مہنگی ترین سواری پر سفر تو لاہوریوں کیلئے خواب ٹھہرا، مگر پنجاب حکومت نے اورنج لائن ٹرین کے آپریشنز اور مینٹیننس کا ٹھیکہ چینی کمپنی کو دے دیا، ٹرین چلانے کی ٹیکنالوجی آٹح سال میں پاکستان کو منتقل ہو گی،،
لاہوریے یوں تو مارچ میں بھی اورنج لائن ٹرین کا مزہ نہیں لوٹ سکیں گے لیکن صوبائی حکومت ٹرین کو ٹریک پر لانے کے لئے کام کا سلسلہ جاری رکھے ہوئے ہے، مہنگی سواری کی مینٹیننس کے لئے چینی کمپنی کو ماس ٹرانزٹ اتھارٹی نے سرٹیفیکیٹ جاری کر دیا ہے
چینی کمپنی آٹھ سال کے لئے اورنج ٹرین کو چلانے کی ذمہ دار ہو گی، کمپنی پندرہ سو ملازمین بھرتی کرے گی جن میں سے گیارہ سو مقامی اور چار سو چینی ہوں گے،، کمپنی ٹرین کے حوالے سے ٹیکنالوجی ٹرانسفر کی بھی ذمہ دار ہو گی
حکام کے مطابق کرونا وائرس کی وجہ سے چینی ملازمین کی آمد میں تاخیر ہو رہی ہے جس کی وجہ سے ٹرین کا افتتاح بھی التوا کا شکار ہو گیا ہے،،، چینی کمپنی نے ٹرین کو جون دوہزار بیس میں عوام کے لئے کھولنے کا اعادہ کیا ہے۔
دوسری جانب پنجاب حکومت نے اورنج لائن ٹرین کے کرائے کے لئے بھی سر جوڑ رکھے ہیں۔۔۔ فنانس ڈیپارٹمنٹ نے اورنج لائن ٹرین کا کرایہ پچاس روہے رکھنے کی سفارش کی ہے تاہم وزیراعلی پنجاب اورنج لائن ٹرین کا کرایہ چالیس روپے رکھنے پر مصر ہیں۔۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد