اگست 3, 2021

ڈیلی سویل۔۔ زمیں زاد کی خبر

Daily Swail-Native News Narrative

ادیب دی عزت ||ثقلین قیس

شاعر جانی ڈوں تراۓ شعر سنڑا کے بہہ ریہا ول ایویں مہان شعراء تے سٹیج سیکٹری دے انتظار ءچ گھنٹہ گزر گیا.گھنٹہ کھن بعد مہان شعراء تشریف گھِن آۓ

ثقلین قیس

۔۔۔۔۔۔۔۔۔۔۔۔۔۔۔۔۔۔

(شاعر جانی میڈا دوست ہے.ہک مدت توں شاعری کرنڑ لگے لیکن شاعراں نال سنگ ساتھ جیکوں لوک لابی وی اہدے ہن نہ ہوونڑ دی وجہ توں مشہور کئی نئی.مزدور بندہ ہے وڈے شعراء کوں تے مشاعرے دی انتظامیہ کوں دعوتاں نئیں کھواء سگدا پروٹوکول نئیں ڈے سگدا.)
شاعر جانی کوں انتظامیہ دی کال آئی کہ فلانڑیں ڈیہار مشاعرہ ہے تُساں آونڑیں شاعر جانی اپنڑیں گنڈھوں کرایہ بھر کے مشاعرے تے گیا.نواں نواں بندہ ہئی پتہ کوئی نہ ہس جو انتظامیہ اگر نوں وجے دا آکھے تاں مشاعرہ 11وجے ونج شروع تھیسی.شاعر جانی اپنڑیں جانڑ 9.15تئیں دیر وی کیتی .مشاعرے دی جاہ تے اپڑا تاں پتہ لگا اجاں شعراء حضرات تے سٹیج سیکٹری انتظامیہ کولوں روٹی بیٹھے کھاندن تے مشاعرہ دی جاہ تے دیر نال آسن .عوام سٹیج سامنڑیں بہہ کے انتظار کریندی بیٹھی ہو وے .اتنی دیر ءچ انتظامیہ دا ہک بندہ آیا تے اس مائیک شائیک ٹیسٹ کرکے نعت تلاوت پڑھا کے تے شاعر جانی کوں سڈ گھِدا کے تساں عوام کوں وِلا کھڑو وو .
شاعر جانی ڈوں تراۓ شعر سنڑا کے بہہ ریہا ول ایویں مہان شعراء تے سٹیج سیکٹری دے انتظار ءچ گھنٹہ گزر گیا.گھنٹہ کھن بعد مہان شعراء تشریف گھِن آۓ .مشاعرہ شروع تھیا سٹیج تے چاہ آئی چاہ وی انہاں شعراء کوں ڈتی گئی جیرھے مہان ہن.شاعر جانی لُندھا منہ کڈھ کے ڈیدھا ریہا.مہان شعراء توں پہلیں انہاں دے ڈوں ڈوں تراۓ تراۓ شاگرد شعر سنڑیندے رہے .ہر نویں شاگرد شاعر دے نمونہ کلام توں بعد شاعر جانی احساس کمتری دا شکار تھیندا گیا تے سوچیندا ریہا یار شاعر جانی تہاڈی شاعری انہاں بودکیاں توں وی گئی گزری ہئی جو مشاعرے توں وی پہلیں تہاڈی حاضری لگ گئی ہے.شاعر جانی مشاعرے چوں اُٹھیچا تے ول کڈانہہ نہ گیا.آندے سال انتظامیہ شاعر جانی کوں سڈا شاعر جانی معذرت کیتی .تے انتظامیہ آکھنڑ لگ گئی کہ ہنڑ تساں وڈے شاعر بنڑ گۓ ہو .شاعر جانی آکھا نئی وڈا نہ تھی گیا وڈا تھی ونجاں ہا تاں ول آواں ہا تہاڈے مشاعرے تے بحثیت شاعر نہ کہ ہیلو مائیکرو فون ٹیسٹنگ ہیلو ہیلو.
%d bloggers like this: