اسلام آباد: ینگ ڈاکٹرز ایسوسی ایشن (وائی ڈی اے) اسلام آبادجنے ایگزیکٹو ڈائریکٹر پمز کے دفتر کے اندر دھرنا دیاہے ۔
اس موقع پر خطاب کرتے ہوئےصدر ینگ ڈاکٹرز ایسوسی ایشن اسلام آباد ڈاکٹر فضل ربی نے کہا کہ کل سیکرٹری ہیلتھ کے رابطے کے بعد امید پیدا ہوگئی تھی مسائل حل ہونگے،ای ڈی پیمز نے جلتی پر تیل ڈالا اور ڈاکٹروں کو انتقامی کاروائیوں کا نشانہ بنانے کا کہا۔جب تک حکومت اپنے وعدے پورے نہیں کرتی ہمارا احتجاج جاری رہے گا۔
صدر وائی ڈی اے نے کہاکہ اگر حکومت اپنے وعدے نبھاتی ہے تو ہمیں احتجاج کا کوئی شوق نہیں،پی ایم سی آرڈیننس 2019 کو یکسر مسترد کرتے ہیں،میڈیکل ایجوکیشن کو پرائیویٹ مافیا کے ہاتھوں بیچنے کو مسترد کرتے ہیں ۔ 
انہوں نے کہا کہ پی ایم سی آرڈیننس سپریم کورٹ کے فیصلے کے مطابق آئین کے ساتھ Abuse کے مترادف ہے،اگر نظام آرڈیننس کے ذریعے چلانا ہے تو قومی اسمبلی اور سینیٹ کو تالے لگادیے جائیں۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
راجہ گدھ کا تانیثی تناظر! چودہویں قسط||ڈاکٹر طاہرہ کاظمی