چیئرمین پاکستان پیپلزپارٹی بلاول بھٹو زرداری نے کوئٹہ میں ڈاکٹروں پر تشدد اور ان کی گرفتاریوں پر سخت الفاظ میں ردعمل کا اظہار کرتے ہوئے کہا ہے کہ
حفاظتی لباس کے مطالبے پر کوئٹہ میں ڈاکٹروں پر تشدد حکومتی گنڈہ گردی ہے۔ ڈاکٹروں کو حفاظتی لباس اور آلات فراہم کرنے کی بجائے ان پر تشدد اور انہیں جیل بجھوا دینا کہاں کا
انصاف ہے۔ چیئرمین پیپلزپارٹی نے کہا کہ ایک ایسے وقت جب ڈاکٹروں کی ضرورت ہسپتالوں میں ہے انہیں جیل بجھوا دیا گیا ہے۔
پی ٹی آئی حکومت جائز مطالبات پر تشدد اور گرفتاریاں کرکے انسانی حقوق کی دھجیاں اڑا رہی ہے۔ بلاول بھٹو زرداری نے کہا کہ
ڈاکٹرز کورونا وائرس کے خلاف فرنٹ لائن پر جدوجہد کر رہے ہیں۔ پوری دنیا میں ڈاکٹروں کی خدمات کو سراہا جا رہا ہے
جبکہ نئے پاکستان کی سرکار انہیں جیل بھجوا رہی ہے۔ ڈاکٹروں پر تشدد اور گرفتاری سے ان کا مورال ڈاﺅن کرنے کی کوشش پی ٹی آئی حکومت کی بدترین نااہلی ہے۔
بلاول بھٹو زرداری نے کہا کہ ڈاکٹر خود کو تنہا نہ سمجھیں پاکستان پیپلزپارٹی ان کے ساتھ کھڑی ہے۔
چیئرمین پیپلزپارٹی نے کہا کہ میں ملک بھر میں کورونا وائرس کے حوالے سے ڈاکٹروں اور پیرا میڈیکل اسٹاف کی زبردست خدمات پر انہیں سلام پیش کرتا ہوں۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،