رنگ ہولی بھانویں عید دا
ساکوں بھالا تیݙی دید دا
کھڑے رہواں تیݙیاں مل تے
رنگ لاوݨا تیݙے گل تے
رنگ لاوݨا لال گلاب دا
رنگ لاوݨا سوہݨے خاب دا
کھڑے سندھ سوہݨے دی تل تے
رنگ لاوݨا تیݙے گل تے
رنگ لاوݨا نیلا نیل دا
رنگ لاوݨا کینجھر جھیل دا
ہتھ نپ کے تیکوں جھل تے
رنگ لاوݨا تیݙے گل تے
رنگ لاوݨا ساوے گھا دا
رنگ لاوݨا دھرتی ما دا
اج لاوݨا، چھوڑ نا کل تے
رنگ لاوݨا تیݙے گل تے
رنگ لاوݨا وچ دامان دے
رنگ لاوݨا نال ایمان دے
بھانویں روہی بھانویں تھل تے
رنگ لاوݨا تیݙے گل تے
رنگ لاوݨا یار بہار دا
رنگ لاوݨا وسریے پار دا
تیݙے ہر ہک لنگھدے پل تے
رنگ لاوݨا تیݙے گل تے
یہ بھی پڑھیے
”کوئی خواب میکوں اُدھارا نہ ݙیویں“ (وسیب یاترا :12)||سعید خاور
”بدن دی بھوئیں تے مُونجھ دا متام“ (وسیب یاترا :11)||سعید خاور
””سندھو سکرات وِچ اے“ (وسیب یاترا :10)||سعید خاور