05جون 2020: پاکستان اور دنیا بھر سے مختصر خبریں

۔۔۔۔۔۔۔۔۔۔۔

کورونا نے پھیلنا ہے، وائرس کو پھیلنے سے نہیں روک سکتے، ابھی بھی ایس او پیز پر عمل کریں تو مشکل وقت سے بچ سکتے ہیں، وزیراعظم عمران خان کا کورونا ریلیف ٹائیگر فورس سے خطاب،کہا، لاک ڈاؤن کی وجہ سے غربت میں اضافہ ہوا، دنیا اسمارٹ لاک ڈاؤن کی طرف جا رہی ہے، آنے والے دنوں میں کچھ علاقوں کو بند کرنا پڑ سکتا ہے، لاک ڈاؤن کی طرف واپس نہیں جا سکتے، عوام احتیاط کریں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی اجلاس میں کورونا ایس او پیز کی خلاف ورزی، اسپیکر اسد قیصر کا اظہار برہمی، بار بار ارکان کو ماسک پہننے کی تلقین کرتے رہے، ایک دوسرے سے دور دور بیٹھنے کی بھی ہدایت، کہا، آپ لوگ خود اپنے دشمن بن رہے ہیں، احتیاط نہ کی تو اجلاس ختم کر دوں گا، راجہ پرویز اشرف بولے، کورونا کو مذاق نہیں سمجھنا چاہیے، سب کو اپنی سیٹ پر ہونا چاہیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پارلیمنٹ میں بڑی تعداد میں ارکان کی موجودگی سے کورونا پھیلنے کا خدشہ ہے، وفاقی وزیر فواد چودھری نے پھر خبردار کر دیا، کہتے ہیں، ورچول اجلاس میں بجٹ ووٹنگ محفوظ اور موثر ہو گی، ارکان اسمبلی میں  کورونا کی تشخیص ہوئی اور جاں بحق بھی ہوئے، ٹیکنالوجی کا دور ہے اب تو بیٹھے بیٹھے ٹیب کے ذریعے کام ہو رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تاریخ میں پہلی بار ہوٹل میں پنجاب اسمبلی کا اجلاس، ہوٹل میں قائم اسمبلی ہال میں ارکان کیلئے بیٹھنے کے وسیع انتظامات، نشستوں کے درمیان سماجی فاصلہ رکھا گیا، ہال میں آفیشل گیلری اور اسپیکر باکس قائم کیے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت نے عوام سے جھوٹے وعدے کیے، رہنما جی ڈی اے حسنین مرزا کا سندھ اسمبلی میں اظہار خیال، کہا، وائرس کا پھیلاؤ روک کر ہی بیماری سے بچا جا سکتا ہے، لاک ڈاؤن کورونا کا علاج نہیں، پابندیوں سے وائرس کے پھیلاؤ میں کمی آئے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بے احتیاطی خطرناک صورت حال اختیار کرنے لگی، چوبیس گھنٹوں میں ریکارڈ پانچ ہزار کے قریب نئے کیسز رپورٹ، مجموعی تعداد نواسی ہزار دو سو انچاس ہو گئی، اکتیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

احتیاط کریں، کورونا جون کے پہلے چار دنوں میں  پاکستان میں دو سو پچانوے جانیں  لے گیا، گزشتہ چوبیس گھنٹوں میں اڑسٹھ اموات، مجموعی تعداد ایک ہزار آٹھ سو اڑتیس ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا سے ہلاکتوں کی تعداد چھ سو سے بڑھ گئی، چوبیس گھنٹے میں ریکارڈ چالیس افراد جان سے گئے، کراچی میں کورونا کے مزید نو سو چوراسی کیسز رپورٹ،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کا پھیلاؤ مزید تیز، نئے کیسز کے لحاظ سے پاکستان کا پانچواں نمبر، ایکٹو کیسز میں بھی پاکستان دنیا کے صرف پانچ ممالک سے پیچھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد میں ہفتہ اور اتوار کو تمام مارکیٹس اور دفاتر بند رہیں گے، جم ، پارلرز، مزار، شادی ہالز اور بزنس سینٹرز بھی بند رہیں گے، کھیلوں کے مقابلے اور لوگوں کے اجتماع پر بھی پابندی برقرار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سستا پٹرول عوام کو مہنگا پڑ گیا، کراچی سے سوات تک کئی شہروں میں پٹرول غائب، کہیں پٹرول پمپس بند تو کہیں پٹرول فراہمی کی حد مقرر، پانچ روز سے شہری پٹرول کی تلاش میں مارے مارے پھر رہے ہیں، مسئلہ حل نہ ہوا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیٹرولیم مصنوعات کی مصنوعی قلت کے باعث ملک بھر میں پٹرول اور ڈیزل کا بحران پیدا ہو گیا، چئیرمین آل پاکستان پٹرولیم اینڈ سی این جی ایسوسی ایشن غیاث پراچہ کا کہنا ہے کہ، آئل کمپنیوں کے پاس صرف تین روز کا اسٹاک رہ گیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 کورونا کا بحران، ملک میں غربت کی شرح بڑھ کر تینتیس اعشاریہ پانچ فیصد تک پہنچ جائے گی، مشیر خزانہ کا سینیٹ میں تحریری جواب، ابتدائی مرحلے میں تیس لاکھ افراد بے روزگار ہو سکتے ہیں، صنعتی شعبہ میں دس لاکھ جبکہ خدمات کے شعبہ میں بیس لاکھ افراد بے روزگار ہونے کا خدشہ، مارچ سے روپے کی قدر میں سات اعشاریہ پانچ فیصد کمی آئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کہتے ہیں، کورونا  کی وجہ سے معیشت کو استحکام دینے اور ترقی کی راہ پر گامزن کرنے کی کوششیں متاثر ہوئی ہیں، غیر ضروری اخراجات میں کمی لائی جائے، سبسڈی کے بہترین اور مؤثر استعمال کو یقینی بنایا جائے، بجٹ کے حوالے سے اعلیٰ سطح کا اجلاس، مشیر خزانہ کی قیادت میں حکومتی معاشی ٹیم نے بریفنگ دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہنما ن لیگ خواجہ آصف کہتے ہیں، اپوزیشن سوال کرے اور وزرا جواب دیں تو بہتر ہے، مسئلے پر حکومت کا پالیسی بیان آنا چاہیے تھا، ایوان بے نظمی کا شکار نہیں ہونا چاہیے، مشیر پارلیمانی امور ڈاکٹر بابر اعوان نے کہا، حکومت ہر ایشو پر بات کرنے کو تیار ہے، قومی اسمبلی اجلاس میں منیر اورکزئی کیلئے فاتحہ خوانی بھی کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آئندہ مالی سال کے بجٹ میں کوئی ٹیکس نہیں لگائیں گے، وزیر خزانہ خیبر پختون خوا تیمور سلیم جھگڑا کہتے ہیں، موجود حالات سے خیبر پختون خوا کو سو ارب روپے خسارے کا سامنا ہے، بجٹ میں کورونا سے نمٹنے کیلئے خصوصی رقم مختص کی جائے گی، صوبے کی پوری آبادی کو صحت انصاف کارڈ دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹھٹھہ کے قریب دریائے سندھ میں نہاتے ہوئے سات بچے ڈوب گئے، لاشیں  نکال کی گئیں، بچوں کی عمر چھ سے بارہ سال کے درمیان  ہے،  وزیراعلیٰ سندھ نے کمشنر حیدرآباد سے رپورٹ طلب کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان اسٹیل کو صرف ایک ہزار ملازمین کی ضرورت ہے، انتظامیہ سات ہزار آٹھ سو چوراسی ملازمین کو فارغ کرنا چاہتی ہے، پاکستان اسٹیل نے جواب سپریم کورٹ میں جمع کرا دیا، کیس سماعت کیلئے مقرر، چیف جسٹس 9جون کو کیس کی سماعت کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹ اجلاس میں اسٹیل مل کی نجکاری کے معاملے پر بحث، مشاہد اللہ خان نے کہا، عمران خان اور اسد عمر نے کہا تھا اسٹیل ملزکو چلا کر دکھائیں گے، ووٹ لینے کیلئے بڑھکیں مارنے والے اب استعفیٰ دیں،  وفاقی وزیر صنعت و پیداوار حماد اظہر کہتے ہیں، بند اسٹیل مل کے ملازمین کو ساڑھے پانچ سال سے پینتیس ارب کی تنخواہ دی جا رہی ہے،  اسٹیل مل کا معاملہ قائمہ کمیٹی کے سپرد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شعیب اختر نے ایف آئی اے کی طلبی کا نوٹس چیلنج کر دیا، کہا، ایف آئی اے نے طلب کرنے سے قبل قواعد و ضوابط پورے نہیں کیے، نوٹس میں طلب کرنے کی وجوہات نہیں بتائی گئیں، ڈی جی ایف آئی اے طلبی کا نوٹس کالعدم قرار دیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ارکان پارلیمنٹ کی تنخواہوں اور مراعات سے متعلق بل سینیٹ میں پیش، ارکان پارلیمنٹ کو سالانہ پچیس بزنس کلاس اوپن ایئر ٹکٹ کی جگہ مساوی مالیت کے واوچرز جاری ہوں گے، واوچرز کا استعمال ان کے خاندان کے افراد بھی کر سکیں گے، چیئرمین سینیٹ صادق سنجرانی نے بل متعلقہ کمیٹی کو بھجوا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایم کیو ایم کی رکن سندھ  اسمبلی شاہانہ اشعر کا کورنا ٹیسٹ مثبت آگیا، کورونا ٹیسٹ مثبت آنے کے بعد شاہانہ اشعر اسمبلی اجلاس چھوڑ کر چلی گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار، ماسک کے بغیر ڈرائیونگ کرنے والوں کو جرمانہ ہو گا، لاہور میں ٹریفک پولیس اور ڈسٹرکٹ ایڈمنسٹریشن کی آٹھ مشترکہ ٹیمیں تشکیل، ایس او پیز کی خلاف ورزی کرنے والے تاجروں کے خلاف بھی کارروائی، شہر بھر میں ایک سو پچھتر دکانوں کو سیل کردیا  گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور سمیت پنجاب کے کئی شہروں میں پارکس کھل گئے، شہریوں کیلئے ماسک اور گلوز پہننا لازمی قرار، سماجی دوری کا بھی خیال رکھنا ہو گا، جھولوں کے مقامات بند، وزیر صنعت پنجاب میاں اسلم اقبال کہتے ہیں، جو تاجر ماسک فراہم نہیں کر سکتا وہ دکان بند کر کے گھر چلا جائے، غروب آفتاب تک دکانیں بند کرنے کیلئے قانون سازی کر رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا حکومت نے سیاحتی مقامات کھولنے کی منظوری دے دی، پہلے مرحلے میں فیملیز کو سیاحتی مقامات پر جانے کی اجازت ہو گی، مشیر اطلاعات اجمل وزیر کہتے ہیں، صوبے میں ایس او پیز پر عمل درآمد کرایا جا رہا ہے، عوام کا تحفظ  پہلی ترجیح ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایس او پیز کی خلاف ورزی پر ملک بھر میں کارروائیاں، لاہور، فیصل آباد، راولپنڈی سمیت پنجاب بھر میں کئی دکانیں سیل، بلوچستان میں تین ہزار دکانیں بند کرا دی گئیں، خیبر پختون خوا میں چھ مارکیٹس، چار سو تہتر دکانیں سیل، آزاد کشمیر اور گلگت بلتستان میں بھی کارروائیاں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوبارہ لاک ڈاؤن کے متحمل نہیں ہو سکتے، تاجر غفلت نہ کریں، چیئرمین آل کراچی تاجر اتحاد عتیق میر کہتے ہیں، احتیاط نہ کرنے والے تاجروں کیخلاف کارروائی کی مکمل حمایت کرتے ہیں، چند تاجرں کی غفلت کی سزا پوری مارکیٹ کے دکانداروں کو نہ دی جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں ڈھائی ماہ بعد مساجد میں نماز جمعہ کی ادائیگی، ساڑھے آٹھ سو سے زائد مساجد میں نماز ادا کی گئی، نمازیوں نے سماجی فاصلے کا مکمل خیال رکھا، ماسک اور سنیٹائزر کا بھی استعمال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رمضان شوگر مل کیس، احتساب عدالت لاہور نے شہباز شریف اور حمزہ شہباز کو گیارہ جون کوطلب کر لیا، فرد جرم عائد کیے جانے کا امکان، آمدن سے زائد اثاثہ جات کیس میں حمزہ شہباز کے جوڈیشل ریمانڈ میں اٹھارہ جون تک توسیع، عدالت کا نیب حکام کو منی لانڈرنگ کا ریفرنس جلد دائر کرنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرِ اطلاعات پنجاب فیاض الحسن چوہان کہتے ہیں، لیگی قائدین ’الٹا چور کوتوال کو ڈانٹے‘ کی روش پر چل رہے ہیں، تحقیقاتی و احتسابی اداروں نے آلِ شریف کی کرپشن کے ڈھیروں ثبوت پیش کر دیئے، نیب کے شواہد کے جواب میں، ن لیگی ترجمانوں کو وزیرِ اعظم عمران خان میں نقص اور عیب نظر آنا شروع ہو جاتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیئرمین نیب جسٹس ریٹائرڈ جاوید اقبال کہتے ہیں، ملک سے کرپشن کا خاتمہ پوری قوم کی آواز ہے، بدعنوانی ملک کی خوشحالی اور ترقی کی راہ میں سب سے بڑی رکاوٹ ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی آئی اے طیارہ حادثے میں چورانوے میتوں کی شناخت ہو گئی، وزیراعلیٰ سندھ مراد علی شاہ کہتے ہیں، ڈی این اے ٹیسٹ کے ذریعہ پچپن میتوں کی شناخت کی گئی ایک میت کی ڈی این اے میچنگ دوبارہ ہو رہی ہے، طیارہ حادثے میں ستانوے افراد جاں بحق ہوئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 امریکہ میں سیاہ فام شہری کی ہلاکت، احتجاج  کا سلسلہ شدت اختیار کر   گیا، کئی شہروں میں مظاہرین اور پولیس کے درمیان تصادم، جلاؤ گھیراو میں دس افراد ہلاک، مظاہرین کے خلاف پولیس طاقت کے استعمال سے باز نہ آئی، بزرگ شہری کو پولیس اہل کار نے دھکا مار کر گرا دیا، صدر ٹرمپ کی پسپائی، وائٹ ہاؤس پر تعینات فوج پیچھے ہٹ گئی، واشنگٹن ڈی سی میں کرفیو ختم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی شہری جارج فلوئیڈ کی آخری رسومات ادا، گورنر مینی سوٹا سمیت  بڑی تعداد میں شہریوں کی شرکت، ڈیموکریٹ سینیٹرز کا گھٹنے ٹیک کر مقتول کو خراج عقیدت، سیاہ فام شہری کی  ہلاکت کیس میں تین پولیس افسران کی ضمانت منظور، مرکزی ملزم کو پیر کو عدالت میں پیش کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جارج فلوئیڈ کے قتل پر دنیا بھر میں احتجاج، نیوزی لینڈ میں امریکی  قونصل خانے کے سامنے  مظاہرہ، شرکا نے روایتی ہاکا ڈانس کر کے احتجاج ریکارڈ کرایا، پیرس، لندن اور برمنگھم سمیت یورپ کے کئی شہروں میں مظاہرے، یونان میں پرتشدد احتجاج، جلاؤ گھیراو، بارسلونا اور میکسیکو میں شہریوں نے شمعیں روشن کر کے نسل پرستی کیخلاف آواز اُٹھائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں آج چاند گرہن ہو گا، چاند گرہن کا آغاز رات پونے گیارہ بجے ہو گا، ساڑھے بارہ مکمل گرہن سے چاند کی روشنی  مدھم ہو جائے گی، اکیس جون کو سال کا طویل ترین سورج گرہن ہو گا، پاکستان سمیت کئی ممالک کے شہری نظارہ کر سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹڈی کے لشکر فصلوں پر حملہ آور، کپاس، گنا، جوار، مکئی اور سبزیوں کی فصلوں سمیت باغات کو شدید نقصان، لاکھوں کا نقصان ہونے پر کسان پریشان، نواب شاہ میں کاشت کار ٹڈیوں کو بھگانے کیلئے برتن اور بوتلیں بجانے لگے، انتظامیہ بھی ٹڈی دل کے خاتمے میں مصروف، ہزاروں ایکڑ پر ٹڈی مار اسپرے کیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر خوراک فخر امام کہتے ہیں، ٹڈی دَل پر قابو پانے کیلئے چین سے سامان منگوا لیا، اسپرے کرنے کیلئے ڈرون بھی چین سے منگوا رہے ہیں، وافر مقدار میں کیمیکل حاصل کر لیا، کسانوں کی بھر پور مدد کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹر بینک میں ڈالر چھتیس پیسے سستا، قیمت ایک سو تریسٹھ روپے تیس پیسے ہو گئی، اسٹاک مارکیٹ میں مثبت رجحان، ہنڈرڈ انڈیکس میں دو سو اکتیس پوائنٹس کا اضافہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عوام کیلئے ایک اور خوشخبری، ہائی اوکٹین آج سے مزید پندرہ روپے فی لیٹر سستا، قیمت ایک سو ستاون روپے سے کم ہو کر ایک سو بیالیس روپے فی لیٹر ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیشنل کمانڈ اینڈ آپریشن سنٹر  نے پاک نگہبان کے نام سے ایپ لانچ کر دی، ایپ پر اسپتالوں میں وینٹی لیٹرز کی دستیابی سے متعلق  معلومات دستیاب ہوں گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کرا چی میں سی ٹی ڈی کی کارروائی، مبینہ دہشت گرد جان عالم گرفتار، سی ٹی ڈی کے مطابق، مبینہ دہشت گرد نے افغانستان میں تربیت حاصل کی، متعدد افسران و اہل کاروں کی شہادت میں بھی ملوث ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ کشمیر میں مودی سرکار کے ظالمانہ لاک ڈاؤن کو دس ماہ ہو گئے، بھارتی فورسز نے دس ماہ میں ایک سو بیالیس کشمیریوں کو شہید کیا، سرچ آپریشن کی آڑ میں نو سو دس گھر تباہ کیے گئے، ہزاروں حریت رہنما، سماجی کارکن، سیاست دان، صحافی  زیرحراست ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماسک کیوں نہیں پہنا؟ بھارتی شہر جودھ پور میں پولیس اہل کار جلاد بن گیا، نوجوان کی گردن کو گھٹنوں سے دبا کر تشدد کا نشانہ بنا ڈالا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے مریضوں کی تعداد سڑسٹھ لاکھ اٹھائیس ہزار سے بڑھ گئی، تین لاکھ ترانوے  ہزار سے زائد افراد جان سے گئے، بتیس لاکھ اکہتر ہزار سے زائد افراد کورونا سے صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا سے ایک لاکھ دس ہزار سے زائد جانیں نگل گیا، انیس لاکھ چوبیس ہزار سے زائد افراد میں وائرس کی تشخیص

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی شہر نیویارک میں کورونا کی تباہ کاریوں کی بعد نئی امید، ڈھائی ماہ میں پہلی بار گزشتہ چوبیس گھنٹوں کے دوران ایک بھی ہلاکت سامنے نہیں آئی، ریاست نیویارک میں کورونا وائرس سے تیس ہزار سے زائد افراد ہلاک ہو چکے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میکسیکو ایک لاکھ کورونا مریضوں والا چودہواں ملک بن گیا، ایک لاکھ  پانچ ہزار سے زائد مریض، بارہ ہزار سے زائد ہلاکتیں، ایک روز میں ہزار