پی ٹی آئی کی خلاف قانون سرگرمیوں کے خلاف استحکام پاکستان پارٹی نے سپریم کورٹ سے رجوع کر لیا۔
استحکام پاکستان پارٹی کے مرکزی ایڈیشنل سیکرٹری جنرل عون چوہدری کی جانب سے پی ٹی آئی کے خلاف پٹیشن دائر کی گئی ہے۔
انہوں نے ذاتی حیثیت میں سپریم کورٹ میں پٹیشن دائر کی، اس پٹیشن میں پی ٹی آئی پر ریاست،ملکی اداروں کے خلاف سرگرمیوں پر پابندی کی استدعا کی گئی۔
عون چودھری نے پٹیشن میں عدالت سے استدعا کی کہ پاکستان تحریک انصاف پر پابندی لگائے جائے۔
درخواست میں موقف اختیار کیا گیا کہ چیئرمین پی ٹی آئی آئین پاکستان کی خلاف ورزی کے مرتکب ہوئے ہیں، پی ٹی آئی چیئرمین کے خلاف تمام ثبوت اور بیانات بھی درخواست میں شامل کئے گئے۔
اس پٹیشن میں تحریک انصاف کی خلاف قانون سرگرمیوں کو بھی پابندی کے لئے جواز بنایا گیا ہے۔
اس پٹیشن میں پی ٹی آئی قیادت کی جانب سے قومی اداروں، شہدا کی یادگاروں پرحملے کو بھی پابندی کے لئے جواز بنایا گیا ہے۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،