
سازشوں میں بُنی سیاست!||عاصمہ شیرازی
گذشتہ برسوں پاکستان میں ایک تُرک ڈرامے کا بے حد تذکرہ رہا اور اُسے مقبولیت کی سند تب زیادہ ملی جب سابق وزیراعظم عمران خان نے بھی اس ڈرامے میں خاصی دلچسپی ظاہر کی۔

گذشتہ برسوں پاکستان میں ایک تُرک ڈرامے کا بے حد تذکرہ رہا اور اُسے مقبولیت کی سند تب زیادہ ملی جب سابق وزیراعظم عمران خان نے بھی اس ڈرامے میں خاصی دلچسپی ظاہر کی۔

ریٹائرڈ جنرل صاحب نے تحریک انصاف کے بینر لگے ڈائس پر اپنی تقریر میں یہ بھی فرمایا کہ وہ ’سچ مُچ کے نیوٹرل‘ ہیں اور کسی سیاسی جماعت کے ساتھ نہیں لیکن اس بات پر بھی زور دیا کہ ووٹ سسٹم کے لیے دیں اور سسٹم صرف تحریک انصاف میں ہے۔

نظام سے بیزار عوام کو اُمید دلانے کی ضرورت ہے۔ حالیہ کراچی کے انتخابات یا عمران خان جیسے ’مقبول رہنما‘ کی احتجاجی کالوں میں عوام کی عدم دلچسپی اس بات کا اہم اشارہ ہے کہ عوام نظام سے نالاں ہیں۔

ساری زندگی سویلینز کو بلڈی سویلین سمجھنے والے آج کل سویلین بالادستی کے ‘پرچارکر‘ ہیں اور وہ بھی ایسے کہ مرحومہ عاصمہ جہانگیر بھی زندہ ہوتیں تو عش عش کر اُٹھتیں۔

اُدھر انتخابات کا اعلان کرنے کا ارادہ رکھنے والی کمزور اتحادی حکومت کو ’طاقت کا انجیکشن‘ لگا تو فیصلہ آئینی مدت پوری کرنے کی صورت نکلا۔ پنجابی میں کہتے ہیں کہ کُبے کو ٹانگ پڑی اور اُس کا کُب دور ہو گیا۔۔۔ یعنی جو ضمانتیں لی اور دی جا سکتی تھیں وہ طے پائیں اور معاملات آگے بڑھنے لگے۔

ن لیگ اور اتحادی مقتدر حلقوں سے صرف دو ضمانتوں کے متقاضی ہیں۔ ایک پٹرول کی سبسڈی کے خاتمے کے اعلان کے بعد اگر مقتدر قوتیں تحریک انصاف کی دھرنا سیاست سے بلیک میل ہو گئیں تو کیا ہو گا؟ دوم یہ کہ معاشی مسائل کا حل موجودہ حکمران اتحاد کرے تو پھل کوئی اور کھائے، ایسا کیسے ممکن ہے؟

پیپلز پارٹی بھی اصلاحات سے قبل انتخابات پر راضی نہیں اور حقیقت یہ ہے کہ الیکشن کمیشن نے پہلے ہی سپریم کورٹ میں سات سے آٹھ ماہ تک انتخابات کے امکانات کو مسترد کیا تھا۔

جو چورن اُن کے ہاتھ لگا ہے اُن کے چاہنے والے اُس پر بھر پور یقین کر رہے ہیں۔۔۔ وجہ عمران خان صاحب کا وہ اعتماد ہے جس کو فُل نمبر ملنے چاہئیں۔ یہ چورن کب تک بکے گا کوئی نہیں جانتا۔ یہ کیوں بک رہا ہے، یہ سب جانتے ہیں۔

ہیومن رائٹس کمیشن آف پاکستان کی حالیہ رپورٹ انتہائی پریشان کُن ہے۔ اس رپورٹ کے مطابق گذشتہ ایک برس میں بلوچستان سے 1108 افراد لاپتہ ہوئے ہیں جبکہ خیبر پختونخوا سے 1417 کیسز تاحال شُنوائی کے منتظر ہیں۔ لاپتہ سندھ سے بھی ہو رہے ہیں اور کراچی سے بھی اور یہ سب لاپتہ ایک لاپتہ معاشرے کا پتہ دے رہے ہیں۔

اب جب سیاسی تقسیم میں نہ سمجھنے والا گروہ بڑھتا چلا جا رہا ہے اور کم علم اور بظاہر عالم برابر ہو چکے ہیں، دلیل اور غلیل ایک ہی طرز میں ڈھل گئے ہیں، جھوٹ اور سچ کا پیمانہ ایک سا ہے تو کیا کرنا ہے؟ کس طرح سیاسی جماعت کو فرقے سے واپس سیاسی جماعت اور رہبر کو سیاسی رہنما بنانا ہے اس کا جواب کسی کے پاس نہیں؟