نواز اور زرداری نے مولانا کو آزادی مارچ ٹھیکے  پر  دے دیا ہے،حلیم عادل شیخ

کراچی: تحریک انصاف سندھ کے صدر حلیم عادل شیخ  نے الزام عائد کیاہے کہ  سندھ حکومت مولانا فضل الرحمن   کے  مارچ کو فنڈنگ کررہی ہے۔

پی ٹی آئی رہنما نے کہا کہ  صوبائی فنڈنگ سے مرکز پر یلغار ہورہی ہے۔ کراچی سے کشمور تک ہم ان کا راستہ روکیں گے۔

تحریک انصاف کے  صوبائی صدر حلیم عادل شیخ نے  کراچی میں پریس کانفرنس کرتے ہوئے کہا کہ   نواز اور زرداری نے مولانا   کو مارچ ٹھیکے  پر  دے دیا ہے۔

حلیم عادل شیخ نے کہا کہ  صوبائی فنڈنگ سے مرکز پر یلغار ہورہی ہے۔چیف سیکریٹری اور آئی جی سندھ معاملے  کا نوٹس لیں۔

انہوں نے کہا کہ نئے پولیس ایکٹ کے بعد  سندھ پولیس زرداری کی فورس بن چکی ہے۔ کوئی دوسرا مارچ کو  روکے نہ روکے ۔ کراچی سے کشمور تک ہم ان کا راستہ روکیں گے۔

ان کا کہنا تھا کہ  جب لاڑکانہ میں ایڈز پھیلی ،اینٹی ربیرز ویکسین نہ ہونے سے بچے مررہے تھے تو  مولانا فضل الرحمن  کہاں تھے۔

پریس کانفرنس سے پہلے  حلیم عادل شیخ نے   پی ٹی آئی سندھ کی گورننگ باڈی  ارکان کے ہمراہ  گورنر سندھ عمران اسماعیل سے ملاقات کی۔

About The Author

ویب ڈیسک

See author's posts