سرائیکی لوک سانجھ میانوالی دا ہک کٹھ گزریل ڈینہہ شہزاد ہوٹل اچ تھیا ، اجلاس اچ صفدر کلاسرااسلام آباد توں آ کے شرکت کیتی۔۔۔اجلاس اچ پروفیسر حیات اللہ ملک,فیروز شاہ,سیف اللہ خان,حفیظ نیازی, رمضان خان نیازی,اعجاز فرید,طاہر ساقی,حنیف گھنجیرا,ملک عصمت ,تے بہوں سارے ݙوجھے سنگیاں شرکت کیتی۔۔۔۔کٹھ ئچ میانوالی دے بنیادی مسائل,مجوزہ سرائیکی صوبے اچ شمولیت تے سرائیکی لوک سانجھ دی تنظیم سازی سمیت ݙوجھے اہم ایشوز تے ݙائیلاگ تھیا۔۔۔۔اجلاس اچ قرارداداں وی پاس کیتیاں گئیاں۔۔۔
اجلاس اچ کیتے گئے مطالبے ہیٹھوں ڈتے ویندے پئین۔
اساݙا اس ڳل تے مکمل اتفاق ہے جو میانوالی تہذیبی ,ثقافتی و لسانی اعتبار نال سرائیکی وسیب دا حصہ ہے تے اس نوں مجوزہ سرائیکی صوبے دا حصہ ہوونڑا چاہی دا ہے لیکن اس کاݨ ضروری ہے ڄو میانوالی دی محرومیاں دا ازالہ کیتا ونڄیں,۔۔۔
میانولی نوں ڈویژن دا درڄہ ݙتا ونڄیں,انجینرنڳ یونیورسٹی تے میڈیکل کالڄ قائم کیتے ونڄن,ملتان توں میانوالی تک موٹروے ٻݨایا ونڄیں,میانوالی چوں نکلݨر آلی معدنیات تے بجلی دے منصوبیاں چوں ملݨ آلی رائیلٹی دا 20 فیصد حصہ میانوالی دی سماجی ترقی تے خرچ کرݨ دی ضمانت ݙتی ونڄیں۔میانوالی دے پاݨی توں محروم علاقیاں/زمیناں نوں سیراب کرݨ دی ضمانت ݙتی ونڄیں تے میانوالی دے پہاڑی علاقاں اچ چھوٹے ڈیم بݨاۓ ونڄن۔
مہاڑ دے کساناں نوں بجلی دے بلاں تے سبسڈی ݙتی ونجیں تے عیسی خیل تحصیل دے او علاقے جہڑے ہر سال چھل نال تباہ تھیندن,انہاں نوں تباہی تھوں بچاوݨ کاݨ پائیدار حل تلاش کیتا ونجیں۔۔۔چھلاں دے پاݨی نوں محفوظ کرݨ کاݨ واٹر ریزروائر بݨاۓ ونجن۔
میانوالی ئچ بے روزگاری تے غربت مکاوݨ کاݨ سپیشل اکنامک تے صنعتی زون قائم کیتا ونجیں۔۔میانوالی چوں نکلنڑ آلی معدنیات توں متعلقہ صنعتاں لایاں ونجن۔۔۔
نمل ݙیم دی صفائی ستھرائی کیتی ونجیں ,پانڑی سٹور کرݨ دی استعداد ودھائی ونجیں تے اتھے ہائیڈل پاور پلانٹ لایا ونجیں نالے مچھی دی افزائش دے انتظامات کر کے روزگار دا ذریعہ پیدا کیتا ونجیں۔
میانوالی دے کسانوں نوں زرعی مقاصد کانڑ سستی بجلی ݙتی ونجیں
یونیورسٹی آف میانوالی ئچ سرائیکی شعبہ دا اجرا کیتا ونجیں۔
یہ بھی پڑھیے
نام ور سرائیکی شاعر مشتاق سبقت انتقال کر گئے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،