06جون 2020: پاکستان اور دنیا بھر سے مختصر خبریں

۔۔۔۔۔۔۔۔۔۔۔۔

پاکستان میں کورونا وائرس زبردستی پھیلایا گیا، بلاول بھٹو زردای کا الزام، کہا، وفاق نے صوبائی حکومتوں کے اقدامات کو سبوتاژ کیا، وفاقی حکومت نے عوام کی زندگی کو خطرے میں ڈال دیا، ہماری بات نہ مانیں، لیکن فرنٹ لائن پر کام کرنے والے ڈاکٹرز کی تو سنیں، پاکستان کی عوام کو غلط معلومات دینے والوں پر پرچہ کٹنا چاہیے، ملک کے معاشی حالات بد سے بدتر ہوتے جا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک بھر میں کورونا کا اب تک کا سب سے مہلک وار، ایک ہی دن میں پہلی بار ریکارڈ ستانوے اموات، مرنے والوں کی تعداد ایک ہزار نو سو پینتیس ہو گئی، ایک ہی دن میں چارہزار سات سو سے زائد نئے کیسز رجسٹرڈ، تعداد چورانوے ہزار کے قریب پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار! کورونا کے ایک دن کے نئے کیسز میں پاکستان دنیا میں پانچویں نمبر پر آ گیا، ایکٹو کیسز کے لحاظ سے پاکستان چھٹے نمبر پر موجود، کورونا سے گزشتہ روز پاکستان میں ستانوے اموات، دنیا کے صرف آٹھ ممالک میں گزشتہ روز کی اموات پاکستان سے زیادہ رہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آئی ایم ایف کا سرکاری ملازمین کی تنخواہ میں بیس فیصد کٹوتی کا مطالبہ، بجٹ مذاکرات میں کہا، کورونا کے بعد لوگوں کے اخراجات کم ہوئے، جی ٹوئنٹی ممالک میں سرکاری تنخواہیں بیس فیصد کم کی گئیں، گریڈ اٹھارہ سے بائیس تک تنخواہیں منجمد کرنے کی بھی تجویز، پاکستان کا تنخواہیں کم کرنے سے انکار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں ہر دس لاکھ افراد میں سے نو کورونا سے جاں بحق ہو ئے، وفاقی وزیر اسد عمر کہتے ہیں، وبا کو روکا نہیں جا سکتا، اس کے پھیلاؤ کو کم کرنا ہے، احتیاط نہ کرنے والے دوسروں کی زندگیاں خطرے میں ڈال رہے ہیں، ایس او پیز پر عمل نہ کرنے والوں کے خلاف کارروائی ہو گی، ہم چاہتے ہیں زندگی کا پہیہ چلتا رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک کے سات سو علاقوں میں اس وقت لاک ڈاؤن ہے، معاون خصوصی صحت ڈاکٹر ظفر مرزا کہتے ہیں، کورونا کا پھیلاؤ روکنے کیلئے رویے تبدیل کرنے ہوں گے، ڈاکٹرز اور طبی عملے کی حفاظت ہماری اولین ترجیح ہے، گزشتہ روز ایپ لانچ کی جو اسپتالوں میں سہولیات سے متعلق معلومات فراہم کرے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کا پاکستان میں پھیلاؤ تیز، جون کے صرف پانچ دنوں میں بائیس ہزار سے زائد کیسز، چار سو کے قریب اموات، ایک لاکھ کے قریب ٹیسٹ کئے گئے، مثبت کیسز کی شرح خطرناک طور پر تئیس فیصد رہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں انتیس ہزار کے قریب کورونا کے کیسز، چوبیس گھنٹوں میں نو سو نوے کیسز رپورٹ ہوئے، وزیراعلیٰ سندھ مراد علی شاہ کہتے ہیں، کورونا تیزی سے پھیل رہا ہے، خدارا عوام احتیاط کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہبازشریف جیل جائیں گے، ان کا کیس سنگین ہے، وزیر ریلوے شیخ رشید کی پھر پیش گوئی، کہا، شہباز شریف کو کہا تھا واپس نہ آؤ پھنس جاؤ گے، نواز شریف کی میڈیکل رپورٹوں پر کچھ ریگ مال ضرور مارا گیا ہے، ان کے رنگ پسٹن خراب ہو چکے ہیں، انجن دھواں دے رہا ہے، شہباز شریف مفاہمت کرنا چاہتے ہیں، عمران خان کو کوئی دلچسپی نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عمران نیازی کے حکم پر نیب گرفتاریاں کررہا ہے، رانا ثنا اللہ کہتے ہیں، کس حیثیت میں حکومتی وزیر اپوزیشن لیڈر کی گرفتاری کی بات کر رہا ہے؟ سپریم کورٹ وزیر کی دھمکیوں اور جیل بھجوانے کے اعلان کا نوٹس لے، عطا تارڑ نے کہا، ہم چھینک ماریں تو نام ای سی ایل میں ڈال دیا جاتا ہے، اصل چوروں کو پروٹوکول سے باہر بھیجا جاتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیب نے وزیراعلیٰ سندھ مراد علی شاہ کو تحریری سوالنامہ بھجوا دیا، بطور وزیر خزانہ روشن سندھ پروگرام میں سیکرٹری فنانس کی تجاویز کو کیوں نظرانداز کیا؟ پروگرام بغیرفزیبلٹی کے کیوں شروع کیا گیا؟، دو ہفتوں میں تحریری جواب نیب راولپنڈی کے پاس جمع کرانے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احتیاط ضروری، ملک میں کورونا کیسز کی تعداد نوے ہزار سے تجاوز کر گئی، پہلے دس ہزار کیسز تک پہنچنے میں پاکستان کو ستاون روز لگے، جبکہ آخری دس ہزار کیسز صرف تین دن میں ریکارڈ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں چالیس فیصد ہیلتھ پروفیشنلز کورونا سے متاثر ہیں، ینگ ڈاکٹرز کی پریس کانفرنس، کہا، پنجاب میں کورونا ٹیسٹ کی سات دن تک رپورٹس نہیں آتیں، گزشتہ ہفتے سے پنجاب کو ادویات کی ترسیل نہیں کی جا رہی، حکومت نے آئے روز پالیسیاں تبدیل کیں، عوام نے کورونا کو سیریس لینا چھوڑ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صوبوں کی استعداد بڑھانے کیلئے ملک بھر میں وینٹی لیٹرز تقسیم، نیشنل کوآرڈینیشن کمیٹی کے مطابق، پنجاب میں بہتر، سندھ اور خیبر پختون خوا میں باون باون وینٹی لیٹرز دئیے گئے، بلوچستان کو بیس، گلگت بلتستان اور آزاد کشمیر کو دس دس وینٹی لیٹرز ملے، اسلام آباد میں چونتیس وینٹی لیٹرز دئیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اعلیٰ پنجاب عثمان بزدار کا ماسک پہننے کی پابندی پر سختی سے عمل درآمد کا حکم، خلاف ورزی کرنے والوں کیخلاف کارروائی کی ہدایت، کہا، اسپتالوں میں خالی بیڈز اور وینٹی لیٹرز موجود ہیں، مریضوں کے علاج معالجے کیلئے ضروری ادویات دستیاب ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے متاثرہ افراد تیزی سے صحت یاب ہورہے ہیں، سندھ حکومت نے کورونا ازخود نوٹس کیس میں رپورٹ سپریم کورٹ میں جمع کرا دی، سینیٹری اسٹاف کوتنخواہیں دینے کی یقین دہانی بھی کرائی، خیبر پختون خوا حکومت نے اپنی رپورٹ میں ٹیسٹنگ کی صلاحیت کی تفصیلات بتائیں، عدالت سماعت آٹھ جون کو کرے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت دانستہ طور پر خطے کا امن و امان تباہ کرنا چاہتا ہے، وزیر خارجہ کی زیر صدارت سابقہ خارجہ سیکرٹریز کا اجلاس، مقبوضہ جموں و کشمیر، کورونا وبا کی صورتحال پر تبادلہ خیال، شاہ محمود قریشی نے کہا، عالمی برادری بھارت کے جارحانہ روئیے کا فوری نوٹس لے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے مریضوں کی تعداد اڑسٹھ لاکھ پچھہتر ہزارسے بڑھ گئی، تین لاکھ اٹھانوے ہزار سے زائد افراد جان سے گئے، تینتیس لاکھ انہتر ہزارسے زائد افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سستا پٹرول کہاں گیا؟ کراچی اور لاہور سمیت ملک کے کئی شہروں میں پٹرول کی کمی، شہری پریشان، آئل کمپنیوں کے پاس دو دن کا اسٹاک رہ گیا، پاکستان اسٹیٹ آئل کا کہنا ہے، کمپنی کے پاس فیول کے تسلی بخش ذخائر ہیں، تمام پٹرول اسٹیشنز کو ترسیل بھی جاری ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آٹے کا بیس کلو کا تھیلا مزید پچاس روپے مہنگا، قیمت نو سو پچھتر روپے، فلور ملز ایسوسی ایشن پنجاب نے از خود آٹے کی قیمت میں اضافہ کر دیا، کہا، مہنگی گندم خرید کر سستا آٹا فروخت نہیں کر سکتے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں گرنے والے پی آئی اے طیارہ حادثہ میں اہم پیش رفت، ایئر بس طیارہ ساز کمپنی کا پی آئی اے کو خط، چیف پروڈکٹ سیفٹی آفیسر کے لکھے خط کے مطابق، فلائٹ ڈیٹا ریکارڈر اور کاک پٹ وائس ریکارڈر کو سنا اور اس کا تجزیہ کیا گیا، جس سے انتہائی اہم معلومات ملی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک کے مختلف علاقوں میں ٹڈی دل نے فصلیں اجاڑ دیں، بلوچستان کا ساٹھ، سندھ کا پچیس اور پنجاب کا پندرہ فیصد علاقہ متاثر، پنجاب کے پچیس اضلاع میں ٹڈیاں نے فصلوں کو نقصان پہنچایا، ٹڈی دل کے ایک ایکڑ پر حملے سے پینتیس ہزار افراد کھانے سے محروم ہوتے ہیں، انتظامیہ کا ٹڈی دل کے خاتمے کیلئے آپریشن، ہزاروں ایکڑ پر اسپرے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر اطلاعات پنجاب فیاض الحسن چوہان کہتے ہیں، پنجاب میں ٹڈی دل کے خلاف جامع آپریشن جاری ہے، دو روز میں چار لاکھ چودہ ہزار ایکڑ سے زائد رقبے کا سروے کیا گیا، متاثرہ علاقے کا تعین کر کے ٹارگٹڈ سپرے کیا جا رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا ایس او پیز کی خلاف ورزی پر ملک بھر میں ایکشن، لاہور میں ستر دکانیں سیل، ہزاروں روپے کے جرمانے، پنجاب کے کئی شہروں میں کارروائیاں، سندھ میں ٹرانسپورٹرز کو جرمانے، بتیس گاڑیاں بند کر دی گئیں، اسی کے قریب ڈرائیورز گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر ریلوے شیخ رشید کا تمام کرنٹ بکنگ دفاتر کو آج سے کھولنے کا اعلان، کہا، آئن لائن بکنگ کروانے والے مسافروں کو پانچ فیصد رعایت دی جائے گی، ریلوے کو ہر روز ایک کروڑ روپے کے خسارے کا سامنا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب نے جدہ میں دو ہفتہ کیلئے دوبارہ کرفیو کا اعلان کر دیا، مارکیٹیں اور مساجد بند رہیں گی، شہریوں کو گھروں پر نماز ادا کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا سے ہلاکتیں ایک لاکھ گیارہ ہزار سے بڑھ گئیں، انیس لاکھ پینسٹھ ہزار سے زائد افراد میں وائرس کی تشخیص

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر نے کورونا سے بچاؤ کے ایس او پیز کو ایک بار پھرنظر انداز کر دیا، ڈونلڈٹرمپ ماسک پہنے بغیر، کورونا کٹس بنانے والی فیکٹری پہنچ گئے، فیکٹری ملازمین کے ساتھ تصویریں بنا کر سماجی دوری کی بھی خلاف ورزی کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں سیاہ فام شہری کی ہلاکت پر گیاروویں روز بھی فسادات، لاس اینجلس، کیلی فورنیا، ایریزونا سمیت کئی ریاستوں میں مظاہرے، محکمہ دفاع نے واشنگنٹن سے نیشنل گارڈز کے دستے واپس بلوا لیے، وائٹ ہاؤس کے سامنے والی گلی جارج فلوئیڈ سے منسوب، معمر شخص پر تشدد کرنے والے دو پولیس اہلکاروں کو برطرف کرنے پر ستاون پولیس اہلکار مستعفی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میکسیکو میں بھی پولیس حراست میں شہری کی ہلاکت، واقعے کے بعد ملک بھر میں پرتشدد مظاہرے پھوٹ پڑے، شہریوں نے پولیس اسٹیشن پر دھاوا بول دیا، امریکی سفارت خانے پر بھی مظاہرین کا پتھراؤ، ہنگاموں کے دوران ایک پولیس اہل کار کو بھی آگ لگا دی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور اور اسلام آباد میں ہلکی بارش سے موسم سہانا ہو گیا، پنجاب کے مختلف علاقوں میں وقفے وقفے سے بارش، گرمی کا زور ٹوٹ گیا، ملکہ کوہسار مری میں بادلوں کا راج، ٹھنڈی ہوائیں چلنے سے شہر کا موسم سہانا ہو گیا، محکمہ موسمیات کی مزید بادل برسنے کی پیشگوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چمن پاک افغان بارڈر باب دوستی کو دوطرفہ پیدل آمدورفت کیلئے کھول دیا گیا، افغانستان میں پھنسے پاکستانی شہریوں کی وطن واپسی، پاک ایران سرحد تفتان بارڈر کو بھی دو ہفتوں کی بندش کے بعد دوبارہ کھول دیا گیا، تجارتی سرگرمیوں کیلئے زیرو پوائنٹ ہفتے میں تین دن کھلا رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں ایشیائی لوگوں کے گڑھ جیکسن ہائٹس میں بھی مظاہرے ، پرتشدد مظاہرین نے اسٹورز توڑ کر لوٹ مار کی، حملے کے بعد دیگر علاقوں میں ایشیائی افراد نے اپنی دکانوں کے باہر حفاظتی باڑ لگا دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نسل پرستی کے خلاف احتجاج میں کینیڈین وزیراعظم جسٹن ٹروڈو کی شرکت، مظاہرین نے گھٹنے ٹیک کر یک جہتی کا اظہار کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مظفرگڑھ میں کتوں نے تین بچوں کو کاٹ لیا، ایک بچہ جاں بحق، دو زخمی ہوگئے، وزیراعلیٰ عثمان بزدار نے رپورٹ طلب کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور کے چڑیا گھر میں تیسرا زرافہ ہلاک، محکمہ جنگلات وائلڈ لائف خیبر پختون خوا کی تصدیق، اپریل اور مئی میں بھی دو زرافے ہلاک ہوئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں رواں برس کے دوسرے چاند گرہن کا خوبصورت نظارہ کیا گیا، چاند گرہن کا آغاز رات دس بج کر پینتالیس منٹ پر ہوا، دو بج کر چار منٹ پر ختم ہوا، چاند گرہن کے نظارے، ایشیا ، یورپ ، افریقہ اور آسٹریلیا میں کیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب کے علاقوں طائف، نجران اور جازان میں موسلا دھار بارش، نشیبی علاقے زیر آب آ گئے، باحہ میں ایک شخص سیلابی پانی میں بہہ کر جاں بحق، محکمہ موسمیات کی مکہ مکرمہ، مدینہ منورہ، سمیت کئی علاقوں میں گرد آلود ہوائیں چلنے اور گرج چمک کے ساتھ بارش کی پیش گوئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سیاحتی مقامات کے نظارے وہیں مگر دیکھنے والا کوئی نہیں، اسلام آباد میں کورونا وائرس نے شہریوں کی سرگرمیوں کو محدود کر دیا، جھیل کے نظاروں اور سبزے سے بھرا لیک ویو پوائنٹ بھی،، سیاحوں کی راہ دیکھ رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پانیوں کا شہر وینس مزید پانی پانی ، سیلاب سے گلیوں میں ہر طرف پانی، ہوٹل، پارک سب دریا کا منظر پیش کرنے لگے، لاک ڈاؤن سے تنگ شہریوں کی پانی میں موج مستی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برازیل کے صدر نے بھی عالمی ادارہ صحت کے ساتھ تعلقات ختم کرنے کی دھمکی دے دی، کہا، عالمی ادارہ صحت اپنے کاموں میں سے نظریاتی تعصب ختم کرے ورنہ وہ بھی اسے چھوڑ دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

متحدہ عرب امارات میں ہوٹل اور ریسٹورنٹ کھولنے کی تیاریاں، ایس او پیز کے مطابق، صبح چھ سے رات 9بجے تک کام کی اجازت ہو گی، کمرہ خالی ہونے کے بعد چوبیس گھنٹے تک اسے کسی اور کو نہیں دیا جائے گا،، ایک میز پر چار افراد بیٹھ سکیں گے، دو میزوں میں کم از کم آٹھ فٹ کا فاصلہ رکھنا ہو گا، تمام ملازمین کا ٹیسٹ کرانا لازم، ہوٹل آنے والوں کا بخار بھی چیک ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا لاک ڈاؤن کے باعث گریجویشن تقریب منسوخ ہونے پر دبئی کی ایک یونیورسٹی کا انوکھا اقدام، برج الخلیفہ پر فارغ التحصیل طلبا کی تصاویر لگا دیں، طلبا کا کہنا ہے، اقدام نے زندگی کے یادگار دن کو اور زیادہ یادگار بنا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانوی شاہی جوڑے کا کورونا لاک ڈاؤن میں رضاکارانہ خدمات انجام دینے والوں کوخراج تحسین، پرنس ولیم اور کیٹ مڈلٹن نے ویڈیو کانفرنس کے ذریعے برطانیہ کے رضاکاروں سے ملاقات کی اور ان کا شکریہ ادا کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پندرہ جون سے برطانیہ کے اسپتالوں میں فیس ماسک کا استعمال لازم، وزیر صحت کے مطابق، طبی عملے کو ہر وقت سرجیکل ماسک پہننا ہوں گے، ماسک کے بغیر اسپتال میں داخلے پر پابندی ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کم بالوں والے افراد ہوشیار، دوسروں کے مقابلے میں کم بالوں والے افراد کورونا کا زیادہ آسانی سے شکار ہو سکتے ہیں، تحقیق کے مطابق، گنجا پن کے ہارمونز وائرس کو اٹیک کرنے میں مدد دے سکتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہائڈروکسی کلوروکوئن سے کورونا کا علاج ممکن نہیں، برطانیہ کی آوکسفورڈ یونیورسٹی کی تحقیق میں انکشاف، امریکی صدر ڈونلڈ ٹرمپ نے دوا کے استعمال کی تجویز دی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لالی پوپ سے کورونا کے علاج کی کوشش، مڈغاسکر کے وزیر تعلیم کو کابینہ سے نکال دیا گیا، وزیر نے تینتیس کروڑ روپے کے لالی پوپ کا آرڈر دیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس کا دوسرا سب سے بڑا تفریحی پارک گیارہ جون سے کھولنے کی تیاریاں،، اداکاروں نے سماجی فاصلوں کا خیال رکھنے کیلئے نئی کوریو گرافی پر کام شروع کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لندن کے ایک جوڑے کو طلاق بارہ کروڑ روپے میں پڑی، دو سال کیس لڑنے والے وکلا نے فریقین کو کروڑوں کا بل تھما دیا، جدائی کے بعد دونوں کے پاس صرف دس لاکھ روپے رہ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سیاح شیر کا نوالہ بننے سے بال بال بچ گیا، افریقی ملک تنزانیہ میں نوجوان کی گاڑی کی کھڑکی کھول کر شیر کی تصاویر بنانے کی کوشش، خونخوار جانور آگ بگولہ ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کینیا کے نو سالہ بچے کا کمال، لکڑیوں، ڈرم اور نٹ بولٹ کی مدد سے ہاتھ دھونے والی مشین بنا لی، صدر نے بچے کو خصوصی ایوارڈ کیلئے منتخب کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گہرے سمندر میں ننھی ڈولفن کی اٹھکیلیاں، انسان دوست ڈولفن نے غوطہ خوروں کو زندگی کا سب سے خوبصورت شو دکھایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں بطخوں کے ساتھ چائے پینے والا انوکھا کیفے، شہری چائے اور کافی کے ساتھ ساتھ بطخوں کے ساتھ بھی وقت گزار سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماہرہ خان امجد صابری کی پرانی ویڈیو دیکھ کر اداس ہو گئیں، انسٹاگرام پر معروف قوال امجد صابری کی بچپن کی ویڈیو شیئر کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستانی مارشل آرٹسٹ راشد نسیم نے پچاس ورلڈ ریکارڈ بنا ڈالے، بوتل کیپ اوپن چیلنج کا گنیز ورلڈ ریکارڈ بھی اپنے نام کر لیا، گنیر ورلڈ ریکارڈ کی راشد نسیم پر ڈاکیومنٹری بنانے کی تیاری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی فاسٹ باؤلر محمد عرفان کی اڑتیسویں سالگرہ، طویل القامت باؤلر نے کئی میچز میں پاکستان کو فتوحات سے ہمکنار کرایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عمران خان، وسیم اکرم نہ میانداد، مہوش حیات کے پسندیدہ کپتان انضمام الحق نکلے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ویسٹ انڈیز کے بلے باز برائن لارا کا فرسٹ کلاس کرکٹ میں پانچ سو ایک رنز کا ریکارڈ، چھبیس سال پہلے آج ہی کے دن لارا نے کرکٹ کی تاریخ کا سب سے بڑا مجموعہ،،،، اسکور بورڈ پر سجایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رونالڈو فٹ بال کی تاریخ کے پہلے بلین ایر کھلاڑی قرار، پرتگال اور یووینٹس کے سپراسٹار کے پاس اس وقت ڈیڑھ کھرب سے زیادہ دولت ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انیس سو نواسی کی ’بیک ٹو دا فیوچر‘ فلم کے مداح نے ہاورڈ بورڈ پر سوار ہونے کیلئے خاص جیٹ پیک فلائینگ سوٹ تیار کر لیا، تین لاکھ چالیس ہزار پاؤنڈ کا سوٹ تھری ڈی پرنٹر سے تیار کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سائنس فکشن ہارر تھرلر فلم ’انڈر واٹر‘ کامیاب، ہالی وڈ فلم نے جنوبی کوریا میں صرف پانچ دنوں میں آٹھ کروڑ روپے کا بزنس کر لیا

ویب ڈیسک

See author's posts