بہاول پور :قائد اعظم اکیڈمی فار ایجوکیشنل ڈیویلپمنٹ کے پرنسپل کی طرف سے 16 اسکیل کے کلرک پر تشدد کا واقعہ سامنے آیا ہے ۔
متاثرہ شخص کے مطابق پرنسپل ظفر اقبال نے اسے اپنے دفتر میں بلا کر جان سے مارنے کی کوشش کی۔
متاثرہ کلرک کے مطابق اسے خوفزدہ کر کے خود کشی پر مجبور کیا جا رہا ہے۔ متاثرہ کلرک پرنسپل کے رویے پر رو پڑا۔
بہاولپور کے تعلیمی اداروں میں سربراہان کی جانب سے ملازمین پر ذہنی دباو ڈالنے کا سلسلہ بڑھ رہا ہے۔
مذکورہ پرنسپل نے 16ویں سکیل کے کلرک محمد اشفاق کو مبینہ تشدد کا نشانہ بنا ڈالا ہے۔
ڈیلی سویل سے گفتگو کرتے ہوئے متاثرہ کلرک کا کہنا تھا کہ پرنسپل ظفر اقبال نے اپنے آفس میں بلا کر جان سے مارنے کی کوشش کی ہے۔
محمد اشفاق کا کہنا ہے کہ مالی بے ضابطگیوں میں پرنسپل کا ساتھ نا دینے پر شدید ذہنی اذیت دی جا رہی ہے۔ متاثرہ شخص کا کہنا تھا کہ پرنسپل کا رویہ اسے خودکشی پر مجبور کر رہا ہے۔
پرنسپل ظفر اقبال نے اس معاملے پر کوئی بھی موقف دینے سے انکار کر دیا۔
دوسری جانب قائد اعظم اکیڈمی فار ایجوکیشنل ڈیویلپمنٹ کے ڈی جی سید طاہر ہمدانی کا کہنا تھا کہ معاملے کی انکوائری کر رہے ہیں جو بھی قصور وار ہو گا اسے قانون کے مطابق سزا دیں گے۔
یہ بھی پڑھیے
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد
ڈیرہ اسماعیل خان میں پولیس نفری لیجانےوالی گاڑی کے قریب دھماکہ،5افراد شہید،21زخمی
ڈیرہ غازی خان کی خبریں