لاہور: پنجاب میں لوکل سیٹ یعنی بلدیاتی انتخابات میں مزید تاخیر کا امکان ہے ۔
ذرائع کا کہناہے کہ بلدیاتی انتخابات انتظامات مکمل نہ ہونے کی وجہ سے اگلے سال مئی تک ملتوی ہو سکتے ہیں۔
ذرائع کے مطابق پنجاب حکومت بلدیاتی انتخابات کے لئے فریم ورک پر ابھی تک کام شروع نہیں کر سکی، انتظامات میں تاخیر بلدیات کی وزارت کسی کے پاس نہ ہونا ہے۔
خیال رہے کہ بلدیات کی وزارت کا چارج وزیراعلی پنجاب سردار عثمان بزدار کے پاس ہے، وزیراعلی کی مصروفیات کی وجہ سے بلدیاتی انتخابات بارے کوئی اجلاس نہیں بلایا جا سکا ہے۔
واضح رہے کہ بلدیاتی انتخابات میں تاخیر کا عندیہ وفاقی وزیر خارجہ بھی دے چکے ہیں۔
اس ضمن میں پنجاب کے صوبائی وزیر راجہ بشارت نے رابطہ کرنے پر کہاہے کہ پنجاب حکومت اپنے منشور پر عمل پیرا ہے ، پنجاب کو بہتر بلدیاتی نظام دینے کے لئے تیزی سے کام کر رہے ہیں۔
انہوں نے کہا کہ سرکاری کاموں میں تاخیر ہونا کوٴئی بڑی بات نہیں ہے۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،