وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان سے خیبر پختونخوا کےصوبائی وزیر برائے سیاحت، ثقافت و کھیل عاطف خان کی ملاقات ہوئی ہے ۔
صوبائی وزیر نے معاون خصوصی برائے اطلاعات ڈاکٹر فردوس عاشق اعوان کو خیبرپختونخوا میں منعقد ہونے والے چھ روزہ کھیلوں کے انعقاد کے متعلق آگاہ کیا اور شرکت کی دعوت دی۔
اس موقع پر وزیراعظم عمران خان کی معاون خصوصی ڈاکٹر فردوس عاشق اعوان نے کہا کہ کھیلوں کے میدانوں کا آباد ہونا ایک پرامن اور محفوظ پاکستان کا مظہر ہے۔
انہوں نے کہا کہ خیبرپختونخوا میں منعقد ہونے والا یہ ایونٹ پاکستان کا مثبت تشخص اور روشن چہرہ اجاگر کرے گا۔ چھ روزہ کھیلوں کے انعقاد کو بھرپور انداز میں اجاگر کیا جائے گا۔
ڈاکٹر فردوس عاشق اعوان نے کہا پاکستان کی خوش قسمتی ہے کہ ملکی تاریخ میں پہلی بار ملک کا وزیراعظم خود سپورٹس مین اور کھیلوں کا بہت بڑا مداح ہے۔
خیبر پختونخوا کے صوبائی وزیر کھیل عاطف خان نے اس موقع پر کہا کہ وزیراعظم پاکستان عمران خان کے ویژن کے مطابق پاکستان میں سیاحت اور کھیلوں کو فروغ دیا جارہا ہے۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد