اپریل 23, 2021

ڈیلی سویل۔۔ زمیں زاد کی خبر

Daily Swail-Native News Narrative

صحافی دے ولیمے اچ سرائیکی اگوانیں نال ||اکبر ملکانی

ول موہن بھگت ھا۔جئیں اپڑیں گائیکی وچ جڈاں اپڑیں بابے فقیرے بھگت دی اواز کوں روہی دے مخصوص انداز وچ پیش کیتا۔نال ایمان دے مجمعہ ساکت ھا۔ایویں لگدا ھا۔لوک اندری اندر کرلاٹ دی جیویں گچی گھٹی بیٹھے ھونون۔

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مانہ احمدانی وچ سرائیکی رہنما بیرسٹر صغیر خاں احمدانی دے پتر حیاتی الا ھووے صحافی علی رضا احمدانی دے ولیمے وچ سرائیکی قوم پرست رہنمانویں۔ورکریں۔یاریں دوستیں۔پیپلز پارٹی دے عہدیداریں۔ صحافی دوستیں دی بھرپور شرکت دے نال بخیرو عافیت اپڑیں اختمام کوں پہنچی۔عمر خاں بزدار۔سردار درمحمد خاں راوی۔سید عامر شاہ مشہدی۔غلام اکبر خاں کھوسہ۔ابولحسن خاں لغاری۔عبدالحادی خاں گاڈی۔سردار عبدالحئی خاں چانڈیہ۔غلام مصطفے خاں میرانی۔عابد خاں میرانی دے نال ہکی میز تیں اساں ولیمہ کھادا۔غضنفر خاں ملکانڑیں نیں ساڈی میز تیں خصوصی توجہ نال ساڈا خاص خیال رکھیا۔بزات اے خود دلہا میاں علی رضا خاں احمدانی۔میثم رضا خاں احمدانی۔حسن مرتظے خاں احمدانی نیں وی باربار کئی شئے کھٹی ودھی دے پچھنڑ دی وی کوئی کمی نہ کیتی۔بیرسٹر صغیر خاں احمدانی نیں پنڈال وچ ہک ہک میز تیں ہک ہک ممہان کنیں کہیں شئے دی کمی بیشی دا اپ ودا پچھدا ھا۔ویٹریں تیں اکتفا نہیں کیتا۔ہر دوست دا ہر جاہ تیں ولیمہ ہمیشہ بھر پور ھوندے۔میڈی نگاہ وچ علی رضا خاں دا ولیمہ وی اج بھرپور ولیمہ ھا۔جتھاں ہر مکتب اے فکر دا دوست موجود ھا۔ولیمے وچ جیرھے دوست میڈے سامھڑیں ھن۔یا جنہیں کوں میں ڈٹھے۔یا جنہیں کوں میں ملیاں انہیں وچ قوم پرست سرائیک رہنما سید مہدالحسن شاہ۔مرشد سید فرحت نقوی۔دانشور صحافی افتاب نواز خاں مستوئی۔جنید خاں جتوئی ڈپٹی ڈریکٹر تعلقات اے عامہ۔حمید خاں نتکانی۔دلبر مولائی۔پروفیسر حیدر علی خاں۔عابد یحی خاں بابر۔سردار جاوید خاں احمدانی۔سردار قمر خاں احمدانی۔سردارعبدالغفورخاں جتوئی کن گو۔سید پیر محمد ابراہیم شاہ چیرمین جکھڑ امام شاہ۔خواجہ قمرالدین شاہجمالی۔زوار غلام سرور خاں ملکانی۔محمد علی خاں میرانی صحافی۔
بقول عمر خاں بزدار دے جو او علی رضا خاں خاں دے احمدانی دے جاگے دی رسم وچ شامل ھا۔اوں ڈسیئے رات جاگے دی محفل وی بھرپور محفل ھئی۔جیندے وچ علی رضا دے دوستیں دول بین شرنا دی تھاپ تیں اتلی سونڑہیں جھمر ماری اے۔ایویں لگدا ھا جیویں جھومریں دا اندری پیا نچدا ھووے۔ول سونے تیں سہاگہ ۔جیرھی جھمر دے پڑ وچ روف خاں لنڈ موجود ھووے۔او جھمر روح دے روگی لوکیں دی جھمر ھوندی اے۔جڈاں روف خاں جھمر رسوائی اے۔ول ایویں لگدا جیویں پورا مانہ جھمر وچ رل گیا ھووے۔عمر خاں نیں ڈسیئے رات اکبر خاں کئیناں جو ھانویں۔ڈاڈھی چس ائی اے۔تیڈی کمی کوں دوستیں بہوں محسوس کیتے۔ہرکوئی تیڈا میڈے کولھو پچھدا ھا۔اکبر خاں کیوں نہیں ایا۔
