محمد الیاس کبیر
۔۔۔۔۔۔۔۔۔۔۔۔۔۔۔۔۔
۔۔۔۔۔۔
ہک وڈی لکھت کہیں وی وسوں دے ضمیر دی تخلیقی آواز ہوندی اے اتے وسوں وانْ اُوں لکھت کوں آدر ڈیندن۔ ایہ لکھت دی قبولیت وی ہوندی اے اتے لیکھک کیتے ہک ڈھارس وی۔ ایں چھنْ چھنْ کوں ہک ایہو جیہے کٹھ وچ ونجݨ دا اتفاق تھیا۔ ایہ کٹھ رفعت عباس دے ناول ’’لونْ دا جیونْ گھر‘‘ دی گنڈھ کھُلائی دا ہئی جیندا آہر سرائیکی لوک سانجھ نے پاسٹورل انسٹی ٹیوٹ رشید آباد (ملتان) وچ کیتے۔
ایں کٹھ دی صدارت محمد سعید اختر ہوراں کیتی جیندی عالمی ادب اچ بہوں گھاٹی نظر اے۔ انہاں نے رفعت عباس دے ایں ناول کوں اردو دے چار وڈے ناولیں دے نال رکھ کے ڈٖٹھے۔
سئیں احسن واگھا نے ناول نے گالھ مہاڑ کریندے ہوئے آکھے جو ایہ ہک وڈا ناول ہے اتے ایندی لفظالی تے بہوں کم تھی سگدے۔
مشتاق گاڈٖی نے ناول تے کافی چِر تئیں گالھ کیتی۔ انہاں ناول دے کردار، ناٹک، کتھا اتے بہوں ساری بئی چیزیں بارے کھل تے الوائے۔
محبوب تابش نے آکھیا کہ ایں ناول تے بہوں ساری گالھ تھیندی رہ ویسی۔ انہاں رفعت سئیں دے کجھ اینجہیں شعر پیش کیتے جنہاں دا تاثر ناول وچ موجود ہے۔
رفعت عباس نے آکھیا کہ ایہ کاتھی دی خوشی اتے ناول دی کامیابی اے جو ساڈٖے اپنْے لوکیں انہاں تے کھل تے گالھ کیتی اے۔
ایں کٹھ وچ بہوں سارے دوستیں نال وی کافی مُد دے بعد ملاقات تھئی۔ فضل خان لُنڈ، مرتضٰی زاہد، سوجھل فقیر (غضنفر عباس)،
اے وی پڑھو:
یہ بھی پڑھیے
جنرل قیوم کا المیہ۔۔۔||رؤف کلاسرا
ایران-اسرائیل کشیدگی اور مہنگائی کی لہر۔۔۔ || نصرت جاوید
گاؤں کا قبرستان۔۔۔||رؤف کلاسرا