24اپریل 2020:پاکستان اور دنیا بھر سے مختصر خبریں

۔۔۔۔۔۔۔۔۔۔۔۔۔۔۔

کورونا کا پھیلاؤ روکنے کیلئے جدید سسٹم کے استعمال کا فیصلہ، صحافیوں سے ملاقات میں وزیراعظم عمران خان نے کہا، آرٹیفیشل انٹیلی جنس سسٹم کی طرف جا رہے ہیں، آئی ایس آئی اور دیگر ایجنسیوں سے مشاورت کی ہے، سسٹم سے مریضوں اور مقامات کی نشاندہی ہو سکے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خواتین ڈاکٹرز کا بھی ملک میں لاک ڈاؤن سخت کرنے کا مطالبہ، کراچی میں پریس کانفرنس کرتے ہوئے کہا، سڑکوں پر رش کی صورتحال خطرناک ہے، اللہ نہ کرے پاکستان میں یورپ جیسی صورتحال ہو، ابھی نقصان برداشت کر لیں، دکانیں نہ کھولیں، ایک ڈیڑھ ماہ احتیاط کی تو پھیلاؤ روکنے میں مدد ملے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مسلح افواج کا کورونا وبا کے دوران انٹرنل سیکیورٹی الاؤنس نہ لینے کا فیصلہ، آرمی میڈیکل کور کی استطاعت بڑھانے کیلئے ریزرو فورس طلب، ڈی جی آئی ایس پی آر میجر جنرل بابر افتخار کہتے ہیں، پاک فوج کے تمام دستیاب وسائل وبا سے نمٹنے کیلئے استعمال ہو رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترجمان پاک افواج کہتے ہیں، بھارت نے کورونا کو مسلمانوں سے جوڑنے کی ناکام کوشش کی، آر ایس ایس کے انتہا پسندوں نے تمام عالمی قوانین کو پامال کیا، موجودہ صورت حال میں بھی بھارت آر ایس ایس کے ایجنڈے پر عمل پیرا ہے، وائرس رنگ، نسل، مذہب کچھ نہیں دیکھتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت نے ساڑھے آٹھ سو بار سیز فائر معاہدے کی خلاف ورزی کی، جان بوجھ کر ایل او سی پر آبادیوں کو نشانہ بنایا، ترجمان پاک فوج کہتے ہیں، مقبوضہ کشمیر میں لگی آگ پورے بھارت میں پھیل چکی، بھارتی الزام تراشی کا مقصد غلط پالیسیوں سے ہوئے بلنڈر سے عالمی توجہ ہٹانا ہے، آرمی چیف جنرل قمر جاوید باجوہ کی کمانڈرز کو سرحدوں پر چوکنے رہنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خدشہ ہے آنے والے دنوں میں کورونا کیسز کی تعداد بڑھ سکتی ہے، ہمیں نہایت احتیاط کی ضرورت ہے، ڈی جی آئی ایس پی آر کہتے ہیں، وبا کے باعث جزوی اور مخصوص علاقوں میں لاک ڈاؤن ہو گا، وائرس کا پھیلاؤ روکنے کیلے آئندہ پندرہ روز بہت اہم ہیں، عوام اپنے گھروں کو عبادت گاہ بنائیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کب ختم ہو گا، اس بارے میں کچھ نہیں کہا جا سکتا، وزیراعظم عمران خان کی صحافیوں سے ملاقات میں گفتگو، کہا، آہستہ آہستہ لاک ڈاؤن کھول رہے ہیں، کورونا معاملے پر پاکستان کو کوئی امداد نہیں ملی، کوئی کتنا بھی جھوٹ بولے، آخر کارعوام سچ ڈھونڈ لیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کا رمضان میں شام پانچ بجے کے بعد مکمل لاک ڈاؤن کا فیصلہ، کاروبار پیر سے جمعرات صبح نو سے سہ پہر تین بجے تک ہو گا، کھانے پینے کی دکانیں صبح آٹھ سے شام پانچ بجے تک کھلی رہیں گی، کھانے کی ڈلیوری شام پانچ سے رات دس بجے تک ہو گی، سحری میں کسی قسم کی ہوم ڈلیوری کی اجازت نہیں ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی سمیت سندھ بھر میں تین گھنٹے کا سخت لاک ڈاؤن، مساجد میں صرف انتظامیہ اور عملے کے ارکان نے با جماعت نماز جمعہ ادا کی، شہریوں کو نماز ظہر گھر پر ہی ادا کرنے کی ہدایت کی گئی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور اور راولپنڈی سمیت کئی شہروں میں حکومتی ہدایات کے تحت نماز جمعہ ادا کی گئی، مساجد سے دریاں اور قالین ہٹا لئے گئے، نمازیوں کے درمیان بھی تین فٹ کا فاصلہ رکھا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں ایک دن میں کورونا کے چھ سو بیالیس کیسز، اب تک تعداد گیارہ ہزار ایک سو پچپن ہو گئی، دو سو سینتیس مریض چل بسے، چوبیس گھنٹے میں تیرہ اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی زیرصدارت قومی رابطہ کمیٹی کا اجلاس، کورونا کے پھیلاؤ کا جائزہ، رمضان میں اشیائے خورد و نوش کی فراہمی کو یقینی بنانے کے انتظامات پر غور، تمام صوبوں سے حفاظتی اقدامات پر مشاورت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماہ رمضان میں باجماعت نماز، جمعہ اور تراویح کی مشروط اجازت، نمازیوں میں چھ فٹ کا فاصلہ لازمی قرار، گھر سے وضو کرنے اور ماسک لگانے کی ہدایت، دریاں یا قالین بچھانے پر پابندی ہو گی، پچاس برس سے زائد عمر کے افراد، نابالغ بچے اور بیمار افراد مسجد نہیں آئیں گے، بیس نکاتی احتیاطی تدابیر پر عمل نہ ہونے کی صورت میں حکومت فیصلے پر نظر ثانی کر سکتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کی شہریوں کو نماز تراویح گھروں میں ہی پڑھنے کی ہدایت، وزیر اعلیٰ سندھ مراد علی شاہ کہتے ہیں، صرف مساجد کی انتظامیہ اور عملے کے ارکان ہی مسجد میں نماز تراویح پڑھ سکیں گے، صدر مملکت کی ہدایات سے انحراف نہیں کیا، انہوں نے صوبوں کو بیس نکاتی ہدایات پر فیصلے کا اختیار دیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ حکومت کا تراویح کے حوالے سے فیصلہ خوش آئند ہے، گورنر عمران اسماعیل کہتے ہیں، رمضان میں گھر پر ہی تراویح پڑھوں گا، ہمیں ہر طرح کی صورتحال کیلئے تیار رہنا ہو گا، اسمارٹ لاک ڈاؤن پر عمل کروائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پشاور کی مساجد میں بیس نکاتی معاہدے پر عمل کیلئے اقدامات، مساجد میں نمازیوں کا فاصلہ برقرار رکھنے کیلئے نشانات لگائے گئے، انتظامیہ کا تمام مساجد کو روزانہ جراثیم کش سپرے کرنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا مریضوں کی تعداد ساڑھے ستائیس لاکھ کے قریب پہنچ گئی، ایک لاکھ بانوے ہزار سے زائد اموات، ساڑھے سات لاکھ سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا سے ایک دن میں تئیس سو سے زائد اموات، تعداد پچاس ہزار سے بڑھ گئی، کورونا کیسز،،نو،،، لاکھ کے قریب پہنچ گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مؤثر اقدامات نا کیے گئے تو جولائی تک پاکستان میں دو لاکھ افراد کورونا سے متاثر ہو سکتے ہیں، عالمی ادارہ صحت کے سربراہ نے خبردار کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سعودی عرب میں پہلے روزے کی تراویح میں صرف مساجد کا عملہ شریک ہوا، بیس کی بجائے دس رکعت نماز تراویح پڑھائی گئی، عام شہریوں کو نماز تراویح میں شرکت کی اجازت نہیں تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یو اے ای، ملائشیا، انڈونیشیا، مصر اور ایران سمیت دیگر مسلم ملکوں میں رمضان المبارک کے دوران مذہبی اجتماعات سے روک دیا گیا، کئی ملکوں میں رات کا کرفیو بڑھا دیا گیا، مسجد اقصیٰ عام شہریوں کیلئے بند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جسٹس قاضی فائز عیسیٰ کی سپریم کورٹ میں باجماعت نماز روکنے کی اپیل، چیف جسٹس گلزار احمد کو لکھے خط میں کہا، کورونا وائرس دستک دے رہا ہے، دوسروں کی اور اپنی زندگی کو محفوظ بنانا مذہبی ذمہ داری ہے، وبا کو ہمیں گلے لگانا ہے نہ اندر آنے کی اجازت دینی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی کورونا کے ایک لاکھ سے زاید کیسز والا ساتواں ملک بن گیا، اب تک ڈھائی ہزار کے قریب افراد چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست نیویارک میں کورونا کے دو لاکھ انہتر ہزار کیسز، کورونا سے بیس ہزار سے زائد اموات، نیو جرسی میں بھی کورونا کیسز ایک لاکھ سے زیادہ ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر ڈونلڈ ٹرمپ نے کورونا کا نیا علاج ڈھونڈ لیا، کہا، اگر جراثیم کش ادویات کا انجکشن لگا کر مریض کو الٹراوائلٹ یا نہایت طاقتور روشنی کے نیچے رکھا جائے، تو ہو سکتا ہے کورونا وائرس مر جائے، پھر کہا، ڈاکٹر تو نہیں لیکن تھوڑا بہت علم رکھتا ہوں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وبا کے دوران لاک ڈاؤن کے باعث خیبر پختون خوا میں اٹھائیس لاکھ افراد کے بے روزگار ہونے کا خدشہ، خیبرپختون خوا کے محکمہ پلاننگ اینڈ ڈویلپمنٹ نے سروے رپورٹ جاری کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان اسٹاک مارکیٹ میں مندی، ہنڈرڈ انڈیکس میں چوالیس پوائنٹس کی کمی، انٹربینک میں ڈالر انچاس پیسے مہنگا ، قیمت ایک سو ساٹھ روپے سینتالیس پیسے ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یوٹیلیٹی اسٹورز کارپوریشن کی انتظامیہ اور ورکرز یونین میں مذاکرات کامیاب، صبح سے بند یوٹیلیٹی اسٹور کھلنے شروع ہو گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ایک روز میں کورونا کے دو سو بیالیس نئے کیسز، تعداد دو ہزار چار سو سے بڑھ گئی، مزید تین افراد جان کی بازی ہار گئے، کراچی میں اب تک سڑسٹھ افراد جان سے گئے، ترجمان سندھ حکومت مرتضیٰ وہاب کے مطابق، سندھ میں گزشتہ چوبیس گھنٹے کے دوران کورونا کے دو سو چوہتر کیسز رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رہنما پی ٹی آئی شہباز گل کہتے ہیں، خاص پارٹی نے خاص صوبے میں لگاتار سیاست کی، مجبوری میں جواب دینا پڑا، سیاست نہ کریں، غریبوں کا سہارا بنیں، ڈاکٹرز اور پیرا میڈیکل اسٹاف ہمارے ہیرو ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا نے اٹلی میں ایک لاکھ نوے ہزار لوگوں کو بیمار کر دیا، اموات کی تعداد ساڑھے پچیس ہزار سے زیادہ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں کورونا کے ایک لاکھ اٹھاون ہزار مریض، کورونا وائرس بائیس ہزار کے قریب جانیں لے گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی کا اجلاس ورچوئل ہوسکتا ہے یا نہیں؟ وزیراعظم نے آئین میں ترمیم کے لئے کمیٹی بنا دی، کمیٹی آرٹیکل ون ٹوئنٹی سیون کا جائزہ لے کر رپورٹ پیش کرے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے علاقے کھارادر میں لاک ڈاؤن کی خلاف ورزی پر پولیس کا ایکشن ، متعدد دکان داروں کو گرفتار کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روس میں ایک دن میں کورونا کے چھ ہزار کے قریب نئے کیسز، تعداد ساڑھے اڑسٹھ ہزار سے بڑھ گئی، چھ سو سے زائد مریض چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا کیسز کی تعداد دو لاکھ انیس ہزار سے بڑھ گئی، بائیس ہزار پانچ،،سو،، سے زائد مریض چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مشیر اطلاعات خیبر پختون خوا اجمل وزیر کہتے ہیں، پشاور میں کرفیو کا کوئی فیصلہ نہیں کیا، عوام رمضان میں زیادہ سے زیادہ احتیاط کریں، چند روز میں یومیہ دو ہزار ٹیسٹ کی سہولت حاصل کرلیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی ڈاکٹر ظفر مرزا کہتے ہیں، کورونا کی صورت حال میں بیرون ملک مقیم پاکستانی ڈاکٹرز بہترین خدمات سرانجام دے رہے ہیں، طب کے شعبے سے وابستہ افراد نے حکومت سے رابطہ کیا، بیرون ملک پاکستانیوں کے تعاون سے یاران وطن کے نام سے پروگرام شروع کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حکومت نے نیشنل سیونگ اسکیم سرٹیفیکٹ کے منافع کی شرح کم کر دی، سیونگ اکاؤنٹ پر منافع کی شرح ایک اعشاریہ چھ، اسپیشل سیونگ سرٹیفیکٹ پر تین فیصد کم، ڈیفنس سرٹیفیکٹ پر ایک اعشاریہ آٹھ چھ اور پنشن سرٹیفیکٹ پر ایک اعشاریہ نو دو فیصد کمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں کورونا کیسز ڈیڑھ لاکھ سے بڑھ گئے، ساڑھے پانچ ہزار سے زائد اموات، جرمنی میں سب سے زیادہ ایک لاکھ سے زائد افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا اٹھارہ ہزار سات سو سے زائد زندگیاں نگل گیا، کیسز کی تعداد ایک لاکھ اڑتیس ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے جنگ میں مصروف ڈاکٹروں کو خراج تحسین، برطانیہ میں شاہی جوڑے اور عام شہریوں نے تالیاں بجا کر ڈاکٹروں کی خدمات کا اعتراف کرنے کی مہم شروع کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی رہنماؤں کی مسلمانوں کو رمضان المبارک کی آمد پر مبارک باد، کینیڈا کے وزیراعظم جسٹن ٹروڈو نے کہا مسلمان گھروں میں رہیں، دوستوں سے رابطے کے لیے آن لائن ذرائع استعمال کریں، امریکی صدر کا بھی مسلمانوں کے لیے نیک خواہشات کا اظہار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ماہرین نے چاند کا پہلا مکمل رنگین نقشہ تیار کر لیا، تفصیلی نقشہ مستقبل میں انسانی خلائی مشنز کیلئے آسانی پیدا کرے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جہاز میں مسافر نہیں سامان، جاپان کا مسافر طیارہ شنگھائی سے طبی سامان لے کر ٹوکیو پہنچا، طیارے میں سیٹوں پر سامان کے ڈبے رکھے گئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن کے باعث پشاور میں پھولوں کا کاروبار کرنے والے بھی متاثر، پھول بیچنے والوں کو ایک مہینے میں ڈھائی کروڑ روپے کا نقصان ہوا، پھولوں کے کاشتکار بھی پریشان ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دبئی میں میٹرو پبلک بس سروس کا چھبیس اپریل سے دوبارہ آغاز، میٹرو بس سروس صبح سات سے رات گیارہ بجے تک چلےگی، سماجی فاصلے کی احتیاط اور ماسک پہننا لازمی ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گھر پر رہنا ہے لیکن فٹ بھی رہنا ہے، کھلاڑیوں نے گھر پر رہ کر فٹنس حاصل کرنے کے طریقے ڈھونڈ لئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فلم نگری پر راج کرنے والے احمد رشدی کی چھیاسویں سالگرہ، جادوئی آواز آج بھی مداحوں کے کانوں میں رس گھول رہی ہے

ویب ڈیسک

See author's posts