ماضی کی صف اول کی اداکارہ روحی بانو کو مداحوں سے بچھڑے دو سال بیت گئے، عظیم اداکارہ نے
اسکرین پر اپنے فن کا خوب لوہا منوایا لیکن ذاتی زندگی میں پریشانیوں کا شکار رہیں
پاکستانی ڈرامہ انڈسٹری پر راج کیا،، اداکارہ نے اپنے منفرد انداز اور لب و لہجے سے کیرئیر کے آغاز
میں ہی لاکھوں دلوں میں گھر کرلیا
روحی بانو نے ڈرامہ ‘ زیر زبر پیش’ کرن کہانی، سانول موڑ مہار، کارواں، پھول والوں کی سیر، کانچ کا
پل، زرد گلاب اور دروازہ سمیت مختلف ڈراموں میں لازوال کردار نبھا کر ہمیشہ کے لئے امر کر دیئے
انہوں نے ڈراموں کے ساتھ ساتھ فلموں میں بھی فن کے جوہر دکھائے، فلم ‘ضمیر، پالکی، انسان ، اناڑی،
تیرے میرے سپنے، نوکر، زینت، پہچان، بڑا آدمی، دل ایک کھلونا، گونج اٹھی شہنائی، راستے کا پتھر،
دشمن کی تلاش، آج کا انسان، ٹیپو سلطان اور فرشتہ سمیت کئی فلموں میں کام کیا
وی او
لاہورمیں ان کے اکلوتے جواں سال بیٹے کو نامعلوم افراد نے قتل کر دیا، اس صدمے نے انہیں جیتے جی
مار دیا، روحی بانو ذہنی توازن کھو بیٹھی اور بے گھر ہوکر زندگی کے کئی شب و روز فاونٹین ہاوس میں
گزارے
اپنے انداز اور کرداروں سے ہر دل پر راج کرنیوالی، اداکارہ کو صدارتی تمغہ برائے حسن کارکردگی
سمیت متعدد ایوارڈز سے نوازا گیا،، روحی بانو پچیس جنوری کو اپنے خالق حقیقی سے جا ملی ۔۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد