10اپریل 2020:آج پاکستان اور دنیا بھر میں کیا ہوا؟

صدر مملکت عارف علوی نے ایوان صدر میں نماز جمعہ ادا کی، وزیر مذہبی امور پیر نور الحق قادری نے امامت کرائی اور خطبہ دیا، نماز میں سماجی فاصلوں کے اصول کا خیال رکھا گیا، چیئرمین سینیٹ صادق سنجرانی اور اسپیکر اسد قیصر بھی شریک ہوئے، کورونا وائرس سے نجات کی دعا بھی مانگی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی سمیت سندھ بھر میں حکومتی ہدایات پر جمعہ کے اجتماعات محدود رکھے گئے، پیش امام اور مسجد کے عملے نے نماز جمعہ ادا کی، پیر آباد میں نماز جمعہ کا اجتماع روکنے کی کوشش پر پولیس اور شہریوں میں تصادم، خاتون ایس ایچ او زخمی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیف جسٹس گلزار احمد نے کورونا وائرس سے نمٹنے کیلئے ناکافی سہولیات پر نوٹس لیا، وائرس سے نمٹنے کیلئے کیا اقدامات اٹھائے؟ اسپتالوں میں کیا سہولیات ہیں؟ تفصیلات طلب کر لیں، متعلقہ حکام کو نوٹس جاری، سماعت تیرہ اپریل کو ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کے دو سو چوراسی نئے کیسز، متاثرہ افراد کی تعداد چار ہزار چھ سو ایک ہو گئی، اب تک چھیاسٹھ افراد جاں بحق، سات سو ستائیس مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان میں امدادی رقم کی تقسیم کے دوران بھگدڑ مچ گئی، ایک خاتون جاں بحق، خواتین سمیت بیس سے زائد افراد زخمی ہو گئے، فیصل آباد میں خواتین پولیس اہل کاروں کے خواتین کو دھکے، احساس پروگرام کی رقم لینے آئی خواتین رو پڑیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کا دباؤ مزید بڑھے گا، وزیراعظم عمرا ن خان کی پشاور میں گفتگو، کہا، طبی عملے کی حفاظت پر توجہ مرکوز ہے، عمران خان کا حیات آباد میڈیکل کمپیکس کا دورہ، کورونا کی صورت حال اور روک تھام کیلئے اقدامات پر بریفنگ، احساس ایمرجنسی کیش پروگرام کے کولیکشن پوائنٹ کا بھی دورہ، بولے، وبا پر قابو پانے کیلئے صوبوں سے تعاون جاری رہے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کیسز کی تعداد سولہ لاکھ انیس ہزار سے بڑھ گئی، اموات کی تعداد ستانوے ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں ایک روز میں انیس سو سے زائد ہلاکتیں، تعداد سولہ ہزار سات سو کے قریب پہنچ گئی، چار لاکھ انہتر ہزار کیسز رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی ریاست نیویارک میں دنیا کے کسی بھی ملک سے زیادہ کورونا کیسز، ایک لاکھ اکسٹھ ہزار سے زائد شہریوں میں وائرس کی تشخیص، سات ہزار سے زائد مریض ہلاک

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبرپختون خوا میں پہلی سے آٹھویں جماعت تک بچوں کو پروموٹ کر دیا گیا، محکمہ تعلیم کے مطابق نویں اور دسویں کے امتحانات کا فیصلہ حالات کو دیکھ کر کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں مکمل لاک ڈاؤن نہیں کیا جا سکتا، معاون خصوصی شہزاد اکبر کہتے ہیں، ریاست کی اتنی سکت نہیں کہ گھر بیٹھے سب کو راشن فراہم کرے، چودہ اپریل کے بعد کچھ صنعتیں کھول دیں گے، بیماری سیاسی جماعت نہیں دیکھتی، سب کو ایک پیچ پر ہونا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں کورونا کیسز اندازے سے کافی کم ہیں، ڈاکٹر ظفر مرزا کی نیشنل کمانڈ اینڈ آپریشن سینٹر میں بریفنگ، اجلاس میں افغانستان میں پھنسے پاکستانیوں کو واپس لانے پر غور، بلوچستان کے چار سرحدی اضلاع کو ایران سے خوراک کی سپلائی پر بھی تبادلہ خیال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ سندھ کے بہنوئی مہدی شاہ کراچی کے وادی حسین قبرستان میں سپرد خاک، وزیراعلیٰ سندھ مراد علی شاہ کہتے ہیں مہدی شاہ کورونا کے خلاف جنگ جیت گئے تھے، ان کے دونوں ٹیسٹ نیگیٹو آئے تھے، اس کے باوجود ان کی تدفین کورونا ایس او پی کی بنیاد پر کی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب حکومت کا صحافیوں کے لیے کورونا پیکج لانے کا اعلان، وزیر اطلاعات فیاض الحسن چوہان کہتے ہیں کورونا وائرس سے متاثرہ صحافی کو ایک لاکھ روپے دیئے جائیں گے، جاں بحق صحافی کے لواحقین کو دس لاکھ روپے دیئے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرصحت پنجاب یاسمین راشد کہتی ہیں کورونا وائرس پر قابو پانے میں وقت درکار ہے، ٹیسٹنگ بڑھا رہے ہیں، گورنر پنجاب چودھری سرور نے کہا حکومت کوروناوائرس سے نمٹنے کےلیے کوشاں ہے، طبی عملے کو سینی ٹائزر اور دیگر سامان فراہم کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا سے اموات کی تعداد اٹھارہ ہزار سے بڑھ گئی، چوبیس گھنٹے میں مزید چھ سو دس ہلاکتیں، ایک لاکھ تینتالیس ہزار سے زائد مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فرانس میں چوبیس گھنٹے میں کورونا سے تیرہ سو اکتالیس ہلاکتیں، مرنے والوں کی مجموعی تعداد بارہ ہزار سے بڑھ گئی، ایک لاکھ سترہ ہزار سے زائد مریض رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا کے ایک لاکھ ستاون ہزار سے زائد کیسز، ایک دن میں تین سو چھیانوے ہلاکتیں، اب تک وائرس پندرہ ہزار آٹھ سو سے زائد جانیں نگل چکا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں کورونا کے ایک لاکھ اٹھارہ ہزار سے زائد مریض، چھبیس سو سے زائد افراد چل بسے، بیلجیم میں تین ہزار، نیڈر لینڈز میں تئیس سو سے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا ایک دن میں آٹھ سو اکاسی زندگیاں نگل گیا، اب تک آٹھ ہزار کے قریب اموات، مریضوں کی تعداد پینسٹھ ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر ڈونلڈ ٹرمپ کا کورونا پر جلد قابو پانے کا ایک اور دعویٰ، کہا کیسز بلند ترین سطح پر ہیں، جلد کمی آنا شروع ہو گی، دو ٹریلین ڈالر کے امدادی پیکج سے معیشت کو سہارا ملے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار، لاک ڈاؤن کی خلاف ورزی کی تو ملک سے نکال دیا جائے گا، متحدہ عرب امارات میں لاک ڈاؤن کی خلاف ورزی کرنے والوں کو ملک بدر کرنے کا فیصلہ ، حکام کے مطابق خلاف ورزی کرنے پر ملازمت سے ہاتھ دھونا پڑیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں تین لاکھ پینسٹھ ہزار سے زائد افراد کورونا سے صحت یاب، چین میں ستتر ہزار، اسپین میں پچپن، جرمنی میں باون ہزار سے زائد مریض صحت یاب، اٹلی میں اٹھائیس ہزار، امریکہ میں پچیس، ایران میں پینتیس اور فرانس میں تئیس ہزار سے زائد مریض ڈسچارج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں کورونا کے بائیس سو سے زیادہ کیسز، سندھ میں گیارہ سو اٹھائیس اور خیبر پختون خوا میں چھ سو بیس افراد میں مرض کی تشخیص، بلوچستان میں دو سو انیس، گلگت بلتستان میں دو سو پندرہ مریض، اسلام آباد میں ایک سو سات، آزاد کشمیر میں تینتیس کیسز رپورٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب عثمان بزدار کوہ سلیمان کی چوٹی کری ماڑھ پہنچ گئے، مقامی لوگوں میں گھل مل گئے، قبائلی افراد سے سہولیات کی فراہمی پر تبادلہ خیال، علاقے میں اسکول بنانے کا اعلان، ڈیم کی تعمیر کے منصوبے کا جائزہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آمدن سے زائد اثاثہ جات کیس میں حمزہ شہباز کے جوڈیشل ریمانڈ میں تیرہ روز کی توسیع، احتساب عدالت کا تئیس اپریل کو پیش کرنے کا حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کورونا کے سب سے زیادہ ایک سو ستائیس کیسز گلشن اقبال سے رپورٹ ہوئے، ڈی جی ہیلتھ سندھ کے مطابق صدر سے ایک سو نو اور نارتھ ناظم آباد سے چونسٹھ کیسز سامنے آئے، جمشید ٹاؤن سے بیالیس اور ملیر سے اکتالیس کیس سامنے آئے، اورنگی میں سب سے کم کیسز رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نئی دہلی میں انتہاپسندو بھارتیوں نے کورونا وائرس پھیلانے کے الزام میں مسلمان نوجوان کو مار ڈالا، محبوب علی کو کئی افراد نے مل کر تشدد کا نشانہ بنایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مقبوضہ جموں و کشمیر میں کورونا کے مزید چوبیس کیس سامنے آ گئے، مقبوضہ وادی میں کورونا وائرس کے مجموعی کیسز کی تعداد ایک سو چوراسی ہو گئی، اب تک چار افراد کورونا کے باعث جاں بحق ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے پھیلاؤ پر امریکہ اور عالمی ادارہ صحت میں لڑائی جاری، امریکی دفتر خارجہ کا کہنا ہے، ڈبلیو ایچ او نے وائرس کے انسان سے دوسرے انسان میں منتقل ہونے کی تائیوان کی وارننگ کو نظر انداز کیا تھا، ڈبلیو ایچ او کے سربراہ ٹیڈ روس کہتے ہیں، انہیں تائیوان کی طرف سے قتل کی دھمکیاں دی گئیں، تائیوان نے الزام مسترد کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانیہ میں کورونا وائرس سے بچاؤ کے لیے لاک ڈاؤن پر حکومتی ارکان میں اختلافات، مشیر سائنس روپرٹ شوٹ کہتے ہیں گھر پر رہنے والے بھی کورونا وائرس سے اتنے ہی خطرے میں ہیں جتنے دفاتر میں کام کرنے والے، وزیر خارجہ ڈومینک راب نے کہا برطانیہ میں ابھی لاک ڈاؤن ہٹانے کی بات کرنا جلد بازی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس سے امریکہ میں بڑھتی ہلاکتیں دفنانے کے لیے زمین کم پڑ گئی، نیویارک میں وائرس کے شکار افراد کے لیے اجتماعی قبریں تیار، نیویارک سٹی کے ہارٹ جزیرے میں کئی افراد کو اجتماعی قبر میں دفنایا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانوی ماہرین نے کورونا وائرس کے پھیلاؤ کے فائیو جی ٹیکنالوجی سے تعلق کو مسترد کر دیا، ماہرین کا کہنا ہے فائیو جی ٹیکنالوجی سے کورونا وائرس پھیلنے کا کوئی امکان نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ساٹ۔۔۔۔۔

وقار یونس نے کہا ہے کہ بال تھوک سے نہ چمکانے دیا گیا تو، اس کا متبادل دینا ہو گا، ورنہ بال چمکے گا نہیں، چمکے گا نہیں تو سوئنگ نہیں ہو گا، سوئنگ نہیں ہوگا تو کرکٹ کا حسن بہت کم ہوجائے گا، عاقب جاوید نے، بال چمکانے کیلئے، تھوک کے استعمال پر پابندی کو، قبل از وقت قرار دے دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

رمیز راجہ اور شعیب ملک میں لفظی جنگ جاری، رمیز نے پلٹ کر وار کر ڈالا ، ٹویٹ میں کہا ، میں نے کپتان ہوتے ہوئے ریٹائرمنٹ لی تھی ، اب کس کام سے ریٹائرمنٹ لوں، شعیب ملک پر طنز کرتے ہوئے کہا کہ جب آپ دو ہزار بائیس میں کمنٹری کی طرف آئیں گے تو میری عمر کے ہو چکے ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے متاثر برطانوی وزیر اعظم بورس جانسن کی طبیعت میں مزید بہتری، آئی سی یو سے وارڈ میں منتقل، امریکی صدر کا بورس جانسن کی حالت سنبھلنے پر خوشی کا اظہار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر ڈونلڈ ٹرمپ کی اہلیہ میلانیا ٹرمپ نے بھی فیس ماسک پہن لیا، سوشل میڈیا پر تصویر شیئر کردی، امریکی خاتون اول کی ایک بار پھر عوام سے ماسک پہننے کی اپیل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنوبی کیلیفورنیا میں مستحق لوگوں میں مفت راشن بانٹا گیا،، راشن بانٹنے کے دوران سماجی دوری کا خیال رکھا گیا،، راشن لینے کے لیے کئی میل تک گاڑیوں کی قطاریں لگ گئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تھائی لینڈ میں نومولود بچوں کو کورونا سے بچانے کے لیے خصوصی فیس شیلڈز تیار کر لی گئیں، طبی ماہرین کے مطابق بچے وائرس سے جلد متاثر ہو سکتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کو خود سے دور رکھنے کا واحد طریقہ احتیاط ، اپنے اور اپنے پیاروں کی خاطر گھر پر رہیں، مجبوری کی حالت میں باہر نکلنا پڑے تو ماسک پہنیں، ہاتھ صابن یا سینیٹائزر سے بار بار صاف کریں، چہرے اور ماسک کو بالکل نہ چھوئیں، دوسروں سے کم از کم چھ فٹ کا فاصلہ برقرار رکھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

روس کے خلائی مرکز سے راکٹ امریکی اور روسی خلابازوں کو لے کر بین الاقوامی خلائی اسٹیشن کے لیے روانہ، خلابازوں کو ایک مہینے تک قرنطینہ میں رکھا گیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محنت کامیابی کی کنجی ہے، چمن کے محمد عیسیٰ نے ثابت کر دکھایا، تنور پر والد کا ہاتھ بٹانے والا عیسیٰ اے ایس آئی بن گیا، بلوچستان پبلک سروس کمیشن کا امتحان پاس کیا، محمد عیسیٰ کی کامیابی نوجوانوں کیلئے مشعل راہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہاتھ کی انگلیوں کے بل پش اپس، جنوبی وزیرستان کے مارشل آرٹسٹ عرفان محسود نے لبنان کے کھلاڑی کا ریکارڈ توڑ دیا، ایک منٹ میں انتالیس پش اپس لگائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک سو شاٹس کا چیلنج کون پورا کر سکتا ہے؟ ٹینس اسٹار اینڈی مرے نے ساتھی کھلاڑیوں کو چیلنج کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گھر میں کھیلنے کا نقصان، انگلش فٹبال کلب آسٹن ولا کے کھلاڑی نے پریکٹس کے دوران اپنے ہی گھر کی کھڑکی کا شیشہ توڑ دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ون ڈے میں تیز ترین ہزار رنز بنانے والے، پاکستانی اوپنر فخر زمان کی آج سالگرہ، فخر زمان کو ون ڈے، میں ڈبل سنچری کرنے والے پہلے پاکستانی ہونے کا اعزاز بھی حاصل، دو ہزار سترہ کی چیمپئنز ٹرافی کے فائنل میں پلیئر آف دی میچ، بھی قرار پائے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شرارتی خرگوش کے نان اسٹاپ ایڈونچر کو بریک لگ گئی، اینی میٹڈ فلم ’پیٹر ریبِٹ ٹو‘ پندرہ جون کی بجائے سات اگست کو ریلیز کی جائے گی

ویب ڈیسک

See author's posts