کورونا وائرس کے بڑھتے ہوئے خطرے کے پیش نظر وزارت خارجہ نے مختلف دستاویزات کی تصدیق کے لئے عوام کے قونصلر سروس آنے کا عمل روک دیا ہے۔
قونصلر سروسز پر یہ پابندی 18 مارچ سے 3 اپریل 2020 تک برقرار رہے گی جس کے بعد صورتحال کا پھر جائزہ لے کر مستقبل کے حوالے سے اعلان کیا جائے گا۔
تاہم صرف ’پاورآف اٹارنی‘(مختار نامہ) کی تصدیق کرانے والے افراد کو رسائی کی اجازت بدستور رہے گی۔ عوام کی مشکلات کو مدنظر رکھتے ہوئے مختلف اسناد کی تصدیق وتوثیق کا عمل پاکستان پوسٹ، جیریز، لیپرڈ اور ٹی سی ایس جیسی کورئیر کمپنیوں کے ذریعے انجام دیا جائے گا۔ عوام اس طریقہ کار کو اختیار کرتے ہوئے اپنی دستاویزات وزارت خارجہ ارسال کرسکتے ہیں۔
وزارت خارجہ نے کورونا کے حوالے سے پیدا شدہ صورتحال میں ایک خصوصی کوآرڈینیشن سیل بھی قائم کر دیا ہے جو اسپیشل سیکرٹری (ایڈمنسٹریشن) کی زیر نگرانی کام کرے گا۔ یہ سیل پاکستان میں قائم سفارت خانوں اور بیرون ملک قائم پاکستانی مشنز کے ساتھ رابطے میں رہے گا۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،