتان روڈ سمیت بارہ بڑی سڑکوں سے منسلک ہو گی۔
ایکسپریس وے سے کارڈیالوجی سمیت بڑے ہسپتالوں تک رسائی آسان ہوگی۔ طلبہ و طالبات کو تعلیمی اداروں میں آمدورفت میں سہولت ہو گی۔
ایلی ویٹڈ ایکسپریس وے بننے سے اسی ہزار سے زائد گاڑی مالکان مستفید ہوں گے۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد