ضلع مظفر گڑھ سے نامہ نگاروں اور نمائندگان کے مراسلے

کوٹ ادو(تحصیل رپورٹر):

حضرت پیر بابا عبدالوہاب غزلانی قلندر کا 15واں سالانہ عرس مبارک آج سے شروع ہوگا،

ملک کے معروف قوال میاں شیر داد خان ،کالے خان ودیگر قوال پارٹیاں خصوصی طور پر شرکت کریں گی،

اس بارے تفصیل کے مطابق حضرت پیر بابا عبدالوہاب غزلانی قلندر کا 15واں سالانہ عرس مبارک آج 14سے 15ربیع الاول بمطابق 12 نومبر سے 14نومبر تک چاہ حیات والا کوٹ ادو میں منعقد ہو گا،

صاحبزادہ پیر اشفاق احمد عباسی کے مطابق عرس میں ملک کے معروف قوال میاں شیر داد خان ،کالے خان ودیگر قوال پارٹیاں شرکت کریں گی

کوٹ ادو(تحصیل رپورٹر) پنجاب پولیس میں آئی ٹی اصلاحات، عدالتی مفرور خدمت مرکز پولیس مظفرگڑھ سے گرفتار کر لیا گیا،اس بارے تفصیل کے مطابق خدمت مرکز پولیس مظفرگڑھ جہاں شریف شہریوں کو 14 خدمات ایک ہی چھت تلے فراہم کی جا رہی ہیں وہاں دوران جرنل پولیس ویریفیکیشن مشکوک ہونے پر پولیس نے عدالتی مفرور کو گرفتار کر لیا، عدالتی مفرور شجر منیر ولد منیر خان کو تھانہ سٹی مظفرگڑھ پولیس نے حراست میں لے کر تھانہ منتقل کر دیا،

خدمت مرکز مظفرگڑھ انچارج میاں زوہیب حسن مکول کا کہنا تھا جہاں وہ شریف شہریوں کو فوری خدمات فراہم کر رہے وہاں وہ جرائم پیشہ عناصر کو قانون کی گرفت میں بھی لا رہے ہیں ، شریف شہریوں کی خدمت کا سفر ڈی پی او مظفرگڑھ صادق علی ڈوگر کی قیادت میں جاری رہیگا،

کوٹ ادو (تحصیل رپورٹر)سوئی ناردرن گیس پاءپ لائن لیمٹیڈ ےونین کے مرکزی الیکشن تیاریاں عروج پر،اس سلسلے میں سوئی گیس آفس میں یونین کے مرکزی الیکشن 2019تا2021 کے سلسلہ میں پیرمحمد شہزادہ اقبال رضا گروپ کے مرکزی قائدین ملتان سے سید اختر حسین شاہ، امیر خان لغاری، ملک رمضان کھوکھر اور دوسرے رہنما کوٹ ادو تشریف لائے جنہیں آفس کے تمام سٹاف نے دل کی اتھاہ گہرائیوں سے خوش آمدید کیا،اس موقع پر ایک شاندار تقریب کا اہتمام کیا گیا جس میں قائدین نے اپنے گروپ کے لئے ایمپلائز کوالیکشن مہم کے حوالے سے اگاہ کیا ،اس موقع پرسوئی گیس کے ملازمین نے اپنے مکمل تعاون کا یقین دلایا اور شہزادہ اقبال رضا گروپ کی مسلسل تیسری بار جیت کا عزم ظاہر کیا،اس موقع پرسید اختر حسین شاہ نے کہا کہ سی بی اے کے ہر دو سال بعد الیکشن ہوتے ہیں ،اپنے پینل کی جیت کیلئے الیکشن کمپین کررہے ہیں ،29 نومبر کو الیکشن ہونے جارہے ہیں اور وہ انشاء اللہ کامیاب ہوں گے،

انہوں نے ملازمین سے بھی التجا کی کہ وہ اس کمپین میں بڑھ چڑھ کر حصہ لیں اور پیرمحمد شہزادہ اقبال رضا گروپ کی کامیابی کیلئے دن رات ایک کردیں ،اس موقع پرمہر ریاض حسین،فاروق عبداللہ،محمد نعیم،ملک ندیم برار،عباس کھیڑا،ملک حبیب کھر،ملازم حسین،قاضی انوار،روف عبداللہ،ارشد اقبال،جام افتاب ودیگر نے انہیں مکمل حمیات کی ےقین دہانی کرائی(تصویر ای میل کر دی ہے)

کوٹ ادو (تحصیل رپورٹر)سرکاری ہسپتال کے ڈاکٹر نے نومولود بچے کو مردہ قرار دیکر گھر جانے کا مشورہ دیدیا،ماں کے زاروقطار رونے پر ترس آکر نرس نے بچے کو آکسیجن لگائی تو بچے کی سانسیں چلنے لگیں ،واقعے کی انکوائری شروع کردی گئی،اس بارے تفصیل کے مطابق کوٹ ادو کے علاقے چوک سرور شہید کے ٹی ایچ کیو ہسپتال میں نور محمد نامی شخص کا بچہ کچھ روز پہلے پیدا ہوا،والدہ کیمطابق اس نے بچے کی طبیعت خراب ہونے پر ڈاکٹر کو بلایا تو ڈاکٹر نے بچے کو مردہ قرار دیکر گھر جانے کا مشورہ دیا;بچے کی والدہ کیمطابق وہ روتے پیٹتے بچے کو مردہ سمجھ کر گھر لے جارہے تھے،

ہسپتال ذرائع کے مطابق والدہ کو روتے دیکھ کر ہسپتال کی نرس نے ترس کھاکر بچے کو آکسیجن لگائی;46;والدہ کیمطابق نومولود بچے کو آکسیجن لگائی گئی تو اسکے بچے کی سانسیں چلنے لگیں ;46;والدہ کیمطابق اگر وہ اپنے بچے کو گھر لے جاتی تو اسکا بچہ واقعی دم توڑ جاتا;46;دوسری جانب ایم ایس ٹی ایچ کیو ہسپتال چوک سرور شہید کے مطابق معاملے کی انکوائری کی جارہی ہے،ذمہ داروں کے خلاف کاروائی کی جائیگی،ان کا کہنا تھا کہ بچہ دل کا مریض اور ہسپتال میں زیرعلاج ہے

کوٹ ادو(تحصیل رپورٹر)پیپلز پارٹی تحصیل کوٹ ادو کے انفارمیشن سیکرٹری رائے ثاقب پرہاڑ نے سابق وزیراعظم سید یوسف رضا گیلانی کے بیٹے علی حیدر گیلانی ایم پی اے و پیپلز پارٹی کے دیگر کارکنوں کے خلاف جھوٹی ایف آئی آر درج ہونے کی بھرپور مذمت ہوئے کہا ہےکہ جھوٹی ایف آئی آر کو فوری خارج کیا جائے اگر ایف آئی ار خارج نہ کی گئی تو احتجاج کا دائرہ وسیع کردیا جائے گا،

انہوں نے کہا کہچیئرمین پیپلز پارٹی بلاول بھٹو زرداری کا جلسہ مظفرگڑھ ناکام کرنے کیلئے حکومت نے ہر حربہ استعمال کیا، لیکن جلسہ گاہ کا پنڈال عوام سے بھر جانے پر مخالفین بوکھلاہٹ کا شکار ہو گئے اور جلوسوں کو تین تین میل دور روکنا شروع کردیا اور لوگوں کو واپس گھر جانے پر مجبور کر دیا گیا،انہوں نے کہا کہ مخدوم علی حیدر گیلانی جو انتظامیہ اور سیکورٹی اداروں کے طے شدہ روٹ سے گذر رہے تھے تو کسی کی فرمائش پر پولیس نے انکا راستہ روکا،اس کا جواب ڈی پی او مظفرگڑھ کو دینا ہوگا،انہوں نے کہا کہ اگر جھوٹی ایف آئی ار فوری خارج نہ کی گئی تو پیپلز پارٹی کے جیالے ہر فورم پر احتجاج کرنے پر مجبور ہو جائیں گے

کوٹ ادو(تحصیل رپورٹر)سابق رکن صوبائی اسمبلی محمدذیشان گورمانی نے کہا ہے کہ تمام مسائل کا حل اسوہ حسنہ کی مکمل پیروی میں ہے، ہمارے لئے یہ فخر کی بات ہے کہ ہم محسن انسانیت وجہ تخلیق کائنات رحمت اللعالمین نبی کے اُمتی ہیں جو سلامتی اور امن کا پیغام لیکر تشریف لائے ہیں ،یہ حقیقت ہے کہ مقصد میں کامیابی و کامرانی صرف ان ہی لوگوں کا مقدر ہوئی جنہوں نے آپ صلی اللہ علیہ وسلم کی اسوہ حسنہ کو اپنایا اور سیرت رسول صلی اللہ علیہ وسلم کی روشنی سے اپنی زندیگیوں میں اجالا کر کے دین اور دنیا دونوں کی برکتیں اور نعمتیں حاصل کیں ان خیالات کا اظہار انہوں نے صحافیوں سے گفتگو کرتے ہوِے کیا،انہوں نے کہا کہ آج کے انسانوں میں اخلاقی پستی، معاشی ناہمواری، نا انصافی اور سماجی بے راہ روی عام ہے، حقوق انسانی کو نظرانداز کیا جا رہا ہے ۔ انسان اور انسان کا باہمی تعلق روز بروز کمزور ہوتا جا رہا ہے ۔ مادی مفادات ہر چیز کی بنیاد بن گئے ہیں ۔ انہوں نے مزید کہا کہ ہم خوش قسمت ہیں کہ ہمارے سامنے ایک مکمل اور مثالی نمونہ راہنمائی کے لیے موجود ہے یہ رسول صلی اللہ علیہ وسلم کی حیات طیبہ ہے جس پر چل کر ہم دنیا اور آخر میں یقینی کامیابی حاصل کر سکتے ہیں ۔

انہوں نے کہا کہ ہم سب کا فرض ہے کہ اخلاق محمدی صلی اللہ علیہ وسلم کا علم سنبھالیں اور معاشرتی برائیوں کے خلاف جہاد کریں ، خود اپنی شخصیتوں کو اخلاق محمدی صلی اللہ علیہ وسلم کے قالب میں ڈھالنے کے لیے مخلصانہ جدوجہد میں لگ جائیں اور معاشرے کے ہر چھوٹے بڑے، ادنیٰ و اعلیٰ طبقوں میں مادی پرستی، ہوس زر، اخلاق فروشی، بددیانتی، فرض ناشناسی کے خلاف مسلسل جدوجہد کریں ہمارے پیارے نبی حضرت محمد صلی اللہ علیہ وسلم درگزرکا معاملہ کیا کرتے تھے، بڑی سے بڑی غلطی کو معاف کر دیا کرتے تھے ۔ انہوں نے کہا کہ صرف کتابیں پڑھنے اور باتیں کرنے سے اچھا انسان نہیں بن سکتا(تصویر ای میل کر دی ہے)

مظفر گڑھ( علی جان سے) خانگڑھ چوروں کا راج‘ پولیس ناکام ‘ شہری لٹنے پر مجبور .تفصیل کے مطابق گزشتہ کئی دنوں سے خان گڑھ و گردونواح میں چوری’ راہزنی اور ڈکیٹی کی وارداتوں میں اچانک اضافہ ہو چکا ہے آئے روز وارداتیں معمول بن چکی ہیں اور حالت یہ ہے کہ شہریوں کو مال و جان کے لالے پڑ چکے ہیں اور شہری و دیہاتی راتوں کو جاگ کر اپنے جان و مال کی حفاظت کرنے پر مجبور ہوچکے ہیں جبکہ خانگڑھ پولیس بالکل ناکام ہو چکی ہے سوموار کو نماز عشاء کے بعد نامعلوم چور دو موٹرسائیکل لے کر فرار ہوگئے پہلے واقعہ میں شہربازار سے کمالپور کے رہائشی سلیم کی موٹرسائیکل چوری کر لی گئی جبکہ دوسرے واقعہ میں شاہ جمال چوک پر دہی بھلے کھانے کیلئے آنےوالے فاروق آباد کے رہائشی مظہر حسین کی نامعلوم چور موٹرسائیکل لے کر فرار ہو گئے نامعلوم چوروں کو تلاش کرنے کی کافی کوشش کی گئی مگر چور تلاش نہ ہوسکے یہاں یہ امر قابل ذکر ہے کہ خانگڑھ میں موٹرسائیکل چوری کی ایک درجن سے زائد وارداتیں رونما ہو چکی ہیں اور تاحال چورہ ہونے والی ایک موٹرسائیکل بھی برآمد نہیں کی جاسکی جو خانگڑھ پولیس کی کارکردگی پر سوالیہ نشان ہے شہریوں ‘ متاثرین اور عوامی حلقوں نے خانگڑھ پولیس کی ناکامی اور وارداتوں میں بےپناہ اضافہ پر ڈی پی او مظفرگڑھ صادق علی ڈوگر سے نوٹس لے کر کاروائی کا مطالبہ کیا ہے

About The Author

dailyswail

See author's posts