دنیا میں کورونا وائرس سے ہلاکتوں کی تعداد 11ہزار سے بڑھ گئی

دنیا میں کورونا وائرس کے پھیلاؤ کا سلسلہ جاری ہے

جہاں اس سے متاثر ہونے والے افراد کی تعداد دو لاکھ 76 ہزار سے بڑھ گئی ہے وہیں ہلاک افراد کی تعداد بھی 11 ہزار سے تجاوز کر گئی ہے

کورونا وائرس سے حفاظتی اقدامات کے تحت عالمی عدالتِ انصاف نے 16 اپریل تک تمام سماعتیں ملتوی کرنے کا اعلان کر دیا۔

اعلامیے میں عالمی عدالتِ انصاف کے ارکان کو آن لائن کام کرنےکی ہدایت کی گئی ہے۔

ورلڈ ہیلتھ آرگنائزیشن کے ڈائریکٹر جنرل نے کرونا وائرس کے پیش نظر نوجوانوں کے نام اپنے پیغام میں کہا ہے کہ وائرس کی وبا نوجوانوں کو بھی بیمار کرسکتی ہے۔

چین میں دوسرے ممالک کے برعکس اب ہلاکتوں میں کمی آتی جارہی ہے گذشتہ 3 روز سے چین میں کسی شخص میں وائرس کی تصدیق نہیں کی گئی

پابندیوں کے شکار ایران میں کورونا تباہی پھیلانے لگا کورونا ایران کے تمام صوبوں میں پھیل چکا ہے۔

امریکی پابندیوں کے باعث ایران میں کورونا سے ہلاکتوں کی تعداد میں اضافے کا خدشہ ظاہر کیا جا رہا ہے۔

محکمہ صحت کے مطابق پابندیوں اور غیر ملکی امداد نہ ملنے کی وجہ سے صحت کا نظام زیادہ دن تک کورونا کے خلاف مدافعت کی صلاحیت نہیں رکھتا۔

ارجنٹینا جنوبی امریکہ میں لاک ڈاؤن ہونے والا پہلا ملک بن گیا، تمام شہریوں پر رواں ماہ کے آخر تک کھانے پینے کی اشیا اور دوائیاں خریدنے کے علاوہ گھروں سے نکلنے پر پابندی عائد کی گئی ہے

ترکی میں وائرس کو ختم کرنے کیلئے انسداد کرونا کی ٹیمیں تشکیل دی گئیں ہیں جبکہ  گلی محلوں  ، سڑکوں اور میٹرو اسٹیشنز کو جراثیم کش اسپرے سے صاف کیا جا رہا ہے۔

About The Author

ویب ڈیسک

See author's posts