ضیا شاھد دے مشاعرے وچ ونجنڑ الیں شاعریں۔اگوانڑیں۔دانشوریں نال ہک سوال۔ ۔۔۔اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

۔۔۔۔۔۔۔۔ ۔۔۔۔۔۔۔۔۔ ۔۔۔۔۔۔۔۔۔ ۔۔۔۔۔۔۔۔۔۔
ضیا شاھد صاحب دے کولھو ایہا ہک گال ضرور پچھاھے۔ساکوں ذلیل رسوا کرنڑ وچ کوئی کمی تیں تئیں نئیں چھوڑی۔کیونکہ توں لاھور دا نانگ ھانویں۔تئیں اوڑک ہک ڈیہنہ ایویں کرنڑاں ھا۔تیڈا قصور نئیں۔اے سارا ساڈا آپڑاں قصور اے۔اساں تئیں جہیں دشمن دی پہچانڑ نسے کر سگیئ

ے۔جیرھی گال ہنڑ صرف پچھنڑ الی اے۔او اے ھ۔اوں کنوں صرف ایہا ہک گال پچھو جناب دے اخبار وچ سرائیکی دے ناں دا جیرھا ہک صفحہ چھپدا ھا۔او ہنڑ اخبار وچ چھپنڑ کیوں بند تھی گئے۔اور کیندی آکھ تیں بند تھئے۔کیا ہینکوں بھائی چارا ا کھوں۔بیاں وی ڈھیر گالہیں ان۔جیرھیاں ڈسنڑ لکھنڑ کنوں بے شمار ان۔

جناب دے اخبار وچ ڈھیر سرائیکی مخالف دانشوریں دے آرٹیکل جیرھے چھپین کیا جناب دی اجازت دے بغیر چھپین۔ادارہ چلانونڑ کیتے سرائیکیں دا بدترین دشمن گھمننڑ جناب کوں لدھا ھا۔ساڈے وسیب وچ پنجابی ایم این اے۔ایم پی اے بنڑانونڑ وچ جناب دے ھوں گھننڑ اور جناب دے اخبار دا جتلا ہتھ ھ۔اوسارا جناب کوں پتہ ھ پیا ۔

ساڈے نال کیرھی دشمنی اے جیرھی جناب نیں نئیں کیتی۔جناب دے اخبار دی کوڑی نشاندہی تیں ساڈے جھوک اخبار دے دفتر وچ پولیس نئیں وڑی کیا۔ساڈے بزرگ رہنما ظہور احمد دھریجہ صاحب۔حاجی عید احمد دھریجہ سمیت پوری جھوک اخبار دی ٹیم نال بدتمیزی کیوں کیتی گئی اے۔اور او کئیں کرائی اے۔اور کیوں کرائی اے۔

اگر گھمننڑ نیں کرائی اے۔اوں گھننڑ دے خلاف کوئی ہک انکوئری جناب نیں کرائی اے۔اگر نئیں کرائی تیں کیوں نئیں کرائی۔ایندا مطلب اے نکلدے۔گھمنڑ دی کنڈھ تیں وی جناب دا ہتھ ھا۔جھوک اخبار دے پورے دفتر دا ریکارڈ کیوں الٹ پلٹ کرایا گئے۔کیا ظہور احمد دھریجہ صاحب را دا ایجنٹ ھا۔یا جناب دی کوئی ذاتیات ھئی۔

روزنامہ جھوک اخبار سرائیکی دا ہک چھوٹا جیہاں اخبار ھا۔او کہیں وڈے اخبار دا کیا مقابلہ کر سگدا ھا۔جیرھا جناب دے گھمننڑ کیتے نا قابل اے برداشت تھی گیا ھا۔ حتی کہ ہک راہ ویندا معصوم بال نصراللہ دے کوڑے قتل وچ ساڈے 3 نوجوانیں کوں ناجائز کوڑ تیں پابند اے سلاسل کرایا گیا۔

اخر کیوں۔ضیا شاھد صاحب جناب دے جرمیں دی ہک بہوں لمبی اور طویل فہرست اے۔ایں ویلھے تک جیرھا جناب نیں اپڑیں اخبار خبریں وچ ہک آرٹیکل تحریر کیتا ھا۔سرائیکی تنظیمیں دے رہنما را دے ایجنٹ ان۔اے بہوں وڈی کالونڑ ھئی۔جیرھی جناب نیں پوری سرائیکی قوم دے مونہہ کوں ملی اے۔اے الزام ثابت کرو۔یا اے کالونڑ اپڑیں مونہنہ کوں آپ ملو۔

بلکہ اے را آلا الزام جناب ایں وخت تک ثابت کر سگیے۔ول اے جیڈی ڈھٹائی اے جناب دی سرائیکی قوم کنون معافی منگنڑ دی بجائے وت ساڈے وسیب دے وڈے شھر وچ مشاعرہ کرنڑ چاتے او۔کیا سمجھے تساں ساڈے شاعر۔گلوکار۔دانشور۔اگوانڑیں کوں اے گالہیں ساریاں بھل گیاں ھوسن۔یا سرائیکی مشاعرہ کرانونڑ نال آساں راضی تھی ویسوں۔

نہ نہ ساکوں ہک ہک گال جناب دی ازبر یاد اے۔اساں جناب کنوں آپڑاں منڈھ دا مدعی منگسوں۔اصل مدعی ناں لکیسیں۔توں وی رنجیت سنگھ نال گنڑیسیں۔اے وی ڈسیسیں۔اے جنوبی پنجاب دا خالق کون اے۔

جے تک جناب وعدہ معاف گواہ نہ بنڑسن۔او تک رسہ جناب دی گچی وچ رہسی۔وت وہی ھو گا۔جو منظور اے خدا ھوگا۔جناب کوں اللہ او ڈیہنہ نہ ڈکھالے جو جناب دا اخبار لوک پڑھنڑ آی چھوڑ ڈیون ۔کوہستان اخبار الی کار ایندا ناں نشان وی مٹ ونجے۔اخر وچ جناب کوں اے گال میں دعوے نال آکھ سگداں ۔

جناب دے ایں تھیونڑ آلے سازشی مشاعرے وچ ہک شاعر۔دانشور۔گلوکار ۔اگوانڑ قطعن شریک نہ تھیسی۔جیویں اوسیں انویں مونہہ تلو تیں سٹ کیں رات دے اندھارے وچ ول ویسیں۔سرائیکستان زندہ باد۔سرائیکی قوم زندہ باد۔سرائیکی قوم نال سازشاں کرنڑ آلے مردہ باد۔
اگر تھی سگے ہر دوست میڈی ایں پوسٹ کوں قومی فرض سمجھ کیں شئیر ضرور کرے۔مہربانی ھوسی جناب دی۔شکریہ

محمد اکبر خاں زات ملکانڑیں۔قوم سرائیکی۔
چیرمین پاکستان عوامی سرائیکی پارٹی۔
9,1,202۔۔۔۔۔چھنڑ چھنڑ

ویب ڈیسک

See author's posts