”معصوم لاڈو تیں ظالم ملاں‘‘۔۔۔ زکریا قیصرانی

لاڈو دی عمر ست سال اور اپنڑیں پیو ماں
دے رلے ہک دیہات اچ راہندی اے
لاڈو دا پیو محنت مزدوری کریندے اور
لاڈو دی اماں لوکیں دے گھر ونج تیں
تھاں بہاری دا کم کریندہ اے لاڈو کوں
پڑھنڑ لکھنڑ دا بہوں شوق اے لاڈو روز
رات کوں اپنڑے پیو کو آہدی اے ابا
میکوں سکول داخل کروا میں پڑھساں
لکھساں ڈاکٹر بنڑساں پچھیں اماں تیکوں
پرائے کم نا کرنڑیں پوسن لاڈو دا پیو روز
ٹال مٹول کریندے آخر ہک ڈینہہ لاڈو
کوں اوندا پیا سکول گھن ویندے استاد
کوں آہدے میڈی دھی کو سکول داخل
کرو استاد آہدے وئے گاموں آ اے چھوئر
اے ایکوں پڑھا تیں کیا کریسیں خیر او
لاڈو کو سکول داخل کر گھندے کہ کل کے
لاڈو آ ونجے سکول لاڈو بہوں خوش تھی ویندی
اے ساری رات لاڈو کوں خوشی کے نندر نئیں
آندی فجر تھیندی اے لاڈو سکول ویندی اے
لاڈوسارا ڈینہہ بیٹھی رہ ویندی اے استاد ہوکو
کشے نئیں پڑھندا بس اوں آہدے ونج لاڈو
میڈے واسطے پانڑیں پاتی آ چاہ چاتی آ ایویں
کریندیں کریندیں پورا ہک ہفتہ گزر ویندے
لاڈو اپنڑے پیو کوں آہدی اے ابا میں ایں
سکول نمی ویندی استاد میکوں کشے نئیں پڑھیندا
سارا ڈینہہ میں کے کم کرویندے ۔
گاموں شام کو اپنڑے سنگتی کوں سارا ایویں
حال ڈیندے اوندا سنگتی ڈتا آہدے واہ وے
یارا اے سکول شکول دے چکر چھوڑ لاڈو
کوں فلاں مسیت پٹھ اتھاں ملاں سکول ای
پڑھیندن تیں قرآن وی لاڈو کو اتھاں پٹھ
لاڈو دا ابا گھر آ کے اپنڑی ذال تیں لاڈو
نال گالھ کریندے لاڈو آہدی اے ابا میں
مسیت نمی ویندی میکوں کوئی بے انگریزی
سکول داخل کروا لاڈو دا ابا آہدے انگریزی
سکول دے بہوں خرچے ہن اساں پورے
نسے کر سگدے بس توں کل کے مسیت ونجیں
سکول تیں قرآن ڈوہیں سبق پڑھیں لاڈو
مجبور تھی ویندی اے اور مسیت ونجڑ تیں راضی
تھی ویندی اے اور او روز مسیت ونجڑ لگ ویندی
اے مسیت دا ملاں اوکوں غلط نظر نال ڈیکھنڑ
شروع کرڈیندے او لاڈو کوں ساریں بالیں
دےبعد دیر نال چھٹی نیندے لاڈو کجھ ڈینہہ
بعد اپنڑےپیو تیں ما کو آہدی ملاں ٹھیک کائنی
ابا او گندا اے میں مسیت نمی ویندی او میکوں
غور نال ڈھدے سارے بال گھر لگے ویندن م
یکوں دیر نال چھٹی ڈیندے میکوں ہتھ لیندے
میکوں مریندے اوندا پیا آہدے گالھی او ملاں
اے مسیت دا حج کیتی ہوئے او ایں
کیویں کریندے توں ونج مسیت
لاڈو مسیت لگی ویندی اے مغرب تھی
ویندی اے لاڈو نئیں ولدی لاڈو دا
پیو گھر آندے اوندی ذال آہدی اے
ونج لاڈو کو مسیت ڈیکھ آ اج دیر تھی گئی
اے ولی کائنی لاڈو دا پیوں مسیت ویندے
اتھاں کوئی نئیں ہوندے او ولا ملاں دے
گھر ویندے ملاں آہدے میکوں کہرا پتہ
او تاں چھٹی کر کے لگی گئی ہئی لاڈو دا
پیو پریشان تھی ویندے محلے آلےسارے
لوک گول گول تھکے تھیندن لاڈو دا
کوئی پتہ نئں لگدا 3 ڈینہہ بعد لاڈو دی
لاش ملدی ہک بندی دی وہی اچو لاڈو
نال جنسی ذیاتی کرنڑ دی بعد اوکوں
مار ڈتا گیا ہوندے پولیس مسیت دےملاں
کو پکڑ کے گھن تاں ویندی اے لیکن ہفتے
ڈاہ ڈینہہ بعد او چھٹ کے آویندے
لاڈو دے پیو ما وی کجھ ڈینہہ بعد او دیہات
چھوڑ کے لگے ویندے انہیں دا اج تک پتہ
کائنی کتھاں گئین جیندے مویے دا وی پتہ
کائنی لاڈو ہک رات میڈے خواب اچ ان
کے ہک سوال پچھدی دے کہ میڈی موت
حرام اے یا حلال اے ؟
میڈی موت دا زمہ وار کون اے سرکاری
سکول دا نظام ٬ انگریزی سکول دا نظام ٬مسیت
دا ملاں ٬ میڈا پیو یا تساں سارے۔

ویب ڈیسک

See author's posts