عمر اکمل کو عالمی ثالثی عدالت سے چھ ماہ کا ریلیف مل گیا، قومی کرکٹر بارہ ماہ کی پابندی کا دورانیہ مکمل کر چکے،، کرکٹر پر پابندی کب لگی؟ کہاں کہاں اپیل سنی گئی؟
قومی کرکٹر کی سنی گئی،، کھیلوں کی عالمی ثالثی عدالت نے عمر اکمل کی اٹھارہ ماہ کی سزا کم کر کے بارہ ماہ کر دی ، جو کہ وہ پہلے ہی مکمل کر چکے ہیں
عمر اکمل کو دوبارہ ان ایکشن آنے کیلئے ساڑھے بیالیس لاکھ جرمانہ ادا کرنے کے ساتھ پی سی بی کے ری ہیب پروگرام میں حصہ لینا پڑے گا
قومی کرکٹر کو پی سی بی نے بیس فروری دو ہزار بیس کو پی ایس ایل فائیو شروع ہونے سے پہلے مشکوک افراد سے رابطہ چھپانے پر کھیلنے سے روکا تھا، ستائیس اپریل دو ہزار بیس کو انڈیپنڈنٹ ڈسپلنری پینل کے چیئرمین نے بورڈ کے اینٹی کرپشن کوڈ کی دو مختلف مواقع پر خلاف ورزی کرنے پر تین سال کی معطلی عائد کی
گذشتہ برس انتیس جولائی کو انڈیپنڈنٹ ایڈجوڈیکٹر نے ہمدردانہ رویہ اختیار کرتے ہوئے بلے باز کی سزا کو اٹھارہ ماہ تک کر دیا تھا، سی اے ایس نے چار نومبر کو عمر اکمل کی سزا ختم کرنے کی اپیل سماعت کے لیے منظور کی تھی
عالمی ثالثی عدالت نے عمر اکمل کے دو موبائل فونز واپس کرنے کی درخواست مسترد کر دی ہے، فونز تحقیقات کیلئے پاکستان کرکٹ بورڈ کے سیکورٹی اینڈ ویجلنس ڈیپارٹمنٹ کی تحویل میں ہیں، ۔۔
یہ بھی پڑھیے
بھارت کو فائنل میں عبرتناک شکست، پاکستان نے ایشیا ایمرجنگ کپ جیت لیا
لاہور میں پاکستان کا سب سے اونچا پرچم نصب کیا جائے گا
برلن میں جاری اسپیشل اولمپیکس میں قومی سائیکلسٹ کی نمایاں کارکردگی