وزیراعظم عمران خان کی زیر صدارت پارٹی رہنماؤں کے اجلاس میں پنڈورا لیکس کی تحقیقات کیلئے وزیراعظم نے انسپکشن کمیشن کے تحت اعلیٰ سطح کا سیل قائم کر دیا۔
وزیر اطلاعات فواد چوہدری کا کہنا ہے کہ اعلیٰ سطح کا سیل پنڈورا لیکس میں شامل تمام افراد سے جواب طلبی کرے گا، پنڈورا لیکس کے متعلق حقائق قوم کے سامنے رکھیں جائیں گے۔
ذرائع کا کہنا ہے کہ اجلاس میں پنڈورا پیپرز کے بعد کی صورتحال پر غور کیا گیا، وفاقی وزراء اور اٹارنی جنرل پر مشتمل کمیٹی نے وزیراعظم کو ابتدائی رپورٹ پیش کردی۔
ذرائع کا کہنا ہے کہ وزیراعظم کو پنڈورا پیپرز میں شامل پاکستانی افراد سے متعلق بریفنگ دی گئی۔
پنڈورا پیپرز میں شامل پاکستانی شہریوں کے خلاف تحقیقات کے متعلق تجاویز پر بھی غور کیا گیا۔
پنڈورا پیپرز: لندن میں جائیدادیں خریدنے والوں میں پاکستانیوں کا پانچواں نمبر
گزشتہ روز وزیراعظم عمران خان نے پینڈورا پیپرز کا معاملہ سامنے آنے کے بعد ردعمل دیتے ہوئے کہا ہے کہ حکومت پنڈورا پیپرز میں ملوث تمام پاکستانیوں کی تحقیقات کرے گی۔
سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم عمران خان نے کہا کہ اشرافیہ کی غیر قانونی دولت منظرعام پرلانےکوسراہتے ہیں، جو بھی قصوروار ہوااس کیخلاف کارروائی کی جائے گی۔ حکومت پنڈورا پیپرزمیں ملوث تمام پاکستانیوں کی تحقیقات کرے گی جبکہ منی لانڈرنگ،ٹیکس چوری کیلئے آف شور کمپنیاں جنت ہیں۔ میں نے 2 دہائیاں اسی بنیاد اور یقین پرجدوجہد کی ، ممالک غریب نہیں ہیں لیکن کرپشن غربت کاسبب بنتی ہے، کرپشن کے وجہ سےغریب ممالک کی کرنسی بے قدر ہوچکی ہے۔
ان کا کہنا تھا کہ جس طرح ایسٹ انڈیا کمپنی نے ہندوستان کی دولت لوٹی، اسی طرح ترقی پذیردنیا کےحکمران اوراشرافیہ بھی یہی کررہے ہیں۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،