ملتان : گورنمنٹ ولایت حسین اسلامیہ کالج میں سرائیکی لیکچرر کی سیٹ ختم کرنے پر قوم پرستوں نے احتجاج کیا ہے ۔ ڈیلی سویل سے گفتگو میں سرائیکی قوم پرستوں نے کہاہے کہ گورنمنٹ ولایت حسین اسلامیہ کالج میں گزشتہ کئی برس سے سرائیکی لیکچرر کی سیٹ موجود تھی ۔ اس سیٹ پر الطاف ڈاہر بطور سرائیکی لیکچرر خدمات بھی انجام دیتے رہے ہیں۔
تاہم الطاف ڈاہر کے احمد پور شرقیہ تبادلے کے بعد اس وقت کے پرنسپل فرید شریف نے محکمہ ایجوکیشن کے سیکرٹریٹ میں لکھ بھیجا کہ سرائیکی لیکچرر کی اسامی ختم کرکے کمپیوٹر سائنس کی اسامی منظور کی جائے۔مگر اس پر عمل نہ ہوا ۔
تاہم ذرائع کے مطابق فرید شریف جو اس وقت ڈائریکٹر کالجز ملتان ہیں نے ڈائریکچر کالجز مقرر ہوتے ہی وہی سمری دوبارہ موو کی جو منظور کرلی گئی ۔
سرائیکی قوم پرستوں نے کہاہے کہ گورنمنٹ ولایت حسین اسلامیہ کالج میں سرائیکی لیکچررکی آسامی فوری طور پر بحال کی جائے اور کمپیوٹر سائنس کی آسامی بھی تخلیق کی جائے۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد