بھارتی اداکاررشی کپور 67سال کی عمر میں چل بسے ۔
بھارتی میڈیا کے مطابق بھارتی اداکاررشی کپور طویل عرصے سے بیمار اور امریکہ میں زیرعلاج رہے تھے انکی وفات ممبئی ایک اسپتال میں ہوئی۔
بھارتی لیجنڈ اداکار امیتابھ بچن نے بھی ادا کار رشی کپور کی موت کی سوشل میڈیا پر تصدیق کردی ہے ۔
خیال رہے کہ کچھ روز قبل معروف بالی وڈ اسٹار رشی کپور نے کورونا وائرس کے پھیلاؤ کے پیشِ نظر پاکستانی شہریوں کی حفاظت سے متعلق اپنی رائے کا اظہار بھی کیا۔
رشی کپور نے ٹوئٹر پر وزیراعظم عمران خان کے نام ایک پیغام جاری کیا۔
بھارتی اداکار نے ٹوئٹ میں لکھا کہ ‘نہایت ہی ادب کے ساتھ پاکستان کے وزیراعظم عمران خان کو مشورہ دیتا ہوں کہ اپنی عوام کو احتیاط برتنے کا مشورہ دیں، پاکستانی عوام ہمارے لیے قابل احترام ہیں کیونکہ ماضی میں ہم ایک تھے’۔
رشی کپور نے مزید کہا کہ ‘کورونا وائرس ایک عالمی وباء ہے ، اس معاملے میں کوئی انا نہیں، ہم آپ سے پیار کرتے ہیں‘۔
اپنے پیغام کے آخر میں رشی کپور نے انسانیت زندہ باد کا نعرہ بھی لگایا۔
With all due respect, Pakistan Prime Minister Imran Khan should also advice his country to take adequate precautions. People of Pakistan are also dear to us. Once we were one. We are concerned too. This is a global crisis. No ego matter this. We love you guys. Humanity zindabad !
— Rishi Kapoor (@chintskap) March 19, 2020
اداکار رشی کپور نے بالی ووڈ کی سینکڑوں فلموں میں ہیرو کا کردا ادا کیا ۔ آج کل بھی وہ فلموں میں مختلف کریکٹرز کے روپ میں جلوہ گر ہو رہے تھے ۔
خیال رہے کہ گزشتہ روز بھارتی ادا کار عرفان خان بھی ممبی کے ایک اسپتال میں چل بسے تھے ۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،