وزیر اعظم عمران خان نے شیخوپورہ کے رکھ جھوک جنگل میں پودا لگا کر پاکستان کے پہلے اسمارٹ جنگل کا افتتاح کردیا۔
اس سے قبل وزیر اعظم عمران خان ایک روزہ دورے پر لاہور پہنچےجہاں وزیر اعلیٰ پنجاب عثمان بزدار نے ایئرپورٹ پر ان کا استقبال کیا۔
لاہور آمد کے بعد وزیر اعظم ہیلی کاپٹر کے ذریعے رکھ جھوک روانہ ہوئے جہاں پاکستان کے پہلے اسمارٹ جنگل کا افتتاح کیا، یہ جنگل ماحولیاتی آلودگی پر قابو پانے کے لئے 24سو کنال اراضی پر لگایا جارہا ہے۔
واضح رہے کہ وزیراعظم عمران خان ایک روزہ دورے میں گورنر چوہدری محمد سرور اور وزیر اعلیٰ پنجاب عثمان بزدار سےملاقاتیں کریں گے، وہ اسمارٹ فاریسٹ کا افتتاح کرنے کے علاوہ تعلیمی انقلاب کنونشن سے خطاب بھی کریں گے۔
گورنرہاؤس میں گورنر اور وزیر اعلیٰ ان سے الگ الگ ملاقاتیں کریں گے،وزیر اعلیٰ سانحہ گریٹر اقبال پارک کے بارے میں رپورٹ دینے کے علاوہ صوبے کے انتظامی اور سیاسی امور پر بریفنگ دیں گے۔
گورنر پنجاب آب پاک اتھارٹی کے حوالے سے پیش رفت پر بریف کریں گے،جبکہ صوبائی وزیر صحت ڈاکٹر یاسمین راشد، وزیر کھیل تیمور خان بھٹی، صوبائی وزیر قانون راجا بشارت بھی وزیر اعظم سے ملاقا ت کریں گے۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،