ول موہن بھگت ھا۔جئیں اپڑیں گائیکی وچ جڈاں اپڑیں بابے فقیرے بھگت دی اواز کوں روہی دے مخصوص انداز وچ پیش کیتا۔نال ایمان دے مجمعہ ساکت ھا۔ایویں لگدا ھا۔لوک اندری اندر کرلاٹ دی جیویں گچی گھٹی بیٹھے ھونون۔میں نال ایمان دے اہداں ۔رات موہن بھگت دی پتہ نہیں کینجھی موسیقی ھئی۔گائیکی ھئ۔ایویں محصوص تھیندا ھا۔ظہور دھریجہ۔رانافرازنون۔حاجی نزیر احمد کٹپال ۔جام ایم ڈی گانگا۔حاجی غلام شبیر خاں بزدار۔درمحمد راوی۔روف خاں لنڈ دے نال بہہ کیں جیرھا کجھ میں محسوس کیتے۔روہی نال وسیب دی جڑت دی جیرھی منظرکشی رات موہن نیں ڈکھالی اے۔ایں خشی دے موقعے تیں اپڑیں اکھیں نال انہیں کوں میں اپ روندا ڈٹھے۔مانہ ادب دا شھر اے۔مانہ سرور کربلائی دا شھر اے۔جڈاں مانہ وچ بزم اشرف کوں مولانا فدا حسین خاں احمدانی چلیندا ھا۔اوں ویلھے اے مانہ پورے وسیب دا ادبی شھر ھوندا ھا۔بلا ببھیکنڑ مشاعرے تھیندے ھن۔ تونسہ الی کار مانہ وی شاعریں دا گھر ھوندا ھا۔اتھودی سٹیج سرور کربلائی دی نویکی سٹیج ھوندی ھئی۔اوں ویلھے جانباز جتوئی۔مہجور بخاری۔اقبال سوکڑی۔نورمحدسائل۔اکرم قریشی۔شاکر تونسوی۔اقبال نصرت ۔فدالاحمدانی ایں سٹیج دے بہوں وڈے ناں الے شاعر ھن۔جتھاں مانہ احمدانی دے لوک پوری پوری رات جاگدے ھن۔وت ہک چنگی رات علی رضا دی شادی دے بہانے تین بیرسٹر صغیر احمدانی دی بھج درک دی وجہ نال مانے دیں لوکیں موہن بھگت دی شکل وچ ملی اے۔ اور اے رات لوکیں جاگ کیں گزاری اے۔رات وت اے مانہ اوھو پرانڑاں مانہ لگدا ھا۔شاعریں وچ
۔شبیر حمایتی۔عاشق صدقانی۔کالو لغاری وی موجود ھن۔اساں اجازت گھدی۔اٹھدے ٹائم قوم پرست سرائیکی رہنما خانوادہ اے فرید جناب خواجہ غلام فرید نیں اپڑیں قافلے سمیت پنڈال وچ پیر پاتا۔خواجہ صاحب دے انونڑ نال وت پنڈال کوں چار چندر لگ گئے۔صغیر خاں احمدانی۔علی رضا خاں احمدانی۔میثم رضا احمدانی۔حسن مرتظے احمدانی سرکار میڈی تیں عمر بزدار ۔سجاد اکبر خاں ملکانڑیں دی طرفوں ہک چھوٹی جہیں مبارک باد قبول فرماوو۔
اج شادی تیں لیاقت بھنڈوانی تین حاجی عطاحسین خاں احمدانی ادبی ناں عطاالاحمدانی۔جیندا مشہور ہک شعر ھا۔گودڑیں وچ وی لعل ھوندن میکوں ڈاڈھا یاد ائے۔میکوں انہیں ڈونہائیں دی ڈاڈھی مونجھ ائی۔محمد و ال اے محمد دے صدقے اللہ تعالی انہیں ڈونہائیں دے. درجات بلند فرماوے۔امین
گھوٹ تیں گھوٹ دے پیو نال پنڈال وچ دوستیں نال کجھ یادگار تصویراں۔جیندے میڈے سمیت سید مہدالحسن شاہ۔سید فرحت نقوی۔افتاب نواز خاں مستوئی۔عمر خاں بزدار۔سید عامر مشہدی۔غلام اکبر خاں کھوسہ۔ابوالحسن خاں لغاری۔عبدالھادی خاں گاڈی۔عبدالحئی خاں چانڈیہ۔حمید خاں نتکانی۔دلبر مولائی۔پروفیسر حیدر علی خاں شامل ان۔

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی

 

%d bloggers like this: