کراچی:
قومی کرکٹ ٹیم کے سابق کپتان سرفراز احمد نے شاہین شاہ آفریدی کی جانب سے معذرت کیے جانے پر ان کے لیے نیک خواہشات کا اظہر کیا ہے۔
سرفراز احمد نے یہ بات سماجی رابطے کی ویب سائٹ ’ٹوئٹر‘ پر کہی ہے۔
پی ایس ایل میں کوئٹہ گلیڈی ایٹرز کے کپتان سرفراز احمد نے سماجی رابطے کی ویب سائٹ ٹویٹر پر لکھا ہے کہ میدان میں جو کچھ ہوا وہ میدان میں ہی رہنا چاہیے۔
قومی کرکٹ ٹیم کے سابق کپتان سرفراز احمد نے لکھا کہ آپ پاکستان کے اسٹار اور میرے چھوٹے بھائی کی طرح ہو۔ انہوں نے دعا دیتے ہوئے لکھا ہے کہ اللہ تمہیں مزید کامیابیاں عطا فرمائیں۔
شاہین شاہ آفریدی نے کچھ دیر قبل میدان میں ہونے والی نوک جھونک پر سرفراز احمد سے معذرت کی تھی۔
یہ بھی پڑھیے
بھارت کو فائنل میں عبرتناک شکست، پاکستان نے ایشیا ایمرجنگ کپ جیت لیا
لاہور میں پاکستان کا سب سے اونچا پرچم نصب کیا جائے گا
برلن میں جاری اسپیشل اولمپیکس میں قومی سائیکلسٹ کی نمایاں کارکردگی