مارچ 28, 2024

ڈیلی سویل۔۔ زمیں زاد کی خبر

Daily Swail-Native News Narrative

سرائیکی زبان تے 6اپریل ||اکبر ملکانی

انسانی ابادی کوں تھوڑا کرنڑ دا بہترین فارمولا اے۔مرنڑاں ہر کہیں اے ۔کوئی اگو مرے تیں بھانویں کوئی پچھو مرے۔جواب ہر کہیں اپڑاں ڈیونڑیں۔لیکن کرونا نال مرنڑ الیں دی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایں ڈیہنہ دی ہک اپڑیں افادیت اے۔اے ڈیہنہ پوری سرائیکی قوم دا قومی ڈیہنہ اے۔6 اپریل کنوں پہلے پورے وسیب وچ بیشک زبان ہک ھئی۔سنجانڑ ہک کئیناں ھئی۔ساڈی قومی شناخت حصیں بخریں وچ تقسیم ھئی۔کوئی اپ کوں دیرے وال سڈویندا ھا۔کوئی تونسوی سڈویندا ھا۔کوئی اپ کوں جامپوری سڈویندا ھا۔کوئی راجنپوری سڈویندا ھا۔کوئی علی پوری۔مظفر گڑھی۔لیئے وال سڈویندا ھا۔کوئی ملتانی ریاستی تیں بہاولپوری سڈویندا ھا۔جھنگو چڑی۔جانگلی۔پوادھی پچادھی اے ھن ساڈی سنجانڑ دے ناں ۔اساں شھریں ضلعیں۔تحصلیں دے حوالے نال سنجانڑیئے ویندے ھاسے۔اللہ تعالی ہر رل دی قوم وچ کوئی اینجھا لعل پیدا کر ڈیندی اے۔جیندے وچ قوم کوں ہک جا کٹھا کرنڑ قومی یکجہتی۔یکسوئی دی صلاحیت موجود ھوندی اے۔اللہ تعالی نیں ایہا خوبی ساڈے سکالر۔ محقق۔دانشور۔ماہر اے لسانیات میر حسان الحیدری وچ اتم درجہ موجود ھئی۔
اخر کار میر حسان الحیدری دے اھر نال ساڈے وسیب دے سیانڑے سوڈھے لوک جیندے وچ ہکی زبان بولنڑ الے سکالر ۔محقق۔دانشور۔شاعر کٹھے تھیونڑ دی ضرورت کوں محسوس کیتا۔مشترکہ کانفرنس دی کوشش کیتی گئی۔سمرا پبلک ھائی سکول دیرہ اڈہ ملتان دے نال 6 اپریل1962 کو اجلاس سڈیا گیا ۔6اپریل دے اجلاس وچ مخدوم سجاد حسین قریشی ایم۔این۔اے سجادہ نشین دربار غوث بہاولحق زکریا ملتان۔ملک محمد اکرم بوسن ایم۔این۔اے ضلع حلقہ ملتان۔نوبزادہ غلام قاسم خاں خاکوانی ایم ۔پی۔اے شھری حلقہ ملتان۔سردار رحیم بخش خاں سیال ایم پی اے کبیر الا۔ملک خدا بخش بچہ وزیر اے زراعت۔سردار منظور احمد خاں سیال۔ملک رحیم بخش بچہ۔سید محمد قسور خاں گردیزی صنعتکار ملتان. نائب صدر نیشنل عوامی پارٹی پاکستان۔سردار عبدالرحمن خاں کھتران۔خواجہ عبدالودود۔علامہ عبدالرشید نسیم طالوت۔محقق دانشور ماہر اے لسانیات سرائیکی۔عربی۔فارسی۔طاہر غنی مشہور داستان ۔قصہ گو ریڈیو پاکستان ملتان۔کیفی جامپوری محقق۔دانشور۔ریاض انور ایڈوکیٹ۔مولانا منظور احمد احقر ہمدرد پرٹنگ پریس ملتان۔نور احمد فریدی۔منظور ملک چیف رپورٹر امروز۔عاشق حسین حسینی سرائیکی شاعر۔زاکر۔میجر مقیم الدین انصاری ملتان۔ملک قادر بخش قادری ایڈیٹر ہفت روزہ رہبر دیہات ملتان ۔ محسن ابن اے محسن میر حسان الحیدری شریک تھئے۔ بہوں وڈی بحث تمحیس دے بعد۔ میر حسان الحیدری دے ڈتے ناں سرائیکی تیں اتفاق کیتا گیا۔سمرا پبلک ھائی سکول ملتان وچ لوظ سرائیکی دی قرار داد پاس کیتی گئی۔کثرت اے رائے نال میر حسان الحیدری کوں بابا اے سرائیکی دا مستقل اعزاز نال نوازیا گیا۔6 اپریل سن 1962 کنوں گھن ایں ویلھے تک اساں ہک سرائیکی قوم ہیں اور سرائیکی قوم رھسوں۔
6 اپریل ساڈا قومی ڈیہنہ اے۔عید دا ڈیہنہ اے۔خشی دا ڈیہنہ اے۔پبلک سومرا ھائی سکول وچ ایں 6 اپریل کوں کٹھے تھیونڑ الے اکابرین ساڈے قومی ہیرو ان۔انہیں دا احترام ساڈے تیں فرض وی ھ۔قرض وی ھ۔ملتانی۔اچوی۔ریاستی۔بہاولپوری۔راجنپوری۔دیرے وال کنوں ہیں 6 اپریل نیں جان چھڑوائی اے۔6 اپریل کنوں پہلے اساں کوئی قوم نہ ھاسے۔بس چھڑے رول گابے ھاسے۔ساڈی سمت دا کوئی تعین کئیناں ھا۔ہنڑ اساں قوم ہیں۔بلکہ ہک مظبوط قوم ہیں۔شکریہ بابا اے سرائیکی جناب محترم میر حسان الحیدری صاحب پوری قوم جناب دی شکر گزار اے۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

اکبر ملکانی دیاں مزید لکھتاں پڑھو 

 

%d bloggers like this: