ہرکہیں دے ڈکھ درد کوں آپڑاں ڈکھ درد سمجھنڑ آلا امجدعباسی ۔۔۔اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہرکہیں دے ڈکھ درد کوں آپڑاں ڈکھ درد سمجھنڑ الا۔میڈے ہتھ دا لگا بوٹا۔ میڈا حجیتا بال یار خلیل بھٹی نیں فاضل پور وچو بے تحاشا ڈسکیاں بھر بھر کیں روندیں ھوئیں ہک اج بری خبر میڈے گوش گزار کیتی اے۔میڈے پیریں تلو زمین نکھتی گئی اے۔

اکھیس میڈے ڈکھ درد ونڈڑ آلا۔میڈے کلھیپے دا سنگتی امجد عباس عباسی مر گئے۔بلکہ فاضل پور دی ایویں سمجھو پوری سنجانڑ مرگئی اے۔جیندا آج 2 وجے جنازہ گاہ وچ جنازہ اے۔میڈی دھاڑ نکھتی۔ان للھ ھ و ان الیہ راجعون۔میں کافی دیر سکتے دے عالم وچ رہنڑ دے بعد ھوش حواس سنبھل کیں ول خلیل بھٹی نال ارمان کیتے۔

امجد عباس غالب 30,35 سال پہلے کنوں میڈا جدو جہد دا بھائیوال ھا۔پیپلز دی ابتدائی ممبر شپ کنوں گھن جیل تک کٹھے وخت گزاریئے۔اوندا ہک ہک پل میڈے سامھڑیں ھ۔ممبر شپ کنوں گھن قبر دے ویندیں تک اوں اپڑیں پوری زندگی پیپلز پارٹی وچ لا چھوڑی اے۔ایماندار آدمی ھا۔گڑھی خدا بخش دا سچا سپاھی ھا۔بےلوث آدمی ھا۔شرپسند نہ ھا۔صلح کن آدمی ھا۔پوری زندگی پیپلز پارٹی دا معتبر حوالہ بنڑیا ریہے۔بی بی محترمہ شہید دا قریبی ساتھی ھا۔

بی بی نیں ہک دفعہ امجد عباس عباسی دا ناں گھن کیں نال کھڑا کیں اکھیا ھا۔امجد پیپلز پارٹی دا جیالا اے۔ایں کنوں وڈی قربت دی بی گال کیا تھی سگدی اے۔جیندا بی بی اپڑیں مونہہ نال کرے۔امجد لائی لگ آدمی نہ ھا۔مستقل مزاج آدمی ھا۔میڈا بہوں احترام کریندا ھا۔پہلے میڈا ڈاڈھا یار ھوندا ھا۔ بلکہ فیملی فرد گنڑیا ویندا ھا۔اکثر ہنڑ میکوں اہدا رھ ویندا ھا۔اکبر خاں توں ہنڑ ساڈا بزرگ ائیں۔ساڈی یاری ہنڑ اسلم خاں دے نال اے۔اسلم خاں میڈا چھوٹا بھرا اے۔

امجد دیرے شھر وچ جڈاں وی آوے ھا۔سرائیکستان ھاؤس کوں ضرور عزت بخشیندا ھا۔ایں سمجھو جو سرائیکستان ھاؤس دا او ہک پکا بھائیوال ھا۔ہک دفعہ دی گال اے۔عمر بزدار اتھائیں میڈے کولھو آیا ھویا ھا۔تیں امجد عباسی وی اتھائیں آگیا ۔امجد سئیں نیں عمر بزدار کوں آکھیا ممبر شپ کنیں گڑھی خدابخش۔گڑھی خدابخش کنوں دیرہ جیل۔دیرہ جیل کنیں ول اڈیالہ جیل تک توں تیں میں ڈوہیں ہمسفر ریہے ہیں۔تیڈے تیں میڈے واسطے اے ہک بہوں وڈا اعزاز اے۔

ایندے کولھو ہک بیا وڈا اعزاز جیرھا عمر بزدار تیڈے کولھو اے ۔اوں اعزاز دی وجہ نال ایں ویلھے جناب دا ناں سر اے فہرست کھڑے ۔جیرھا اعزاز ساڈے خواب خیال وچ وی کئیناں ھا۔تئیں اپڑیں بالیں دے ناں سچل سرمست۔سندھ یار خاں رکھ کیں سندھ اور گڑھی نال تاریخی گانڈھا گنڈھی کیں ہک اپڑیں نویں نسل کوں تاریخ وچ محفوظ کر چھوڑیئے۔ایہے جہیں خوبصورت جڑت شئیت کہیں دے نصیب وچ کئیناں ھئی۔تیڈے ایں سچ کوں نہ کوئی لکا سگدے۔نہ جھٹلا سگدے۔

اے فلسفیانہ گالہیں امجد سئیں نیں عمربزدار نال کرکیں امجد نیں آپڑاں قد کاٹھ وچ اضافی کیتے ۔کیرھی کیرھی گال امجد دی یاد کروں۔امجد کوں تاریخ روسی وی سہی۔لکھسی وی سہی۔اج وی ڈھیر لوک ان۔جیرھے ہنڑ وی ہن پیپلز پارٹی وچ۔ پیپلز پارٹی نال کیتی مگر بیمانی ودن۔کم از کم امجد بیمان نہ ھا۔امجد عباس عباسی کوں سرخ سلام۔امجد عباس عباسی دی جدوجہد کوں سلام۔سرائیکستان زندہ باد۔

ویب ڈیسک

See author's posts