سرائیکی لوک سانجھ دی سنگت ملتان وچ ہک بیٹھک تھئی ہے جیندے وچ سرائیکی وسیب دے انجو انج جاہیں کنیں سنگت شریک تھئی ہے۔ ایں بیٹھک وچ لوک سانجھ دی جوڑ سلہاڑ تے گالھ مہاڑ تھئی ہے۔ ایندے نال لوک سانجھ دا سیاسی پارٹیں نال گانڈھا، لوک سانجھ دی سوچ تے اہر تے پالیٹکس تے کلچر دے سبجیکٹ یا ایجنڈے تے گالھ تھئی ہئی۔ کاروائی دی دریگھی رپورٹ اگوں سانجھ کیتی ویسی۔
لوک سانجھ دی جوڑ سلہاڑ سانگے سبھی موجود سنگت کوں لوک سانجھ دی جنرل باڈی بنڑایا گیا۔ فروری 2022 تائیں ہک ایڈہاک کمیٹی بنڑائی گئی۔ ایں کمیٹی دے ممبران اے ہن۔
احسن واگھا، صفدر کلاسرہ، اکرم میرانڑی (جیڑھے تھولی مدت وچ اپنڑی دستیابی ڈسیسن)، ملک اکبر، محبوب تابش، راول گنجیرا، غضنفر عباس، ملک قمر چنڑ ۔
اے ایڈہاک کمیٹی لوک سانجھ دے مینڈیٹ طے کریسی جیندے اے چار تھمبے ہوسن۔
1۔ سرائیکی تحریک وچ پروگریسو ہوونڑ دی کسوٹی دا ورتارا۔
2۔ پولیٹیکل پارٹیز تے پروسس دی اوور۔ سائٹ (دھیان کاری) کرنڑ۔
3۔ ڈیموکریٹک تے پروگریسو پولیٹیکل کلچر دا ودھارا۔
4۔ ریسرچ تے ڈیٹا کوں کٹھا کرنڑ
ایڈہاک کمیٹی انہیں چار نکتیں دے چودھار لوک سانجھ دا مینڈیٹ لکھسی تے اگونہے سٹرکچر کوں تجویز کریسی۔ جیسل کلاسرہ دے سالانہ پروگرام وچ ہک کنونشن کر کنیں انہیں دی منظوری گیدھی ویسی۔
ایں بیٹھک وچ ہیٹھلاں قرارداداں پاس کیتاں گیاں۔
1۔ سرائیکی وسیب دے الیکشن مینڈیٹ وچ ہیرا پھیری بند کیتی ونجے۔
2۔ پاکستان دا وچولا سرائیکی خطہ تے کلچر تاریخی طور پرامن ہن۔ ایں خطے دے حقوق ڈیونڑ نال پاکستان وچ امن دا ودھارا تھیسی۔
3۔ پنجاب وچ سلیکٹیٹڈ حکومت سازی دا وطیرہ بند کیتا ونجے۔
4۔ پرائمری ایجوکیشن وچ سرائیکی کوں ذریعہ تعلیم بنڑایا ونجے۔
5۔ سرائیکی ادبی مجلس بہاولپور تے غیر قانونی قبضے دی مذمت۔
6۔ سرائیکی خطے دی زرعی وسائل دی لٹ ہٹ بند کیتی ونجے۔
میٹنگ وچ سرائیکی لوک سانجھ دی پاسیوں سرائیکی ڈیجیٹل لائبریری دے اہر دی وی منظوری ڈتی گئی جیندا ڈومین نیم اے ہے۔
بیٹھک دی کاروائی دے پچھوں کیفے ٹائم کنیں پریس کلب تائیں پیریں دا پندھ کر کنیں سرائیکی صوبے تے حقوق کیتے ہک مظاہرہ کیتا گیا جیندے وچ سرائیکی سٹوڈنٹس کونسل بہاالدین زکریا یونیورسٹی دے شاگرد وی شامل تھئے۔
اے وی پڑھو:
مشتاق گاڈی دیاں بیاں لکھتاں پڑھو
یہ بھی پڑھیے
”شیر دل رانی، مائی چھاگلی (وسیب یاترا :8)||سعید خاور
”چِڑیاں اُٹھو کوئی دھاں کرو“ (وسیب یاترا :7)||سعید خاور
” "دل تاں آہدے یار دی وَستی ڄُلوں”(وسیب یاترا :6)||سعید خاور