اکبر ملکانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چھانڑاں لگے، چھچھر کنیں جان چھٹ پئی اے۔ہر کوئی ہنڑ اپڑیں بنیں تیں کھڑسی۔سیانڑیں سچ اکھیئے چردیاں انت نکھڑدیاں رہندین۔پنجاب دے مخبر ضیا شاھد دا ہیروئن نما مشاعرہ سرائیکی قوم کیتے ہک ٹیسٹ کیس ثابت تھئے۔اپڑیں اوپرے دا پتہ لگ گئے۔کون کیندے نال اے۔کون کتھاں کھڑے۔کون کیندا ایجنٹ اے۔
ساکوں تیں خیر اللہ سئیں نیں ایں لکی ایرانی دے شو وچ ونجنڑ کنوں بچا گھدے۔اہدن۔بلکہ ونجنڑ والے وی ہر جاہ تیں ڈسیندے ودن۔سرکس ڈیکھنڑ دی ڈاڈھی چس آئی اے۔عمل ناں دی کوئی شئے نہ ھئی۔بلکہ ہک تفریح ھئی۔جتھاں موت دا کنواں ھا۔ببر شیر ھن۔نہر ھن۔گدڑ ھن۔بارھاں سنگے پاڑھے ھن۔ٹیں ٹیں کرنڑ آلا طوطا وی ھا۔جیرھا رٹے رٹائے پہاڑے کوں جٹا بیٹھا ھا۔ٹیں ٹیں الی زبان وچ آہدا بیٹھا ھا۔
پنجاب توں گھنسوں ازادی۔پنجاب توں گھنسوں ازادی۔جنوبی پنجاب زندہ باد۔جنوبی پنجاب زندہ باد۔لکی ایرانی دے باہرلے گیٹ تیں ڈانسریں تیں چھوٹے قد آلے نقلی دی ہک اپڑیں چس ھائی۔جیرھا لوکیں کوں کھلا کھلا تیں سرکس دے پنڈال کوں بھرنڑ کیتے نویں نویں ڈرامے کریندا کھڑا ھا۔سرکس ھا۔
ظاہر اے۔اوں بھریچنڑاں تیں ھا۔ایں لکی ایرانی دے شو وچ کجھ بھولوں وی ھن۔جیرھے ٹپولیاں کھا کھا۔لوکیں کوں کھلوائی ودے ھن۔سرکس دے مالک دی ہمیشہ الی کار ایں واری وی شیت کوئی مجبوری تھی گئی ھوسی۔جیرھا اہدن جو سرکس وچ نئیں ایا۔پتہ نئیں جو کوئی اندرو دا شئیر ڈر ھوسس۔ایں واری لکی ایرانی دا سارا شو شاھو قریشی دے سر تیں ھا۔ڈسیندن۔
اللہ ڈکھالیاتیں کئینی ۔شاھو قریشی ہک بہوں وڈا مداری قسم دا آدمی اے۔تہوں ہر جاہ تیں ہر سرکس دا ہک مکمل ہک حصہ بنڑیا رہندے۔جیرھا ہر سرکس دے اختتام تیں سرکس وچ شریک تھیونڑ الیں لوکیں کوں جنوبی پنجاب دا بنڈل نما گفٹ پیش کریندے۔اہدن ایں سرکس وچ بنڑیئے بنائے ہک منصوبے دے تحت شاھو قریشی دے اپڑیں خاص بندے بغیر ٹکٹ موجود ھن پئے۔جیرھے شکریئے دے طور تیں اکھیں جھکیاں کر سرائیکی اجرکاں پویندے رہ گئین۔
نال کھڑ کیں فوٹو چھکویندے ریہے۔خش تھیدے ریہے۔تاڑیاں مرمریندے ریہے۔شکریہ وی ادا کریندے ریہے۔جیرھے باہروں ا کیں قوم کوں اہدن اساں صوبہ یاد ڈیواونڑ گئے ھاسے۔کوئی پچھنڑ آلا ھ ہنیں کنوں جو توھا سے زمے کئیں لائے جوساکوں جنوبی پنجاب گھنوا ڈیوو۔ساڈے اجرکیں کوں بے ملا ونج۔ کرو۔
میڈی اگر کوئی گال غلط ھووے۔میں ہر گال دا پسند ڈیونڑ واسطے تیار اں۔اج وی اگر کوئی شاھو قریشی دے گھر دی تلاشی کراوے چا۔نیلی اجرکیں دا ہک مکمل ٹرک برآمد نہ تھیا۔جو چور دی سزا میڈی وی اوھا سزا۔اے اجرکاں شاھو قریشی کوں میں تیں نئیں پوایاں۔اخر کئیں پوائن۔
اگر سرائیکی جنوبی پنجاب دے نعرے کوں چنگاں نئیں سمجھدے۔ول پچہیں کہیں پیرو آڈھی کوں سڈواون۔پیرا چانون۔اپڑاں چور لبھن۔اگر سرائیکی ایں مسئلے کوں اپڑاں مسئلہ نہ بنڑیسن۔تیں ول پورے وسیب وچ نیلی اجرک نا یاب تھی ویسی۔ایں نیلی اجرک ختم تھیونڑ دا جرم چور دی بجائے پوری سرائیکی قوم تیں فرد اے جرم عاید تھیسی۔
سرکس دے ملتان وچ لگنڑ دی وجہ نال شاھو قریشی بلکل کامیاب تھی گئے۔ساڈی قوم اور اگوانڑ ڈو حصین وچ تقسیم تھی گئین۔جیرھی شئے دا میکوں ڈر ھا۔اور او انویں تھئے۔سیانڑیں سچ اکھیئے بھنیں ڈند اوکھے لگدن۔تہوں میں ہک ہک اگوانڑ دے اگو ہتھ بدھ اپیل کریندا ریہاں۔
ساڈا کوئی اگوانڑ ایں ضیا شاھد الی سرکس دا حصہ نہ بنڑے۔اے شاھو قریشی دی ہک سازش اے۔لگدے ایں سرکس وچ کوئی اگوانڑ نہ گیا ھوسی۔اگر کوئی بھل کیں ایں گھنوئنی سازش نما سرکس وچ گیا وی ھووے۔کوئی گال نئیں بندے بھلدے وی رہندن۔غلطی اے انسان کنین تھی وی ویندی اے۔
اوندا ہک حل وی ھ۔جیرھی جیندی معافی تلافی وی تھی سگدی اے۔کوئی اگر سمجھے تاں۔ظاہر اے میں نہ مانوں الی گال تیں تاب روز بروز ہک بے کنوں دور تھیندے ویسوں۔ول اوں قومی نقصان دا جناب کوں وی پتہ ھ پیا۔میکوں وی پتہ ھ پیا۔ساریں کوں پتہ ھ پیا۔تہوں میں نہ ونجنڑ دیاں جیجڑیاں ارداساں کریندا ریہاں۔وگرنہ لشکر وچ ایں قسم دے تنخواہ دار وی ھوندن پئے۔جیرھے بندے دا چیتا پٹ ڈیندن۔اور او ضرور اہدے ھوسن۔۔۔۔۔۔۔
قاید اے محترم ایں سرکس وچ ونجنڑ آلا جناب دا فیصلہ سو فیصد درست ھا۔اساں ونج کیں جیرھا ٹارگٹ حاصل کرنڑاں ھا۔او اساں بھرپور طریقے نال حاصل کر گھدے۔نہ ھوسی بانس نہ وجسی بانسری۔
یقینن کجھ میڈیاں گالہیں کئوڑیاں ضرور ھوسن۔کاوڑ وی ضرور لگسی۔لگڑیں وی چاہیدی اے۔
لیکن میں کیا کراں۔74 سال میڈی عمر اے۔کہیں ویلھے وی ہنڑ میڈا۔ ۔۔۔حضرات دا اعلان تھیندا کھڑا ھوسی۔ اھدن او جہان حق سچ دا جہان اے۔میڈے کولھو پہلے اتھاں میڈا رہنما حمید اصغر شاہین وی موجود اے۔سرورکربلائی وی موجود اے۔رمضان خالد برمانی وی موجود اے۔ول اتھاں میں انہیں کوں کیا اکھساں۔
جیونڑ جوگ کہانی سمجھوتے اور خوشامد دا ناں ھئی۔جیرھی میں ہیں حال نال گزار ایاں۔او ول اپڑیں ڈتی ھوئی تربیت تیں کتلا پریشان تھیسن۔ایہا میڈی مجبوری اے۔سچ گندہ اے تیں بھانویں چنگاں اے۔میں الانونڑاں تیں اوھو کجھ اے۔جیرھا کجھ میڈے محسن۔رہنما میکوں پڑھا گئین۔شکریہ۔جیوو پئے۔سرائیکستان زندہ باد۔جنوبی پنجاب مردہ باد۔
اے وی پڑھو:
سرائیکی تحریک دی کہانی۔۔۔اکبر ملکانی
ہک سال پہلے دی ڳالھ۔۔۔اکبر ملکانی
ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی
یہ بھی پڑھیے
”گاݙی گھَݨ گھَݨ لائی اے“ (وسیب یاترا :5)||سعید خاور
وسیب روانگی ،،گورنرسندھ دا سݙا (وسیب یاترا :4)||سعید خاور
لذت بھرے مہکتے ذائقے اور عید ۔۔۔||محمد عامر خاکوانی