فقیریں دا میوزک ||عابدبزدار

شاہ لطیف بھٹائی جو وائی

فقیریں دا میوذک

شاہ لطیف دا اے میوزک پچھلے چار سو سال کولو ایشاء دی نماز دے باد شروع تھیندے اتے فجر دی نماز کولو پنج منٹ پہلے بند تھیندے اتے اڄاں تک کڈائی وی کہیں ہک رات وی بند کینی تھیاایں میوزک دے کئی سُر اتے تال ہن اے سُر ساری رات وٹیندے رہے ویندے ہن. ویسے شاہ لطیف جنوبی ایشاء دا سب توں وݙا ذہِن ھے لطیف جھیاں ذہین ترین بندہ ساݙے این سمورے ایشاء اچ ہالی تک پیدا نہیں تھیا. شاہ لطیف ساری ذندکی میوزک اچ گزاری ھے اتے آخری ویلھے سئیں دا وصال وی میوزک دی ہک محفل اچ تھائےـ شاہ لطیف دے میوزک دی اپݨی ہک دُھن ھے جھیری پوری دنیا دے دُھنیں کولو الگ تھلگ ھے اتے ایں دھن دے 30 سُر ہن جیندے ویچو ݙھیر سُر تریمیتیں دے اتیں ہن شاہ لطیف دے سُر موسم دے تبدیل تھیندیں رُتیں دے نال نال وٹیندے رہے ویندے ہِن ایویں انھیں سُریں دے ناں وی ونکو ونک دے ہن.

کلیان،ایمن، کھنبھات، سِری راگ، سامونڈھی، سوہنڑیں (سونی ماہیوال دی مشعوقہ)، کیڈارو، آبری،دیسی،حسینی، کوہیاری، معذوری،(اے چھی دے چھی راڳ سسی پنوں دی محبت دے اتیں ہن )، سورٹھ، بردوسندھی، رانو، کاپائتی، کھاہوڑی، رامکلی، بلاول، لیلاں، ڈھر،رپ، اساں، ماری اتے دھناسری سُر شامل ہن.

جیتھاں سمورے ہندوستان اچ کرشن چندر کوں میوزک دا دیوتا اتے شوا دی ذال سرسوتی کوں میوزک دی دیوی آکھیا ویندے اُتھاں سندھہ بلکہ سبھی دنیا اچ شاہ لطیف بھٹائی کوں وی میوزک دا خدا آکھیا ویندے.

آئن سٹائن آکھیا ہا سائنسی تھیوریاں ݙیووݨ کولو کئی گناں مشکل ہوندے میوزک دی دُھن ترتیب ݙیوݨ جھیری شاہ لطیف بھٹائی دی آپݨی دُھن ھے جیکوں بھٹائی سئیں خود ترتیب ݙیتے.

لطیف سئیں آہدے میوزک تہاݙی ذندکی ھے دنیا دی کھوج شروع ای میوزک کعنے تھیندی ھے اتے انجام تئیں وی میوزک نال پُڄدی ھے اے میوزک ای ہوندے جھیرا تہاکوں ذندکی دے اصل مَزے اتے سُجھ ٻُجھ اچ پُڄیندے.

عابد بزدار

شاہ لطیف دے فقیریں دے میوزک دیئے وٹیندین سُریں اچ گزری اڄ دی اے حسین ترین رات ہمیش یاد رہے ویسی