28اپریل2020:پاکستان اور دنیا بھر سے مختصر خبریں

پاکستان میں کورونا سے ایک دن میں بیس ہلاکتیں، تعداد تین سو ایک ہو گئی، پہلی ہلاکت اٹھارہ مارچ کو رپورٹ ہوئی، چھبیس دن میں ہلاکتیں سو سے بڑھ گئیں، ہلاکتوں کی تعداد سو سے دو سو، اور دو سو سے تین سو ہونے میں چھ چھ دن لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کے سات سو اکاون نئے کیسز، تعداد چودہ ہزار سے بڑھ گئی، پنجاب میں ساڑھے پانچ ہزار اور سندھ میں پانچ ہزار کیسز سامنے آئے، خیبر پختون خوا میں انیس سو چوراسی اور بلوچستان میں آٹھ سو تریپن کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی زیر صدارت وفاقی کابینہ کا اجلاس، چھوٹے کاروبار کے لئے 75 ارب روپے کا پیکیج منظور، چھوٹے کاروباری حضرات کیلئے 3 ماہ تک بجلی کا بل معاف ہو گا، کورونا سے متاثرہ صحافیوں اور صحافتی اداروں کی مالی امداد کے پیکیج کی بھی منظوری، وزیراعظم نے وزیر اطلاعات شبلی فراز اور معاون خصوصی عاصم سلیم باجوہ کو پہلا ٹاسک سونپ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گورنر سندھ عمران اسماعیل میں کورونا کی تشخیص، وزیر اعظم عمران خان، گورنر سندھ کی جلد صحت یابی کے لیے دعا گو، کہا اللہ سے دعا ہے وہ عمران اسماعیل کو بیماری سے لڑنے کی ہمت دے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹر مرزا محمد آفریدی میں کورونا وائرس کی تشخیص، خود کو گھر میں آئسو لیٹ کر لیا، محمد آفریدی نے گزشتہ ہفتے پشاور کے متاثرہ علاقوں میں راشن تقسیم کیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں چوبیس گھنٹے کے دوران کورونا کے سات مریض چل بسے، اموات کی تعداد بانوے ہو گئی، وزیراعلیٰ سندھ مراد علی شاہ کہتے ہیں صوبے میں تین سو پینتیس نئے کیسز سامنے آئے، مریضوں کی تعداد پانچ ہزار دو سو اکانوے ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کورونا کے مریضوں کی تعداد تین ہزار سات سو سے تجاوز کرگئی، چوبیس گھنٹے کے دوران دو سو اٹھاون نئے کیسز رپورٹ، ضلع جنوبی میں نواسی، ضلع شرقی میں تریپن اور ضلع وسطی سے تینتالیس نئے کیس سامنے آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آرمی چیف جنرل قمر باجوہ کا دوران ڈیوٹی کورونا کا شکار ہونے والے پی آئی اے عملے کا علاج سی ایم ایچ سے کرانے کا اعلان، پاک فضائیہ نے پی آئی اے عملے کے لیے کارگو طیاروں میں نشستیں فراہم کرنے کا اعلان کیا، سی ای او پی آئی اے ایئر مارشل ارشد ملک کا بری اور فضائی سربراہان کیلئے اظہار تشکر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

صوبائی وزیر صحت ڈاکٹر یاسمین راشد کہتی ہیں ڈاکٹرز شکوہ کر رہے ہیں کہ انکو حفاظتی کٹس نہیں دی گئیں، تمام اسپتالوں کے سی ای اوز کو پیسے دے دیئے گئے ہیں، انہیں حفاظتی سامان خریدنے کا مکمل اختیار دیا ہے، صوبائی حکومت ڈاکٹرز کی حفاظت کے لئے کام کرتی رہے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان کے ڈاکٹرز کا کورونا کی صورتحال سے نمٹنے کےلیے مزید ڈاکٹرز اور پیرا میڈیکس کی بھرتیوں کا مطالبہ، کہتے ہیں نشتر میڈیکل یونیورسٹی کے معاملات میں مداخلت نہ کی جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر اطلاعات شبلی فراز نے عہدے کا حلف اٹھا لیا، صدر مملکت ڈاکٹر عارف علوی نے حلف لیا، لیفٹیننٹ جنرل ریٹائرڈ عاصم سلیم باجوہ معاون خصوصی اطلاعات مقرر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی کابینہ کی منظوری کے بغیرتعینات افسران کوفارغ کرنے کا فیصلہ،، وزیراعظم کی ہدایت پرپرنسپل سیکریٹری اعظم خان نے تمام وزارتوں کو خط لکھ دیا،، مسلم لیگ ن کے دور حکومت میں تعینات ہونیوالے افسران کی تفصیلات بھی طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کیسز تیس لاکھ پچھتر ہزار سے بڑھ گئے، دولاکھ گیارہ ہزار سے زائد اموات، نو لاکھ پچیس ہزار مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا کے کیسز دس لاکھ سے بڑھ گئے، اموات کی تعداد چھپن ہزار آٹھ سو ہو گئی، ایک لاکھ انتالیس ہزار سے زائد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور ، کراچی اور اسلام آباد سمیت دیگر شہروں میں سبزی اور پھلوں کی قیمتیں کم نہ ہوئیں، پیاز اور آلو ستر روپے فی کلو تک پہنچ گئے، لیموں کی قیمت بھی چار سو روپے فی کلو ہو گئی، سیب ڈھائی سو روپے کلو، کیلا بھی ڈیڑھ سو روپے فی درجن ہو گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں سحری کے وقت بیکری میں سلنڈر دھماکہ، دو بھائیوں سمیت تین زخمی، پولیس کے مطابق دھماکہ گیس لیکج سے ہوا، سی سی ٹی وی فوٹیج منظر عام پر آ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں قتل کا ملزم پولیس اہلکاروں پر فائرنگ کرتے ہوئے فرار، ملزم نے پولیس اہلکار سے پسٹل چھین کر فائرنگ کردی، دو اہلکاروں سمیت چار افراد زخمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جمال صدیقی سمیت پی ٹی آئی کے تین رہنماؤں نے کورونا ٹیسٹ کرا لیا، تینوں نے گورنر سندھ عمران اسماعیل سے ملاقات کی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا کیسز دو لاکھ تک پہنچ گئے، چھبیس ہزار سے زائد مریض چل بسے، حکومت کا چار مئی سے لاک ڈاؤن میں نرمی کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا سے ساڑھے تئیس ہزار سے زائد ہلاکتیں، کیسز دو لاکھ تیس ہزار تک پہنچ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں کورونا کیسز کی تعداد ایک لاکھ پینسٹھ ہزار سے زائد ، ایک دن میں چار سو تینتیس ہلاکتیں، اب تک تعداد تئیس ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر ڈونلڈ ٹرمپ کا چین پر ایک بار پھر کورونا سے متعلق معلومات چھپانے کا الزام، کہا چین کی کارکردگی سے خوش نہیں، اس بارے میں بہت سنجیدہ تحقیقات کریں گے، وائرس کو پھیلنے سے روکا جا سکتا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست نیویارک میں کورونا کے تین لاکھ کے قریب کیسز، نیوجرسی میں کیسز ایک لاکھ گیارہ ہزار سے بڑھ گئے، میساچیوسٹس میں کورونا کے چھپن ہزار سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے روس میں بھی پنجے گاڑ لئے، کیسز ترانوے ہزار سے بڑھ گئے، بہترین طبی سہولتوں کے باعث شرح اموات کم، آٹھ سو مریض چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں لاک ڈاؤن کے دوران بھی پاکستانی نژاد برطانوی شہریوں کی خدمت میں مصروف، مساجد میں افطار پیکٹس اور غیر مسلموں کو اشیا خورونوش پہنچانے کا سلسلہ شروع کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارتی ریاست مہاراشٹر کے مسلمانوں کا جذبہ خیرسگالی کا مظاہرہ ، پونے کی مسجد کو کورونا وائرس سے متاثرہ مریضوں کے لیے قرنطینہ کے طور پر استعمال کرنے کی پیشکش کردی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں کورونا نے ایک لاکھ ساٹھ ہزار افراد کو بیمار کر دیا، چھ ہزار سے زائد اموات، بیلجیم میں چھیالیس ہزار سے زائد کیسز، کورونا سات ہزار سے زائد جانیں لے گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا سے ایک دن میں تین سو ساٹھ اموات ، اب تک ہلاکتیں اکیس ہزار سے زیادہ ہو گئیں، ایک لاکھ ستاون ہزار سے زائد متاثرہ مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی میں کورونا کے ایک لاکھ بارہ ہزار سے زائد کیسز، انتیس سو مریض دم توڑ گئے، ایران میں کیسز کی تعداد اکانوے ہزار سے بڑھ گئی، پانچ ہزار آٹھ سو مریض چل بسے، سعودی عرب میں اٹھارہ ہزار اور یو اے ای میں دس ہزار سے زائد کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیوزی لینڈ کورونا کو زیر کرنے میں کامیاب، چوبیس گھنٹے میں صرف ایک نیا کیس سامنے آیا، وزیر اعظم جیسنڈا آرڈرن کا ملک بھر میں لاک ڈاؤن میں نرمی کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فضائی آلودگی کورونا مریضوں کے لیے خطرناک، امریکی ماہرین کے مطابق فضائی آلودگی والے علاقوں میں زیادہ اموات ہو سکتی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے متعلق غلط معلومات کا پھیلاؤ روکنے کے لیے واٹس ایپ کی حکمت عملی کامیاب، فارورڈڈ پیغامات ستر فیصد تک کم ہو گئے، واٹس ایپ پر اب کوئی بھی پیغام پانچ سے زائد بار فارورڈ نہیں کیا جا سکتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی میں کورونا وائرس سے متعلق سوشل میڈیا پر غلط معلومات پھیلانے والوں کے خلاف ایکشن، چار سو دو افراد گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معمر برطانوی جوڑے نے ایک ساتھ مل کر کورونا کو شکست دے دی، اڑسٹھ سالہ مائیکل اور ان کی سڑسٹھ سالہ اہلیہ میری ایک ہی کمرے میں زیر علاج رہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیا خلائی مخلوق کا وجود ہے؟ امریکی محکمہ دفاع ، پینٹاگون ، نے ،پہلی بار مبینہ اڑن طشتریوں کی ویڈیوز جاری کر دیں ، امریکی جنگی جہازوں کے پائلٹس ، یو ایف اوز کی رفتار دیکھ کر حیران

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹیسٹ کپتان اظہر علی لاک ڈاؤن کے باعث مالی پریشانیوں سے دوچار شہریوں کی مدد کے لیے میدان میں، بیٹ اور شرٹ نیلامی کے لیے پیش کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان ویمن کرکٹ ٹیم کی کپتان بسمہ معروف کہتی ہیں ویمن ورلڈ کپ کے لیے بھارت کا پاکستان سے نہ کھیلنا افسوسناک ہے، سیاست کو کھیل سے الگ رکھنا چاہیے، بھارت کو پوائنٹس ملنے کا معاملہ پی سی بی دیکھ رہا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جولائی میں فارمولا ون کا سیزن شروع ہونے کا امکان ،، سی ای او فارمولا ون کہتے ہیں ، سیزن شروع ہوا تو مقابلے شائقین کے بغیر ہوں گے۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گھر پر رہیں اور مزے مزے کی گیمز کھیلیں، گوگل ڈوڈل نے بھی صارفین نے کے لیے کرکٹ کا ڈوڈل متعارف کروا دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹینس اب کورٹ میں نہیں، ویڈیو گیمز کے ذریعے کھیلی جائے گی، ویڈیو گیم پر میڈرڈ اوپن کا آغاز، اینڈی مرے اور رافیل نڈال نے اپنے میچ جیت لئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلش فٹبال کلب آرسنل کی کھلاڑیوں کو گراؤنڈ میں ٹریننگ کی اجازت، فٹبالر انفرادی طور پر ٹریننگ کریں گے، سماجی فاصلے کی ہدایات پر بھی عمل کرنا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ای اسپورٹس ورلڈ ریلی چیمپئن شپ، برطانیہ کے ریز ییٹس نے ایونٹ اپنے نام کر لیا،، فائنل ریس میں بولیویا کے مارکو کو شکست دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جمہوریہ چیک میں شہریوں کے لیے خصوصی تھیٹر سجا دیا گیا، شہریوں نے اپنی گاڑیوں میں بیٹھے بیٹھے اسٹیج پلے کا لطف اٹھایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کیٹ مڈلٹن کے مقابلے میں مجھے تعصب کا نشانہ بنایا گیا، میگھن مارکل کی دوست سے شاہی خاندان کی شکایتیں، کہا میڈیا نے جس طرح مجھے نشانہ بنایا، اگر کیٹ مڈلٹن کو بنایا جاتا، تو میڈیا قوانین تبدیل کر دیئے جاتے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبول ڈرامہ نگار اور شاعر آغا حشر کاشمیری کی آج 85ویں برسی، آغا حشر نے تھیٹر کے لیے ایک سو تینتیس ڈرامے تحریر کیے، انہیں ہندوستانی شیکسپیئر کا خطاب بھی دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایکشن دکھانے کو بے چین ، چلبلا شرارتی اسپائیڈر مین ، کورونا کی وجہ سے فلم اور آگے چلی گئی، اسپائیڈرمین کی نئی فلم اب دو ہزار بائیس میں ریلیز ہوگی

dailyswail

See author's posts