سوکھ واں۔۔۔ثقلین قیس

ہُنڑ بنداں دی مصروفیات دی وجہ توں اے رسم ہولیں ہولیں مُکدی ویندی ہے .چوری ہُنڑ وی بنڑائی ویندی ہے لیکن اکٹھے تھی کے کھاونڑ دا رواج گھٹ گیا ہے.

ثقلین قیس

۔۔۔۔۔۔۔۔۔۔۔۔۔۔۔۔۔۔

ساڈی مقامی سرائیکی زبان ءِچ تاں ایں تہوار کوں سوکھ واں آکھیا ویندے تے اے سفر دے مہینے دی چھیکڑی بدھ کوں چوری کُٹ کے منائی ویندی ہے.
ایں گال دا تاں نئیں پتہ کہ اے کیا رِیت رسم ہے ,ایں کتھوں شروع تھئی ہئی اس کوں کیں شروع کیتا ہئی لیکن ایکوں کوئی مذہبی تہوار سمجھ کے منایا ویندے
چوری کُٹنڑ دا طریقہ اے ہے کہ کنڑک دا اٹا پیہایا ویندے لیکن اے اٹا بھت آلے اٹے کولوں تھوڑا بریک ہوندے تے ٹُکر آلے اٹے کولوں تھوڑا موٹا ہوندے .ول اوویں ٹُکر آلے اٹے آر ایکوں گُنہاں ویندے موٹے موٹے گوگے توے تے پکاۓ ویندن. ول گرم گرم گوگاں کوں اُکھلی دے وچ باریک کر کے کُٹا ویندے. جیں ویلے اے گوگے کُٹیچ کے بھُور بھُور تھی ویندن تاں اوں بھور دے وچ کُٹا ہویا گُڑ یا شکر پا ڈتا ویندے تے سُتھرا گاوا گھیو وچ گھت چھوڑیدے تے سوکھ ویں دی چوری تیار تھی ویندی ہے جیکوں پہلے زمانے وچ تاں اوانڈھ گوانڈھ ءچ ونڈا وی ویندا ہا تے سارے گھر دے بندے رل بہہ تے کھاندے ہن.
ہُنڑ بنداں دی مصروفیات دی وجہ توں اے رسم ہولیں ہولیں مُکدی ویندی ہے .چوری ہُنڑ وی بنڑائی ویندی ہے لیکن اکٹھے تھی کے کھاونڑ دا رواج گھٹ گیا ہے. میکوں ڈر ہے کہ بیاں مقامی رسماں ریتاں وانگوں اے وی ہِک ڈینہہ ختم تھی ویسی
(میڈے طفیلوں ہر کہیں کوں سوکھ ویں دی ڈھیر ساری مُبارخ .تے جیرھے بندے ایں رسم دے بارے کُجھ جانڑدے ہِن تاں اپنڑی راۓ ضرور ڈیسو)

جواب دیں

آپ کا ای میل ایڈریس شائع نہیں کیا جائے گا۔

This site uses Akismet to reduce spam. Learn how your comment data is processed.

%d bloggers like this: