مئی 15, 2021

ڈیلی سویل۔۔ زمیں زاد کی خبر

Daily Swail-Native News Narrative

کل ملتان بہوں مونجھا ھا ||اکبر ملکانی

اے سارے ہک جاہ کٹھے ھونون۔میڈی شناخت وطن دی تباہی وچ اے وی رنجیت سنگھ دے بھائیوال ان۔میں انہیں کوں کڈاہیں معاف نہ کریساں۔ کیا میں انہیں کنیں میں سیکٹریٹ منگیا ھا

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان اہدے میڈے نال دروھ تھئے۔کھلواڑ تھئے۔کل قسمت نال میڈے سارے پتر میڈے کولھو کٹھے ہن۔خش تھیاں ۔سانگے نال اج سارے پتر کٹھے ان۔ کوئی سونڑھاں فیصلہ کریسن۔روندیں کوں رہیسن۔میڈی 5 ہزار سال پہلے الی تاریخ دا نقصان اتر سمیت پورا کریسن۔میکوں جیرھا چھئیں چھریکیں کیتا گیا ھا۔میکوں ٹکے ٹوکری دے مل ویچا گیا ھا۔

انتظامی بنیاد تیں میڈے نال جیرھا نروار کیتا گئے۔او وی ہر کہیں دے سامھڑیں ھ۔کیا چنیوٹ جھنگ میڈے نہ ھن۔توھاکوں چنگیں طرحاں تیں یاد ھوسی۔جھنگ ضلع ھا۔لائل پور اوندی تحصیل ھئی۔کیویں سازش کر تحصیل لائل پور کوں فیصل ابا دے ناں تیں ضلع بنڑا ڈتا گئے۔ ھوں نویں ضلع فیصل اباد کوں ڈویژن بنڑا کیں پرانڑیں ضلع جھنگ کوں اوندے وچ شامل کر ڈتا گئے۔ایویں منٹکمری کوں ساہیوال دا ناں ڈے اونکوں ڈویژن بنڑا ڈتا گئے۔اوکاڑہ ساہیوال دی تحصیل ھا۔

اونکوں ضلع بنڑا کیں ول ایں ڈویژن کوں فیصل اباد ڈویژن الی کار لاھور دا حصہ بنڑا ڈتا گئے۔ایہو کجھ پاکپتن نال کیتا گئے۔انتظامی بنیادیں دا ناں ڈیکے میڈیاں ڈوہیں باہیں کپیا گئین۔ گال کوں اتھائیں نہیں ختم کیتا گیا۔بنوں۔ٹانک۔دیرہ اسماعیل خاں بکھر۔میانوالی ۔خوشاب۔ سرگودھا زورے ریت کھس گھدے گئین۔کل ہیں گال تین خش ہم میڈے پیارے پتر میڈے کولھو اپڑیں گھر وچ کٹھے تھیندے پئین۔

کوئی چنگاں فیصلہ کریسن۔میڈے تھئے ھوئے نقصان دی تلافی کریسن۔میکوں کیا پتہ میکوں صرف ٹھگالنڑ۔لالی پاپ ڈیونڑ لیوں کٹھے پئے تھیندن۔اج میکوں پورا پتہ لگ گئے۔اے میڈے حلالی پتر نئیں۔اے وی لاھور کنوں وک گئین۔جیرھا میں ٹانک توں گھن پاکپتن تک ہک وطن ھامیں۔اے خود وی نہیں چاہندے۔

اے سارے ہک جاہ کٹھے ھونون۔میڈی شناخت وطن دی تباہی وچ اے وی رنجیت سنگھ دے بھائیوال ان۔میں انہیں کوں کڈاہیں معاف نہ کریساں۔ کیا میں انہیں کنیں میں سیکٹریٹ منگیا ھا۔او وی ادھ ادھورا۔میں ہک وطن اں۔کلھ میڈا ناں سرائیکستان ھا۔اج وی میڈا ناں سرائیکستان اے۔ میڈے 23 ضلعے ان۔او میڈے پتر ان۔بلکہ سکے پتریں الی کار پیارے ان۔میں کل تہوں وڈا خش ہم جو میڈے پتر جو کٹھے تھیندے پئین۔

میں انہیں کنیں پائی پائی دا حساب گھنساں۔میکوں پتہ نہ ھا جو اے میڈے حرامی پتر ان۔جیرھے لاھور دی ڈھک چئی اندن۔لھور کنوں اے مجبور ان۔لغور ان۔میں انہیں کوں اج کنہں ہر رشتے کنیں عاق کرنڑ دا اعلان پیا کریندا۔عاق پیا کرینداں۔عاق پیا کرینداں۔انہیں نال میڈا کوئی تعلق نئیں۔اوھے غریب دھرتی جئے میڈے پتر ان۔اوھے بھوئیں دا مقدمہ لڑسن۔او ھے شناخت جغرافیے دا مقدمہ لڑسن۔اج دے بعد ایہے قوم پرست میڈی بچی ھوئی وراثت دے دامے درمے سخنے قانونی وارث اں۔میں ملتان دی اے سند اے۔ہینکوں سانبھ کیں رکھائے۔تاکہ توھاڈے کولھو سند رھے۔

محمد اکبر خاں زات ملکانڑیں۔قوم سرائیکی
چیرمین پاکستان عوامی سرائیکی پارٹی
ملکانڑیں ھاوس۔مکان نمبر 834 بلاک ای واپڈا ٹاون ملتان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو 

 

%d bloggers like this: