اسلام آباد:وزیراعظم عمران خان نے کہاہے کہ میں پریشان ہوں عالمی میڈیا ہانگ کانگ مظاہروں کو ہیڈ لائن بنا رہا ہے مگرمقبوضہ کشمیر میں انسانی حقوق کے سنگین بحران کو نظر انداز کررہا ہے۔
سماجی رابطوں کی ویب سائٹ ٹوئٹر پر جاری اپنے بیان میں انہوں نے کہا کہ کشمیر عالمی سطح پر تسلیم شدہ متنازعہ علاقہ ہے، دو ماہ سے کشمیر میں مواصلات کا مکمل بلیک آئوٹ ہے،
وزیر اعظم عمران خان نے کہا کہ ہزاروں کشمیریوں کو جیلوں میں بند کردیاگیا ہے۔ بھارتی فوج نے کشمیر پر غاصبانہ قبضہ کررکھا ہے۔
انہوں نے کہا کہ 9 لاکھ بھارتی فوجیوں نے 8 لاکھ کشمیریوں کا محاصرہ کررکھا ہے،30 سال میں ایک لاکھ کشمیری اپنے حق خودارادیت کےلیے لڑتے ہوئے شہید ہوگئے۔
عمران خان نے کہا کہ بچوں اور بڑوں کو جیلوں میں بند کردیا گیا ہے،کشمیر میں انسانی المیہ بحران کی طرف بڑھ رہا ہے۔
وزیراعظم پاکستان نے مطالبہ کیا کہ عالمی برادری مسئلہ کشمیر کو اقوام متحدہ کی قراردادوں کے مطابق حل پرزور دے۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،