نشہ کرنے کیلئے دوستوں نے اپنا ہی دوست قتل کردیا، لاہور میں امام مسجد کے بیٹے حافظ حمدان کو دوستوں نے قتل کر کے نعش گندے نالے میں پھینکی تھی۔ ملزمان مقتول کا موبائل فروخت کر کے نشہ آئس ڈرگ خریدنا چاہتے تھے
لاہور میں کچھ روز قبل اغواء ہونے والے انیس سالہ حافظ حمدان کے قتل کی واردات کا ڈراپ سین ہو گیا۔ حافط حمدان کے چار جگری دوست ہی اسکے قاتل نکلے۔
پولیس نے چاروں دوست گرفتار کر لئے۔ ایس پی نوید ارشاد کے مطابق آئس کے نشے کی لت میں مبتلا دوستوں نے حمدان کو قتل کرنے کے بعداس کا قیمتی موبائل بیچ کر حاصل ہونیوالی رقم سے نشہ خریدنے کا منصوبہ بنایا تھا۔
چاروں ملزمان منصوبہ بندی کے مطابق مقتول حافظ حمدان کو بہانے سے مقیط کے خالی گھرمیں لے گئے تھے۔ جہاں اسے بدترین تشدد کے بعد قتل کر دیا گیا۔
ایس پی نوید ارشاد کے مطابق ۔ ملزموں نے حافظ حمدان کی نعش بکس میں ڈال کر گندے نالے میں پھینک دی تھی۔ گرفتار ملزمان میں محمداویس، عبداللہ، مقیط اور اسامہ شامل ہیں۔۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد