جنوبی پنجاب کے سب سے بڑے ہسپتال بہاول وکٹوریہ میں ڈینگی سے متاثرہ مریضوں کی تعداد میں مسلسل اضافہ جاری ہے۔ گزشتہ چوبیس گھنٹوں کے دوران مذید 9 مریضوں میں ڈینگی وائرس کی تصدیق ہو گئی ہے۔ ملک کے مختلف شہروں میں ڈینگی وائرس کے حملے مسلسل جاری ہیں۔ بہاول وکٹوریہ ہسپتال میں گزشتہ چوبیس گھنٹوں کے دوران زیر علاج مذید 9 مریضوں میں ڈینگی وائرس کی تصدیق ہو گئی ہے جس کے بعد متاثرہ مریضوں کی تعداد 231 تک پہنچ چکی ہے۔ ڈاکٹرز عامر بخاری کا کہنا تھا کہ موسم ٹھنڈا ہو رہا ہے جس سے امید ہے کہ ڈینگی کنٹرول ہو جائے گا۔ فوکل پرسن ڈینگی سینٹر ڈاکٹر عامر بخاری کا کہنا تھا کہ وکٹوریہ ہسپتال کے ڈینگی سینٹر میں زیر علاج مریضوں کی تعداد 24 ہو گئی ہے۔ ڈاکٹر عامر بخاری کے مطابق ڈاکٹرز اور نرسز سمیت پیرا میڈیکل 24 گھنٹے ڈیوٹی کے فرائض سر انجام دے رہے ہیں جن کی تعداد میں مذید اضافہ بھی کیا جا سکتا ہے۔
یہ بھی پڑھیے
راجہ گدھ کا تانیثی تناظر! چودہویں قسط||ڈاکٹر طاہرہ کاظمی
نیلے والی تیری، پیلے والی میری!||ڈاکٹر طاہرہ کاظمی
راجہ گدھ کا تانیثی تناظر! تیرہویں قسط!||ڈاکٹر طاہرہ کاظمی