پاکستان سمیت دنیا بھر سے آج کی خبریں ، مختصر مختصر

۔۔۔۔۔۔۔۔۔۔۔۔

بھارتی میڈیا، جھوٹ کا پلندہ، گلگت میں ایل او سی پر فوج کی اضافی تعیناتی کی بھارتی میڈیا کی خبر مسترد، ڈی جی آئی ایس پی آر کا کہنا ہے، چین اسکردو میں کوئی پاکستانی ایئربیس استعمال نہیں کر رہا، پاکستان میں چینی فوج کی موجودگی کی سختی سے تردید کرتے ہیں، بھارتی میڈیا کی خبریں بے بنیاد اور سچ سے کوسوں دور ہیں، بھارتی میڈیا غیرذمہ دارانہ اور حقیقت سے ہٹ کر رپورٹنگ کررہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پولیس والے نے گولیاں چلائیں اور پاپا مر گئے، نواسے نے نانا کے قاتلوں کے چہرے سے نقاب اتار پھینکا، معصوم عیاد نے بھارتی فوجیوں کے ظلم و بربریت کو بے نقاب کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت نے ظلم کی انتہا کر دی، وزیرخارجہ شاہ محمود قریشی کہتے ہیں، اس سے بڑی بربریت کا مظاہرہ نہیں کیا جا سکتا، پاکستان ہر فورم پر معاملہ اٹھائے گا، ترجمان دفتر خارجہ نے کہا، دنیا نے بھارتی فوج کی درندگی اور سفاکی کا مظاہرہ دیکھا، سوپور میں بچے کی تصویر انسانیت پر یقین رکھنے والوں کو یاد رہے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی میڈیا بھی تین سالہ عیاد کی مظلومانہ تصویر پر چپ نہ رہ سکا، بی بی سی، ڈی ڈبلیو، الجزیرہ، انڈیپنڈنٹ نے بچے کی تصویر کو شہ سرخی میں جگہ دی، کہا، تین سالہ بچے کی مظلومانہ تصویر نے دنیا کو ہلا کر رکھ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اقوام متحدہ سلامتی کونسل کی پاکستان اسٹاک ایکس چینج پر حملے کی  مذمت، اعلامیے میں کہا، دہشت گردی بین الاقوامی امن و سلامتی کیلئے شدید خطرہ ہے، تمام ریاستیں سلامتی کونسل قراردادوں کے تحت پاکستان کے ساتھ تعاون کریں، اقوام متحدہ سلامتی کونسل میں مذمتی بیان کا مطالبہ چین کی جانب سے کیا گیا، سلامتی کونسل کے تمام ارکان نے متفقہ طور پر مذمتی بیان کی حمایت کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں کورونا کے مزید چار ہزار تین سو اُنتالیس کورونا کیسز رپورٹ، متاثرہ مریضوں کی مجموعی تعداد دو لاکھ سترہ ہزار آٹھ سو سے بڑھ گئی، ایک روز میں مزید اٹھہتر افراد جاں بحق، اب تک مرنے والوں  کی تعداد چار ہزار چار سو تہتر ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے بارہ ملک آگے، نئے کیسز میں پاکستان کا ساتواں نمبر، ایکٹو کیسز میں امریکہ، برازیل، روس اور بھارت، پاکستان سے آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب سے مسلم لیگ ن کے چھ اور پیپلز پارٹی کے ایک رکن کی ملاقات، ارکان نے عثمان بزدار کو حلقوں سے متعلق مسائل سے آگاہ کیا، وزیراعلیٰ سے ملنے والے ن لیگی ایم پی اے نشاط ڈاہا نے کہا، کسی سے ملنا کوئی گناہ نہیں، پارٹی عدالت میں جانا چاہتی ہے تو شوق سے جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن اور پیپلز پارٹی کا وزیراعلیٰ سے ملنے والے ایم پی ایز کیخلاف کارروائی کا فیصلہ، حمزہ شہباز شریف سے رانا ثنا اللہ کی مشاورت، پیپلز پارٹی نے اپنے رکن پنجاب اسمبلی غضفر لنگاہ کو لوٹا قرار دے دیا، پارلیمانی لیڈر حسن مرتضیٰ کا اسمبلی میں غضنفر لنگاہ کا گھیراؤ کرنے کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرینڈز آف خان حکومت جلد جانے والی ہے، سابق وزیراعظم شاہد خاقان عباسی کہتے ہیں، پی ٹی آئی حکومت ملکی تاریخ کی سب سے کرپٹ حکومت ہے، حکومت کی کرپشن کے اتنے باب ہیں کہ ختم ہی نہیں ہوں گے، حکومت جب جائے گی تب حقیقت معلوم ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں بیس کلو آٹے کی قیمت ساڑھے آٹھ سو روپے مقرر، پنجاب کابینہ نے منظوری دے دی، فلورملز کو قبل از وقت گندم ریلیز کرنے کی بھی منظوری، فلور ملز کو ایک ہزار چار سو پچھہتر روپے فی من کے حساب سے گندم ملے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پہلے تین شرائط پوری کریں، پھر وفاقی ٹیکس اکٹھا کریں گے، ایف بی آر اور سندھ حکام میں ملاقات، سندھ حکومت کا ٹیکس وصولی کی مد میں ہوئی سات ارب کٹوتی واپس کرنے کا مطالبہ، موٹر سائیکل پر ود ہولڈنگ ٹیکس بھی ختم کرنے کی شرط

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیرون ملک پھنسے پاکستانی اگلے ہفتے تک واپس آ جائیں گے، معاون خصوصی معید یوسف کہتے ہیں، پاکستان سے دوسرے ملکوں کو جانے والے پاکستانیوں میں کورونا کی شرح نہ ہونے کے برابر ہے،  پوری کوشش ہے پاکستان سے کورونا کا کوئی متاثر بیرون ملک نہ جائے، بیرون  ملک جانے والوں کی اسکریننگ لازمی قرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایمریٹس ایئر لائن کی کراچی، لاہور اور اسلام آباد کیلئے پروازیں بحال، پاکستان سے یو اے ای جانے والے تمام مسافروں کو کورونا ٹیسٹ کرانا ہو گا، مسافروں میں کورونا وائرس کے کیسز سامنے آنے پر ایمریٹس نے پاکستان کیلئے پروازیں بند کی تھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے تاجروں کا کل سے تمام مارکیٹیں کھولنے کا اعلان، پریس کانفرنس میں کہا، دکانیں بند کرنے کی کوشش ہوئی تو مزاحمت کریں گے، اسمارٹ لاک ڈاؤن کے نام پر کراچی کا معاشی قتل کیا گیا، ہفتے اور اتوار کو مارکیٹیں کھولنے کی اجازت دی جائے، کاروباری اوقات رات 9بجے تک بڑھانے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے سندھ پولیس کے مزید 2 افسران شہید، ایس پی شکیل احمد انیس جون سے زیرعلاج تھے، ڈی ایس پی احمد نواز بلاول ہاؤس میں تعینات تھے، سندھ پولیس کے ایک ہزار تین سو پینتالیس اہلکار کورونا سے متاثر ہوئے، سولہ اہلکار جان کی بازی ہار گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت کا ملک میں پندرہ نیشنل پارک بنانے کا فیصلہ، وزیر اعظم عمران خان کہتے ہیں، منصوبہ آئندہ نسلوں کیلئے بڑا قدم ہے، ہم نے اپنی زندگی میں مری اور گلیات کے جنگلات کو تباہ ہوتے دیکھا، منصوبے سے بے روزگار نوجوانوں کو روزگار ملے گا، ماسٹر اور ٹاؤن پلاننگ سے شہروں کو بھی بچائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لوگ جتھوں کی صورت میں مویشی منڈی کا رخ نہ کریں، مفتی منیب الرحمان کی کورونا ایس او پیز پر عمل کرنے کی اپیل، کہا، منڈیاں آبادی سے دور لگائی جائیں، حکومت یقینی بنائے کہ بیمار جانور منڈی میں نہ آئے، بچوں کو مویشی منڈیوں میں نہ لے کر جائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عیدالاضحیٰ کے موقع پر کورونا کیسز بڑھنے کا خدشہ، ترجمان بلوچستان حکومت لیاقت شاہوانی کہتے ہیں، مویشی منڈیوں میں ایس او پیز پر لازمی عمل کرایا جائے گا، خلاف ورزی کرنے والوں کیخلاف کارروائی ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹر بینک میں ڈالر ایک روپے سترہ پیسے سستا، قیمت ایک سو چھیاسٹھ روپے اٹھاسی پیسے ہو گئی، کراچی اسٹاک ایکسچینج میں مثبت رجحان، ہنڈرڈ انڈیکس میں اٹھاسی پوائنٹس کا اضافہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنوبی پنجاب صوبے کا خواب منشور میں سمویا تھا آج عملی تعبیر کا آغاز ہو چکا، وزیر خارجہ شاہ محمود قریشی کہتے ہیں، ایڈیشنل چیف سیکریٹری اور ایڈیشنل آئی جی کی تعیناتی عمل میں آ چکی، لوگوں کو اپنے کاموں کے سلسلے میں لاہور جانے کی ضرورت نہیں پڑے گی، نیشنل فنانس ایوارڈ کی طرح پرونشل فنانس ایوارڈ بھی  ضروری ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلم لیگ ن کا گلگت بلتستان انتخابات میں پری پول دھاندلی کا الزام، احسن اقبال نے کہا، گلگت بلتستان میں جانب دار نگران کابینہ بنائی گئی، انتخابات میں اثرانداز ہونے کی کوشش کی جا رہی ہے، حکومت ہارس ٹریڈنگ کرنے اور الیکشن میں مداخلت سے باز رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مولانا فضل الرحمان کے اپوزیشن جماعتوں سے گلے شکوے، کہا، اپوزیشن کی بڑی جماعتیں اپنا کردار ادا نہیں کر رہیں، اپوزیشن رہنما کنفیوژن کا شکار ہیں، حزب اختلاف کی کمزوری سے حکمران مضبوط ہوں گے، تقریروں سے پیٹ نہیں بھرتا، عوام کو اب حکومت پر کوئی اعتماد نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آن لائن گیم پب جی کی وجہ سے تین نوجوانوں کی خودکشی، ورثا کی پولیس حکام سے ملاقات، تشدد کو فروغ دینے والی گیم پر مکمل پابندی کا مطالبہ، ڈائریکٹر پی ٹی اے کامران خان کہتے ہیں، پب جی کھیلنے سے جسمانی اور نفسیاتی مسائل پیدا ہوتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ آٹھ لاکھ سے زائد مریض، اموات کی تعداد پانچ لاکھ اُنیس ہزار سے بڑھ گئی، ساٹھ لاکھ سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک روز میں سب سے زیادہ کیسز کا ریکارڈ، یکم جولائی کو دنیا بھر میں ایک لاکھ چھیانوے  ہزار سے زائد کیسز رپورٹ، اس سے پہلے چھبیس جون کو ایک لاکھ پچانوے ہزار سے زائد کیسز سامنے آئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں ایک روز میں کورونا کے نئے کیسز کا نیا ریکارڈ، گزشتہ روز اکاون ہزار سے زائد کیسز ریکارڈ ہوئے، اس سے پہلے چھبیس جون کو سینتالیس ہزار سے زائد کیسز کا ریکارڈ بنا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں جمعہ سے مون سون کی انٹری، تین سے سات جولائی تک پنجاب، کشمیر، خیبر پختون خوا اور اسلام آباد میں تیز بارش کی پیشگوئی، بلوچستان اور سندھ کے اضلاع میں مٹی کے طوفان کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چارسدہ میں کار نہر میں گرنے سے ماں اور دو بچے جاں بحق، کار میں میاں بیوی اور تین بچے سوار تھے، ڈرائیور کو بچا لیا گیا، ایک بچی کی تلاش کیلئے ریسکیو آپریشن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گزشتہ ہفتے ہر روز ایک لاکھ ساٹھ ہزار سے زائد کورونا کیسز رپورٹ ہوئے، سربراہ عالمی ادارہ صحت کہتے ہیں، کورونا کے ساٹھ فیصد کیسز گزشتہ چند ہفتوں میں رپورٹ ہوئے، احتیاطی تدابیر اختیار نہ کرنے والے ملکوں کیلئے آگے مشکل ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی حکومت کی ملک میں تقریبات کی اجازت، حفاظتی تدابیر اپناتے ہوئے پچاس لوگ جمع ہو سکیں گے، شاپنگ مالز، سینما اور ایئرپورٹس بھی کھولنے کی اجازت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ولادی میر پیوٹن دو ہزار چھتیس تک روس کے صدر رہ سکیں گے، روسی صدر کے عہدے کی مدت بڑھانے کیلئے آئینی ترمیم منظور، ریفرنڈم میں عوام کی اکثریت کی پیوٹن کی حمایت، اپوزیشن کا دھاندلی کا الزام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چینی سرحد پر بھارتی فورسز کی پٹائی، بھارتی وزیراعظم نریندر مودی نے  چینی ایپ پر غصہ اُتار دیا، مائیکرو بلاگنگ ایپ ویبو سے اپنا اکاؤنٹ ختم کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میکسیکو میں منشیات کے بحالی سنٹر پر حملہ، چوبیس افراد ہلاک، رواں ہفتے کے دوران منشیات فروشوں کا بحالی سنٹر پر دوسرا حملہ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میانمار میں شدید بارش کے باعث لینڈ سلائیڈنگ، کان میں کام کرنے والے  ایک سو تیرہ مزدور ہلاک، ملبے تلے دبے سیکڑوں مزدوروں کی تلاش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

طالبان آج بھی القاعدہ کے اتحادی گروپ سے رابطے میں ہیں، پینٹاگون  کا الزام، حکام نے کہا، القاعدہ کچھ حملوں میں مقامی طالبان کی مدد کرتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 برطانیہ کے تعلیمی ادارے ستمبر میں کھل جائیں گے، دو بچوں کا کورونا ٹیسٹ مثبت آنے پر متعلقہ اسکول کو بند کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ کی ہانگ کانگ کی تمام آبادی کو شہریت دینے کی پیشکش، وزیراعظم بورس جانسن نے کہا، چین سابق برطانوی کالونی میں شہریوں کا حق آزادی دبا رہا ہے، تیس لاکھ شہری پانچ سال تک برطانیہ آ سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

افریقی ملک بوٹسوانا میں دو ماہ کے دوران ساڑھے تین سو سے زائد ہاتھی پراسرار طور پر ہلاک، ہاتھیوں کو زہر دیا گیا کسی وبا سے مرے، تصدیق نہ ہو سکی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ایمازون کے بانی جیف بیزوس کی دولت میں مزید اضافہ، اثاثوں کی مالیت  دو سو چھیاسی کھرب روپے تک پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

الیکٹرک کار بنانے والی کمپنی ٹیسلا نے ٹویوٹا کو پیچھے چھوڑ دیا، ٹیسلا کی مارکیٹ ویلیو دو سو دس  بلین ڈالرز یعنی چارسو کھرب روپے کے قریب ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پانی میں سپر کار کی طرح نظر آنے والی کشتی تیار، لیمبر گنی کی تیار کردہ کشتی کی قیمت چونتیس لاکھ ڈالرز کے قریب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی جوڑے کو ساحل پر شادی کا فوٹو شوٹ کروانا مہنگا پڑ گیا، کیلیفورنیا میں تصاویر بنواتے جوڑے کو خطرناک لہریں بہا کر لے گئیں، لائف گارڈز نے بروقت کارروائی کر کے بچایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور کی طالبہ نے دی ڈیانا ایوارڈ اپنے نام کر کے پاکستان کا نام روشن کر دیا، رائنہ خان کو سماجی خدمات کے اعتراف میں برطانوی تنظیم نے ایوارڈ سے نوازا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلینڈ کے خلاف ٹرپل سنچری بنانے کی کوشش کروں گا، بابراعظم کہتے ہیں، انگلش ٹیم کے ٹاپ آرڈر کو ٹارگٹ کریں گے، کوشش ہے انگلش بلے بازوں کو جلد آؤٹ کر کے پریشر بنائیں، انگلینڈ کو ہوم گراؤنڈ کا فائدہ ہو گا، محمد عباس، نسیم شاہ اور شاہین آفریدی سے امیدیں وابستہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاک فوج کی جانب سے شہدائے غذر اسٹیڈیم کی تعمیر مکمل، اسٹیڈیم کی تعمیر سے غذر کے نوجوانوں کو قومی کھیلوں میں مواقع ملیں گے، اسٹیڈیم گلگت بلتستان کی انتظامیہ کے حوالے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 آرسنل نے نوروچ کو چاروں شانے چت کر دیا، انگلش پریمیئر لیگ میں چار صفر سے کامیاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پریمیئر لیگ میں ویسٹ ہیم چیلسی پر بھاری، اپنے گراونڈ میں تین صفر سے ہرا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ول اسمتھ کی فلم بیڈ بوائر فار لائف کا دو ہزار بیس میں راج، فلم کی دنیا بھر سے کمائی ستر ارب روپے ہو گئی

dailyswail

See author's posts