سے زائد اموات، میکسیکن صدر کا شہریوں کو پریشان نہ ہونے کا مشورہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں تین دن بعد کورونا سے پانچ اموات، کورونا کے باعث ایمرجنسی میں اکیس جون تک توسیع، ہسپانوی وزیراعظم نے چھٹی ایمرجنسی نافذ  کر دی، پیر سے ایس او پیز کے تحت بارسلونا کے ساحل بھی کھول دیئے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انسٹا گرام پر کس نے کتنی کمائی کی،،، فٹ بال اسٹار رونالڈو، میسی اور نیمار سب سے آگے، تصویروں اور پوسٹوں کے ذریعے کروڑوں روپے کما لیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے اور مالا مال کر دیا، تین ماہ میں چھ سو سے زائد ارب پتیوں کی دولت میں ایک ہزار کھرب روپے کا اضافہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا کے سب سے امیر شخص جیف بیزوس اور امیر، دولت میں دو ماہ کے دوران پچاس کھرب روپے اور جمع ہو گئے، مجموعی دولت ڈھائی سو کھرب روپے کے قریب ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چار سو ڈالرز میں ہیری پورٹر کی زندگی کا حصہ بن جائیں، فلوریڈا میں ریزورٹ کو ہیری پوٹر کی جادوئی کہانی کے رنگ میں ڈیزائن کر دیا گیا، لاک ڈاون کے بعد ہوٹل شہریوں کو خوش آمدید کہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاس ویگاس کا خوبصورت فوارہ مارچ کے بعد دوبارہ کھول دیا گیا، آٹھ ایکڑ پر پھیلے فوارے کی لہریں موسیقی کی دھنوں پر لہرانے لگیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماں کی ذمہ داری اور ڈیوٹی ساتھ ساتھ ، برطانوی وزیر سٹیلا کریسی ننھی بیٹی کو پارلیمنٹ لے آئیں، خطاب کے ساتھ ساتھ بیٹی کو گود میں اٹھائے سہلاتی بھی رہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچنا ہے تو ہاتھ بار بار دھوئیں، تھائی لینڈ کے شاپنگ مال میں لوگوں کے ہاتھ صاف کرنے والا روبوٹ متعارف

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹی وی اسٹار کائلی جینر ایک سال میں سب سے زیادہ پیسے کمانے والی خاتون، انسٹھ کروڑ امریکی ڈالر کمائے، فوربز کی ایک سال میں زیادہ پیسے کمانے والے سیلیبرٹیز کی فہرست جاری، اسپورٹس سے راجر فیڈرر کا تیسرا، کرسٹیانو رونالڈو کا چوتھا، میسی کا پانچواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں لوگ گھروں میں بند، امریکہ میں ہنسوں نے آزادی سے گھومنا شروع کر دیا، فائر فائٹر نے ہنسوں کی فیملی کی حفاظت کرنے کیلئے مدد دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برازیل میں تیس فٹ لمبی وہیل مچھلی ساحل پر ریت میں پھنس گئی، جہاز نما وہیل پندرہ گھنٹے تک ساحل پر رہی، مقامی لوگوں اور ریسکیو عملے نے دوبارہ سمندر میں پہنچا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جھیل، گہرے بادلوں سے بھرا آسمان، غروبِ آفتاب کا منظر، خوبصورت   منظر کی تصویر انڈرائیڈ فونز میں وائرس  پھیلانے لگی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چارلیز تھیرون ایکشن فلم میں دھوم مچانے کو تیار،  فلم ’دا اولڈ گارڈ‘ دس جولائی سے نیٹ فلکس پر ریلیز کی جائے گی

ویب ڈیسک

See author's posts